I fell ship with ptbf

live...

push

Push

幾好睇 睇到有啲sad
好耐無係兩登追過故
希望唔係真

上次追故係連登未開
樓主好波 係咪真人真事黎架

樓主

好Sad啊

push

唔好放棄我哋啊樓主

以為有update

lm

push

Push

跟住之後嘅日本跨年之旅我都唔知點講好。我渾渾噩噩咁搭下一架車返屋企，之後又渾渾噩噩咁訓咗兩三個鐘就起身趕去機場。我仲要黑仔到走咗一千零一架嘅機場凌晨巴士，叫咗㗎uber衝去機場會合我朋友。去到機場搞掂曬啲嘢我先得閒睇返電話，原來細路點幾兩點喺ig揾過我嚟。

「返到去未？🤭」
「Safe flight ar✈️」

我覆咗一覆佢，點知佢勁快又覆返我轉頭。我有啲奇怪，佢唔係同緊第二個女仔一齊㗎咩？點解可以呢個鐘數覆我？細路就同我講話其實頭先佢哋都係出咗一兩個鐘，跟住覺得冇乜癮又返返去咁。所以出得嚟唔係耐又返咗去咁。我知道之後，雖然有啲開心，但其實如果你問我又唔會特別覺得妒忌同難過⋯⋯

咁其實細路係咪對我嚟講真係咁重要？
成趟旅程我都一直喺度諗緊呢樣嘢。我見到啲靚嘢、食到啲好嘢會諗起佢、想同佢分享，喺東京鐵塔附近倒數又會喺度諗如果身邊嗰個人係佢就好，但亦都好多時候我會投入個旅程，有時忙到唔記得覆或者覆佢訊息覆得唔算太密。倒數嘅時候有認真諗過試過唔再覆細路嘅訊息，想好似新一年新開始咁將細路丟低，但最尾都係覆咗。反反覆覆來來回回，就算到咗2018我都係繼續同細路保持緊聯絡，我對自己都有少少恨鐵不成鋼。

但細路真心真係越嚟越識講嘢。佢會係咁講話好想見我，又話要等我返嚟，喺我講笑話日本好似好多情趣酒店嗰陣扮呷醋話唔準去。我成日周不時都俾佢嘅呢種態度迷惑咗，開始有時會多諗我哋之間係咪真係有啲嘢存在——

但係，如果有嘢存在嘅話，佢仲會繼續識女仔㗎咩？佢仲會繼續同其他女仔出去、繼續接客嘅咩？雖然佢有同我講過，已經少咗接客啦⋯⋯少咗又唔係等於冇，咁究竟而家我哋又係咩關係呢？

我個人好亂。呢一種亂維持到返嚟都冇辦法解開。或者係因為個人諗太多嘢，個心又鬱住鬱住，再加上香港太多菌，新年流流咁我一返到嚟就病咗。病嘅時候個人更加温温燉燉咁諗嘢都諗得唔清楚，唔知自己做咁乜。返到嚟機場嗰一刻，我望見一對對情侶喺度接機送機，心入面就覺得好酸。明明之前無數次都係自己一個人搞掂，有人冇人嚟接都係好閒，但係點解而家又覺得忍受唔到呢？好想細路嚟接我機，但又覺得唔好意思出聲，所以自己就只能夠喺度自怨自艾。

呢一種任由他人掌控住自己情緒嘅感覺好差。細路同我講佢除夕夜去咗尖沙咀海傍玩free hug，仲有囡囡猴擒到排咗隊兩次去攬佢，誇張啲嘅有囡囡仲咬咗佢一啖咁，佢講完俾我聽之後我就當然唔係幾開心；但係佢之後同我講話佢除夕元旦無食囡囡，淨係想等我返嚟咁，我又已經開心返。呢一種因為其他人嘅一舉一動而令自己嘅情緒起伏波動嘅情況實在太陌生，唔受自己嘅掌控亦令我心慌意亂咁，所以我下意識其實唔係太想再同細路見面嘅。

但係細路唔知痴咗邊條筋。佢唔知係咪sense到啲乜嘢定係點，佢呢一排比較頻繁咁約我。我一返到香港就病咗，自然無乜心情去應酬佢，攰就唔係好想扮嘢。只係細路又喺度噓寒問暖，我話病咗唔舒服去睇醫生，聲都有少少變埋，佢就話使唔使過嚟睇你咁。事實上我住東九龍嗰邊而佢就住青衣（作嘅），要真係過嚟都唔少時間，再加上佢要返學，雖然我即刻拒絕咗佢，但係我已經好感激佢咁樣嘅提議——就算佢係吹下水呃我都好呀，佢有呢份心我就已經滿足啦。

因為住呢一份嘅感激，所以之後嗰一個禮拜佢話約出嚟想見下我我最尾都係應承咗佢，雖然唔係太樂意⋯⋯

點解？可能係因為我開始覺得，其實我哋係咪SP嚟嘅呢。如果係SP嘅話，我而家病緊，咁出嚟唔搞都係冇咩意思，我又唔水想傳染到佢，影響佢考試又唔好，而且，大佬我病緊喎都要搞？

但係退一萬步諗，退一億步諗，或者事情唔係真係好似我諗得咁衰呢？可能佢係真係想見下我，同我行下呢？話晒我哋都成差唔多一個星期冇見⋯⋯

唔會嘅。其實佢唔會係我希望嗰種。因為如果佢真係咁，佢就唔會約我出嚟——佢會體諒我珍惜我，就唔會想我病都出嚟陪佢。

嗰一晚我仲係有少少唔舒服，仲有啲痰，鼻塞同埋少少咳咁，但係精神還算可以嘅。見到細路嗰吓係幾開心嘅，見佢之前我仲特登走去AEON買咗啲禮物嘅包裝用品，用嚟包住我喺日本買返嚟送俾佢嘅手信。雖然好老土咁講，但係我都係覺得手信係幾體現到一個人對你上心嘅程度——如果有個人肯為你準備手信，而嗰一份又唔係啲咩大路嘢，係針對你個人而揀嘅話，就足夠話嗰個人對你係幾上心。

今次出嚟我同細路都係鳩吓鳩吓咁吹吓水周圍行吓，之前已經講話我仲病緊，所以我好快就開始覺得有啲攰，尤其係喺我話覺得攰個陣細路開始喺朗豪坊外面打轉話不如開間房俾我休息，我真係開始有啲忟啦又。

「明明都話咗今日唔開，做咩仲要上去？」我企係路口唔係好願走，細路係咁想夾住我過馬路行過去。兩個人就喺條街到拉拉扯扯，想過馬路咁但又唔係過那馬路，肉肉酸酸咁。

細路係咁拉我：「我都冇話搞，係唔搞呀今日，你話攰呀嘛，又話想抖，咁我哋喺上面開間房休息一吓抖吓唔好咩？」

嗰一種誘拐嘅意味簡直喺字裡行間都透曬出嚟，係咪當我三歲細路哥咁氹，傻嘅咩？男人開咗房唔搞嘢，有冇可能呀？俾完錢開房唔搞嘢而去休息嘅話，咁做咩唔返屋企去瞓？

我係從來冇諗過細路係真係可以唔搞嘢而同我相處一房。

所以我嗰時抱住一個唔相信佢嘅心情，好勉為其難咁同佢上咗去開房，仲其實有少少冇好氣、唔耐煩咁有少嬲爆爆對住佢。我半推半拉咁坐咗係張床上面，細路打開電視轉去第一台，然後攬住我聚精會神咁睇電視，完全真係一副上嚟睇電視嘅樣。

我成日笑佢喺tvbuddy嚟，因為唔知點解作為一個典型嘅新生代，佢會電視撈汁咁幾熟啲電視劇同煲晒八點、八點半同九點半。我哋開住咗部電視睇成二十分鐘，我一直忍住度氣以為佢會唔守規矩咁亂摸，但係出乎我意料之外嘅係呢段期間細路真係會好乖好乖咁陪住我睇電視，嗰頭挨住我膊頭，隻手握住我隻手，呢二十分鐘裡面完全冇騷擾過我。

我突然覺得好慌。我覺得自己好對佢唔住。

但係我表面上同自己講，其實可能而家我哋兩個都係鬥忍啫，而家佢忍咗咁耐，我都唔想真係嘥咗啲錢，咁我咪認輸，唔同佢玩呢個忍耐遊戲囉。

所以我啞住我把聲，同佢講，不如我哋做啦。

樓主

樓主晨早流流出post

不如我哋做啦。


決定了