I fell ship with ptbf

push

樓主文呢

Push

冇錯，正如大多數嘅人嘅估計一樣，如果佢嘅答案係好嘅話，我打算將我隻豬俾咗細路。

喺同細路第一次上床嗰陣，細路有諗過想入去，同埋之後嘅好幾次，佢都不多不少有過想硬闖入嚟嘅嘗試，但係我就以「我要俾返個處俾男朋友」嘅理由拒絕咗佢。呢個唔係借口，呢個亦都係我一路而嚟想做嘅嘢。雖然有人可能已經會話，我俾錢揾ptbf同我搞已經夠賤夠淫，但係呢隻我保留咗廿幾年嘅豬，可以嘅話我都係想交俾一個愛我而我又愛嘅人手上——所以，假如細路真係俾到一個好嘅答覆我嘅話，佢咪就係我要揾嘅人嚟囉？

我知道呢個諗法好錯，性根本唔應該用嚟做為獎賞或者係用嚟確立關係嘅工具，但係如果我係根據應唔應該做嚟衡量做唔做，我而家就已經堅決咁同細路講咗掰掰，唔會再同佢見面，而唔係相反地咁踴躍熱切咁去盼望我哋星期五嘅見面。因為喺細路俾我嘅訊息入面，已經幾明確咁話我知，佢對我係有感覺嘅。有感覺，點會唔俾一個好嘅答覆我？

所以我嘅自信同好心情一直持續到星期五我哋見面嗰陣。正所謂被愛的都會有恃無恐，我一掃之前嘅忐忑憂慮，簡直恨不得星期五快啲嚟到，快啲講清楚快啲心意相通。而細路覆訊息都覆得快咗，我哋就好似已經進入咗熱戀期，只係差少少講得清楚啲啲嘢咁，我哋就會真係喺埋一齊啦。

而且，我仲為咗星期五呢個夜晚做咗啲特別準備。先前講咗話如果細路係真係鐘意我嘅話我就俾隻豬佢，咁作為第一次，我都希望係特別啲，唔希望自己隻豬係喺時鐘酒店到冇咗。所以喺見細路面之前，我已經訂咗間酒店房，同埋買咗件情趣內衣。

⋯⋯我知，我知呢啲十足十貼埋大床嘅行為好cheap好賤。就正如我從未諗過自己原來談起戀愛起嚟居然會係無限包容嘅奉獻型，或者就好似張愛玲咁講鐘意一個人有時會低到塵埃去，我而家就係鐘意細路鐘意到不惜將自己當做一份禮物咁去送俾佢，只係希望佢鐘意，甚至連自己嘅矜持同羞恥心都完全唔理，成個腦只被細路所佔據咗，只係想快啲、更快一啲見面。

好想、好想即刻見到細路吖⋯⋯
就係咁樣急不及待想見面嘅心情之下，時間過得極其飛快，就好似眨一下眼，就到咗我哋相約見面嘅晚上。我仲因為公司有少少事，遇到埋塞車遲45分鐘到㖭。

「sorry呀我遲咗到⋯⋯」雖然一路上面都有同細路text保持聯絡，俾佢知我遲到同去到邊，但係一到埗我都係先say咗sorry先，要人等自己始終唔係太好意思嘛。

「得啦冇嘢啦⋯⋯」喺我啱啱嚟到企喺細路面前主動去扯一扯佢衫袖嗰陣，細路好似有啲靦腆拘謹，但係呢種不自然好快就好似消失咗咁。

我哋一路行一路如常咁對話，雙方都有意無意咁少少避開咗我哋之前星期一爭執嘅話題，咁樣嘅感覺既熟悉又陌生，熟悉係我哋每次出嚟相處都似係咁樣無改變過，但係同時我自己覺得發生完我哋爭執咗嘅嘢之後我哋又唔應該係咁相處，但細路明顯有啲時候表現得唔太自在咁，我又唔忍心見佢咁樣⋯⋯

終於喺食完飯，再係街上面行緊散步消化嗰陣，我再次提起呢一樣嘢：「之前咪講咗，等我出到嚟話俾你知女仔點諗嘅？」

雖然大個咗知道唔係樣樣嘢都適合講出口，但係我覺得感情事可以講清楚嘅話都會好啲，我唔係應承咗佢話約佢出嚟見面嗰陣同佢講女仔點諗？等大家都唔使估吓估下大家點諗，我仲未俾佢知，我對佢同我講嘅嘢嘅諗法呢。

「嗯⋯⋯」
開咗呢個話題，細路明顯沉默寡言咗，佢輕輕應咗我一下，連眼都唔敢再望我，又望返去前面。

秉持住愈係尷尬就愈係要扮大方得體嘅宗旨，我笑笑口咁望住佢，慢慢咁同佢討論返我哋之間必需要傾嘅呢個話題：「其實我真係好後悔嗰日咁衝動同你講咗嗰一句嘢，點都好我都應該等你考完試先⋯⋯」

細路冇轉頭望我：「算啦你唔講都講咗⋯⋯」

「我真係唔想令你咁辛苦咋。」我繼續望住細路講嘢，企圖係佢嘅表情上面了解返佢嘅諗法：「我冇諗過傷害你，但正如我所講，我覺得我哋真係好似sp，次次出嚟都係扑嘢，咁sp嘅話隨時話完都得啦。」

「你知唔知我嗰晚真係好唔開心，真係喊埋出嚟？」細路感覺到我嘅視線，望返我一眼，又匆匆移開視線：「我個心真係好痛，嗰晚應你之前其實我訓咗晏覺，先咁夜覆你，我訓醒個心好痛，我已經知應該有啲嘢發生，結果一醒就睇到你message⋯⋯同埋我哋邊有次次扑？上次咪冇扑？」

「上次係因為我身體真係唔太舒服，死都唔肯扑。上上次我話病緊你咪一樣照的我上房？」我好冷靜咁指出返嗰事實，但同時無可避免態度又有啲軟化起嚟。對住佢我好明顯係受軟唔受硬嘅，所以細路賣慘賣可憐我係會忍唔住心疼佢，繼而唔同佢計較好多好多嘢：「所以我會咁諗其實唔出奇⋯⋯不過我都係唔應該呢個時候講呢啲嘢。」

「我上上次的你上房真係休息，你真係可以唔做架！同埋你返工咁忙，我都約唔到你去邊，淨係可以夜晚約你出嚟⋯⋯咁唔係食嘢就係扑嘢㗎啦。」細路駁唔到嘅嘢一係就會用歪理駁我，又或者轉移話題：「我都唔想咁⋯⋯總之嗰晚同你傾完之後我其實都唔係好訓到。」

雖然知佢前面講嘅嘢係垃圾，但係細路後尾咁樣講我真係好內疚。

「對唔住⋯⋯」
我停咗一停，個腦盤旋住千言萬語但又未知喺邊講起好，只係可以盡量整理咁慢慢講出嚟。詳細講咗啲咩我都唔記得啦，淨係顛三倒四咁講返我對佢啲行為嘅諗法。因為大部份我都已經之前寫咗出嚟，所以呢度我都唔再花筆墨寫出嚟啦。

喺我講緊嘅時候，細路一直都冇乜點出聲。佢睇起上嚟似係心不在焉咁向前行緊路，但係我知，或者我覺得佢係有專心聽我講嘅嘢，就算佢未必好理解。無論如何都好，我表達咗我一直以嚟都想表達嘅嘢，佢接唔接收得就佢嘅事啦。

「⋯⋯咁所以你會俾個咩答覆我？」兜兜轉轉咗咁耐，講完一大堆嘢，我望住佢，好想知道我應有嘅答案。曖昧咗咁耐，大家猜度大家嘅想法咁耐，我哋係時候係咪可以唔使再估嚟估去，真正咁開始投入呢段關係呢？

只要你講你鐘意我，只要你叫我做你女朋友⋯⋯
我就會應承㗎啦。

細路有少少唔自然咁反問返我轉頭：「咩嘢咩答覆？」

我繼續望住佢：「就係我哋之前喺tg嗰到，你話會俾個好答覆我，咁你而家諗到俾咩答覆我未？」

「咩答覆⋯⋯」
細路含糊其詞，眼神似係怕怕醜醜咁躲躲閃閃，帶住一個唔自然嘅笑容，最尾都係吞吞吐吐咁講：「⋯⋯咪一個好嘅答覆囉。」

我個心就因為佢呢一句話安穩落嚟。
我唔使你花言巧語，又或者講到天花龍鳳咁，我只要知道你鐘意我，想同我開始，就已經好足夠。

因為你呢一句話，我就已經願意將我嘅心，同我嘅身體都交俾你。

因為我真係只要一句咁簡單嘅話。

「行啦。」我拖起細路隻手，行去搭巴士：「我準備咗個驚喜俾你。」

唉

戲肉要開始 會唔會喊死

睇黎開始會好虐心
呢個星期好忐忑矛盾
每次CLICK入黎又想有文又想冇文
想知樓豬同細路發展成點又隱隱地覺得會係一個SAD END

唉

好sweet 但預計會好sad

好睇好到肉

細路真係好撚幸福

好撚好睇啊

好嘅答覆都講得出口

live左

希望係good ending 啦
睇完即刻上ig search ptbf

支持樓主

可唔可以寫多少少sweet 野先俾sad 野我睇

樓豬唔識追男仔