I fell ship with ptbf

push

嗰一刹那，煙花好似喺我耳邊忽然爆開。
轟隆轟隆咁，我有好幾秒忽然無法思考。

新讀者lm

出文未

快啲啦樓主

事實證明我係痴咗線。

細路喺我身上大概留低咗八個吻痕。有兩個喺頸邊，然後其餘嘅慢慢延伸落去胸前同乳房之上。我望住呢啲痕跡，居然意外地冇覺得憤怒。成為他人之物，唔知點解唔覺得被冒犯，非常神奇咁甚至仲有啲覺得喜悅。

我似乎終於可以屬於某個人。
縱然、縱然⋯⋯嗰個人並唔屬於我。

係呀，細路其實並唔係我嘅邊個。
頸邊嘅吻痕突然變得刺眼起嚟。

跟住落嚟嘅幾日，我花盡心思咁去掩飾自己身上嘅咖喱雞。細路今次留嘅痕實在太深色同埋太高，雖然嗰時係冬天，我嘅高領衫並唔多，頸巾有時候又太熱，而遮暇膏又唔知點解搽完嗰一撻反而仲深色咗——我嗰幾日實在過得膽戰心驚，好彩同事、老細同埋屋企人都冇睇到，至於可能唔小心會睇到嘅街邊陌生人，我就再冇咁多心力去顧啦。睇到就睇到啦，我理唔到啦。

激情帶嚟嘅感情幻覺隨住時間嘅消逝而慢慢褪去，又或者可以咁講，我食飽咗，自然又可以理性少少去睇返啲嘢。我睇到嘅嘢、我聽到嘅嘢、我所感受到嘅嘢唔係咁容易消失忘記。嗰一下當冇事發生，唔代表真係冇發生過。

我都不過係一個人，我有感情，我會感受到心動，都自然會感受到心傷，亦都會覺得攰。

我唔會去怪細路，因為本身我哋就有約定過啲乜嘢。我冇俾身份佢。佢都冇俾身份我。無名無份，怪邊個？

講到尾，我對細路嘅鐘意不過係好淺好淺。一有少少唔對路，我就會想縮返返嚟，扮到咩都冇發生過。

而且吻痕帶俾我嘅刺激都有啲太大。雖然嗰一下我好高興，但係之後遮遮掩掩帶嚟嘅擔憂實在有啲可怕，而回想起嗰個時候，諗住「就算真係俾咗嗰處佢都算啦」放膽到極嘅自己，我感受到失控嘅可怕。我係咪係時候剎停車呢？

細路明顯唔係一個好好嘅選擇，而我都得到咗我所追求嘅嘢⋯⋯聖誕過後嘅我忽然就有啲意興闌珊起嚟。我係繼續有應到細路，不過僅僅如此。

所以，喺細路聖誕節之後第一個工作日再約我出嚟，返完工之後好攰嘅我就第一次拒絕咗佢。就算佢點求我氹我，我居然好有意志力咁，冇心軟咁拒絕咗佢。

細路係‘囈’我嗰陣講咗啲好好聽嘅嘢，例如我叫佢去左揾聖誕陪佢嘅女仔嚟陪佢，佢就話唔要，只係想要我；我喺都話唔出，佢就話被我搞到好唔開心，每一字每一句都好似喺度講緊我之於佢嘅重要性。

但我今次真係有啲攰啦。可能係返工太攰，可能係被人餵飽咗，可能再係其他嘅唔知咩原因，我居然拒絕咗細路。平日嘅我對佢好易心軟，但係嗰一下我都係冇屈服到改變主意出去。

細路雖然好唔開心，但係呢啲嘢係逼唔嚟就逼唔嚟，無辦法。唔知係咪因為呢一次嘅挫敗，隔咗一日佢好快又約多我一次。我之前同佢講咗，今年年尾我約咗朋友一齊去日本跨年，少少算係打定枝預備針咁——如果佢冇約我嘅話，我起碼都叫做有啲世藝搞吓呀。同埋自己先行有計劃嘅話，就算佢唔約我我都叫做有個好好聽嘅藉口：係我唔得閒在先，所以咪唔可以同佢過囉。

其實仲有仲有一個好微細、我羞於啟齒嘅原因。如果可以藉住呢個跨年，將我呢段孽緣可以喺2017完結，然後喺2018重新出發開始——咁唔係幾好咩？

女人就係有咁多儀式同藉口。唔開心就要買嘢食嘢，節日要出黎慶祝渡過，就連結成同結束一段關係都想做啲咩嚟紀念或者remark一下。

所以唔知係咪咁，細路攞住呢個做藉口，喺我走之前嘅一個晚上，星期五晚又約我出嚟。

「今晚出嚟好冇呀？」
「唔啦我因間凌晨機⋯同你出完我唔使瞓啦😂」
「出啦，你上次都拒絕咗我，仲要除夕唔陪我😗」
「唔出啦好攰啦⋯我都就返到屋企啦🙈😂」
「又係咁，我想要你陪我呀⋯」
「你揾其他囡囡啦好冇🙉？」
「唔要呀，我好悶，我想你陪我」

講到呢度我開始有啲唔知點應落去，細路繼續再接再厲：
「陪埋我今次啦，遲啲你又要去旅行，要2018先見到你啦⋯」

細路係好識講嘢令人心軟嘅。又或者咁講，可能佢就係好識點樣先至會最令我心軟點頭，所以又一次咁，我讓咗步，最尾都係食完飯出咗去陪佢。

就當係跨年前嘅最後一次心軟啦。
或者跨年嘅時候，我就可以將細路都拋諸腦後呢？

抱住咁樣嘅心情想法，我乍乍林食完飯，就衝咗出去老地方旺角到見細路。出到嚟，細路自然唔係好似佢message入面講到點慘點慘咁，又係一副吊兒郎當嘅樣，搞到我心入面有少少不滿咁。

做戲都做全套吖，你個樣邊忽唔開心呢？

最令我嬲嘅陸續有嚟。
細路無意中透露咗，原來喺同我約咗之後，佢約咗第二個女仔喺我之後見面。

乜撚嘢料？
有冇搞撚柒錯？

細路其實冇蠢到主動講出嚟，喺我聽到佢問我打算今晚幾時走，我覺得奇怪（因為平時細路想我有咁夜得咁夜陪佢）所以先慢慢套到料出嚟。不過我嗰下已經幾嬲吓，塊面當堂沉咗少少落嚟，第一次當面向細路爆一爆少少脾氣。

其實我真係唔介意你約第二啲女仔。我忍住咗呢句冇講，但其餘嗰十啲我都基本上講咗出嚟：「其實你咁做咪就係揾我攝時間。早知道係咁我就唔會心軟出嚟，仲講咩話想見我，根本分明就係呃人。」

細路被我咁樣話，當然就努力為自己辯護：「邊有啊？我冇揾你攝時間⋯⋯喺你自己話唔出之後我先約嗰第二個，跟住佢ok咗你先突然又話出得⋯⋯唔好嬲啦，咁真係呀嘛，遲啲你去旅行又真係幾日都見唔到⋯⋯」

細路梗喺唔鐘意認錯，專門將歪理講到變成真理先啱聽。我其實有少少受夠佢呢種幼稚嘅行為，同埋有少少晦氣咁心諗，其實你都明知佢係一個咁嘅人，你都仲要樁嗰頭埋去，呢啲後果就正正係你自己要承受嘅，而且而家發脾氣不歡而散唔係仲尷尬咩⋯⋯咁樣諗多兩諗，我發現自己冇好氣再去嬲佢，只係重申講多次下次唔會再心軟云云就將件事揭過咗。

細路見我下咗啖氣，神色好明顯唔再小心翼翼起嚟。人類呢種生物都係有危機本能，你見到嗰人黑住面，你都唔會點自在得來，但係危機解除，細路咪自然又再輕鬆起嚟，開始又講起啲無聊嘢。佢講起自己有時去大陸渡假玩，因為屋企買起咗海南島一個山頭，所以有時候上去嗰陣細路仲會揸住電單車通山揸，仲有好幾次衝得太犀利跌咗落啲山溝到，有時仲痛到上唔返嚟㖭。

細路以為佢講緊笑氹我開心，但係點知正正踩中我另一個地雷。

我堂哥，啱啱好係嗰年喺外國揸電單車過咗身。
而佢嘅驟然離去，正正就係令我痴起條筋發咗癲，去揾ptbf搞前戲嘅導火線。

我唔知有冇人諗過點解我會喺呢個時候先至去揾ptbf。就算係一個冇拖拍嘅A0，點饑渴都好都饑渴咗成廿幾年，點解會突然之間係呢個時候，唔係2016，都唔係2018先嚟揾呢？點解係十一月，而唔係其他時間先嚟揾人呢？

咁係因為我堂哥八月走咗，我九月知道呢件事，然後用咗個零月去接受件事，然後十一月就終於忍唔住痴咗線。

我同我堂哥可以講係青梅竹馬咁一齊長大。我爸爸同佢爸爸係雙胞胎兄弟，所以唔知係咪因為咁樣有啲影響，我同佢居然都係同一個月份出世，生日都僅僅只係相差十六日。喺咁嘅情況之下，我哋由細玩到大，感情係幾深厚，雖然中學之後疏遠咗，佢畢業咗之後去咗外國讀書，但我從來冇諗過一別之後收到嘅竟然係佢逝去嘅消息⋯⋯

佢先得嗰廿四歲。廿四歲，人生先啱啱開始，大學畢完業先出嚟做咗一兩年嘢或者繼續讀上去咁，我哋先啱啱揾到少少錢，可以自如啲咁掌控自己嘅人生，你而家同我講，佢走咗？毫無先兆毫無預警咁，佢突然有一日永遠咁消失咗，同去外國生活並唔同，因為你知道終將有日你哋會再相見，或者即使見唔到，你都知道你哋係會活喺同一片天空之下——但而家佢走咗。佢嘅時光永遠只能夠停留喺廿四歲，而同佢同年同月出世嘅我，可以繼續走落去，慢慢變成廿五歲、廿六歲⋯⋯

我嗰時忽然好驚。我諗同我有過差唔多經歷嘅人可能會明白我嘅感受。你突然會發現死亡可以離你如此接近，然而你仲有咁多嘢都未見過未試過。我未拍過拖，未試過同男仔擁抱過嘅滋味，仲未扑過嘢。如果我下一秒就咁走咗，我諗除咗其他之外，我最大嘅遺憾應該就會係呢樣。

而當時，最快幫到我嘅就係ptbf呢一樣嘢。

當然我唔係講緊呢樣嘢係正確，因為想求其揾啲嘢去填補自己嘅空虛寂寞，到頭來只會覺得更加空虛同更加寂寞。

個故越黎越SAD
好想同樓主講聲加油

唉

今次咁快出既 屌 feel到樓主好無奈 正

睇到好sad
好多位都好有同感，勾起同ex嘅經歷

Pish

好睇👍🏻

加速

幾時扑到野?

感覺係雙方面o既....
你有感覺o既時候, 其實人地都有...
唔好自己喺度原地打轉諗, 以為人地同你捉緊棋...其實佢只係出緊直拳咁同你講, 佢鐘意你.
一段美麗o既可能性就因為你o既保留斷送左...呢段烙印會印喺你個心一世
不如試下掉轉頭, 放手俾自己無悔咁愛一次?

樓主呢？！

push

跪求加速

一日走兩場真心好唔尊重

push