I fell ship with ptbf

More

呢次喺我最後一次block細路。

其實到咗而家，我都仲喺搞唔清楚，到底喺block咗佢，定喺任由佢嘅message繼續留喺度，先至算喺唔介懷佢嘅一種表現。Block咗佢可以代表out of sight, out of mind，但喺又好似似喺我耿耿於懷，無私顯見私咁。任由佢嗰訊息留喺度，似喺代表我已經唔再在意佢，但同時又好似搞到我好留戀呢段關係咁......無論點做都好似唔啱。

不過呢啲都喺我一個人嘅糾結。我生日嗰一晚晚上block返細路之後，第二日朝頭早我又忍唔住放返佢出嚟——其實當時我唔喺想同返細路講嘢，我只喺想睇返我哋之間嘅對話可以開心下。我諗可能女仔普遍都有啲儲舊物嘅小習慣，我哋會收收埋埋一啲有紀念價值嘅小物件，等自己可以將來拎返出嚟緬懷一下咁樣。

就喺因為呢嗰原因，我喺ig上面block完細路，見佢嗰message同樣喺我嗰list上面都消失咗，我先想放返佢出嚟睇返我地嘅message，但我冇諗到，原來我unblock嘅同時，都代表住喺細路嘅chat list，我嗰message都會彈返出嚟——

細路：「咦😏你又出返嚟嘅？」
我：「本身諗住block返你...但諗諗吓好似有啲無謂憨居😅」

我哋又開始講返嘢。我以為我哋講返嘢會好似尋日咁大家都傾得好開心，但喺細路好快就打破咗我嘅幻想。

細路同我講，有同學發現咗佢ptbf嗰ac就周圍唱，而家佢全級嘅同學都傳緊佢做ptbf，搞到佢而家勁煩咁。雖然唔喺太清楚來龍去脈，但喺我安慰佢話，如果真喺被人捉到咪話之前感情失敗，所以咪想做人兼職男友希望彌補返之前傷害過女仔嘅罪過囉。我見嗰時好多啲ptbf都喺差唔多話自己抱持咁崇高嘅理由，帶俾女仔温暖之類嘅鬼話，真唔真當然喺另一回事，但喺聽起嚟算冠冕堂皇咪得囉。

細路就唔喺咁樣諗啦。佢覺得死口唔認、打死都唔認先至喺最佳嘅辦法。跟住佢就開始講佢嗰班同隔離班啲對頭，同埋啲濕鳩老師點樣鬥法，滔滔不絕咁講佢學校嘅煩惱同生活。我其實有少少呆，聽住呢啲距離我而家生活好遙遠好遙遠嘅事，令我再次警惕起自己嚟：我哋喺兩個唔同世界嘅人，佢嘅生活我唔再理解，中學已經喺好多年前嘅事；我嘅生活佢都唔可能瞭解，佢有排先至要做嘢.......互不明白嘅兩嗰人，做咩啫？

做朋友或許可以，但喺千祈千祈唔可以有其他嘢。
調正好自己嘅心態，釐清好自己嘅諗法，我先繼續同細路chat落去。調情可以，但喺唔好擺咁多心落去囉。

再衰啲嘅，其實仲未嚟料。
之後十二月頭嘅有一日，細路同我講，佢失咗戀。

嗰一下我覺得有啲心寒。
我唔喺好接受到嘅喺佢有女朋友仲出嚟做，而一啲都唔覺得咁樣有問題。好道德撚咁講，如果我一早知，我絕對唔會揾佢，不論佢女朋友知情與否，我揾佢都會喺對佢女朋友嘅一種傷害。

不過呢啲都喺過咗去嘅嘢。我既然唔喺諗住同佢發展，而而家佢女朋友都已成過去，我都冇咩特別資格同原因去管人哋做出嘅選擇以及自由。人哋喺咁咪咁囉，我唔咁樣做咪得囉。

細路：「佢（細路前女朋友）唔聽我電話，ig,snapchat嗰啲全部都block晒我」
細路：「我仲可以點」
我：「會唔會可以去佢樓下/學校出面等佢？同佢當面講清楚？」
細路：「冇用㗎」
細路：「啲女仔要走就要走，做咩都冇用」
細路：「我之前有一個試過做晒所有嘢去挽留佢，我已經咩都做晒，但佢都係要走」
我：「但喺唔試過又點知得唔得呢？可能呢嗰唔同呢？」
細路：「唔會得㗎啦」

我唔知細路咁樣算喺睇得好透徹，之前被人傷得太深定喺純粹因為唔深愛所以唔願付出。以我推測其實大概應該後兩者原因佔主因，不過whatever。

安慰咗佢一陣，細路都喺仍然興致不高咁。

細路：「冇心情」
我：「傻😢」
我：「盡量唔好成日諗住，諗吓啲其他嘢分散吓注意力咁啦～🙊」
細路：「唔會囉」
細路：「你可唔可以陪下我」
我：「我而家咪陪緊你囉😛」
細路：「我唔係要呢種陪」
細路：「呢種陪我揾其他人傾計都得」
細路：「但喺我要真喺陪，出嚟陪嗰種陪」

見到呢一句，我冇即時覆佢。
同佢再次見面呢一樣嘢並唔喺我計劃之內。
我諗嘅只喺繼續喺呢種網上嘅傾計，我冇諗過要再次牽扯到現實嗰邊。
尖沙咀分別嘅嗰一次，喺我真喺諗住呢一世唔會再見呢嗰人，所以有好多嘢我先會敢做得出。而家你話，我要再見到佢？

細路：「唔得？😢」

電話屏幕上方彈出咗呢條訊息嘅通知，我望住佢一陣，然後㩒開咗佢。

我：「唔係呀，得吖😄」
我：「我應該要七八點左右先放到工，邊到等？」

好好奇"細路"係遇見樓主之前有幾多性經驗

然後9點一收工出左公司，就見到細路企左係樓下
眼神對接的一刹那，我哋大家冇出聲，好有默契咁坐的士去百佳

我地一上到去就除曬啲衫，然後佢奶我我含佢，69左15分40秒，再瘋狂啪啪啪，今次我終於破處，我暗暗自喜終於唔係A0

然後頭也不回落樓點著半支煙，徐徐涼風吹來，獨自徙步歸家

睇到我心跳加速

留名

留名

完。

細路即時喺訊息嗰到表現得興高采烈，話要即刻去換衫沖涼，但喺我冇辦法好似佢咁開心咁。

前面都講過，其實我唔喺好想見返佢。
但喺對住賣慘嘅細路我硬喺好多時忍唔住心軟。又或者喺佢仲未踩到我底線，我咩都仲喺可以退一步好包容。

收工之後搭車出到去我哋約定嘅地點，我企喺旺角朗豪坊嘅正門入面，望住部電話又想歎氣。

........冇錯，細路又遲到啦。
細路：「我揸緊車出嚟，條路塞緊😞」
細路：「好多人.......」
細路：「朗豪坊嗰停車場滿咗，我去第二個泊低架車先🤔」
細路：「行緊過嚟😣」

我冇對佢發脾氣，雖然喺有啲忟，但喺我心知其實遲到嘅話發人脾氣都冇咩用，所以我叫佢唔好急，慢慢嚟啦。終於喺半個鐘頭多少少，我feel到姍姍來遲嘅細路想喺後面攬埋嚟。

我即刻轉過身。

距離上次嘅見面已經過咗去大半個月，我發現細路嗰樣同我記憶中相去甚遠——並唔喺話佢整咗容，殘咗定喺點，而喺我只喺「識」咗細路一個月唔夠，見過一次面、喺ig上面傾多咗幾日計，我對細路嘅印象其實喺好模糊，再加上我嗰一日冇準備出街冇戴con，所以覺得有啲出入好陌生都唔奇怪。

為咗唔顯得轉身避開佢嗰下奇怪生疏，我主動拉住細路嘅衣袖，笑住咁話：「好衰㗎你又遲到，要女仔等唔得㗎囉～肚唔肚餓？不如去咗食飯先？」

「Sorry吖，真喺人好多，邊又有呀.......」喺我拉住佢行出朗豪坊嗰陣，佢極其嫻熟咁拖起咗我隻手，繼續帶少少漫不經心咁講：「冇咩所謂，食咩？」

我嗰心嗰下跳得有少少快。
呢次應該算喺我第一次拖男仔嘅手，第一次見面我喺床上面玩佢隻手嗰陣，我已經發現細路隻手大我好多。骨架大，手指修長，指甲剪到好短，手背有少少筋浮面——當然後來我先知道指甲咁短嘅用途喺邊啦。

我哋行咗一陣就是但揾咗間台灣嘢入去食，埋單嗰時我好順手咁俾埋。做慣咗姐姐習慣咗俾錢嗰個喺我，而且我出咗嚟做嘢而細路喺學生，嗰少少錢我唔介意出埋啦。自此之後食飯開房嘅錢基本上都喺我出，細路唔喺冇試過有幾次話不如佢出啦，都被我以「你第時出嚟做嘢賺錢先算啦」咁樣推咗佢。或者就喺我呢種舉動，先至令到我哋呢段關係咁脆弱而不穩掛。

食完飯之後，我哋漫無目的咁去行街。細路同我講咗好多關於佢嘅嘢：佢平時嘅生活、佢嘅屋企、佢之前接過客嘅一啲愉快或者唔愉快經歷咁⋯⋯雖然出嚟做ptbf，但細路家境應該唔錯，爸爸大概喺做生意，有時出入可以有司機揸車接送咁。佢喺學校喺典型嘅壞學生同少少風頭躉，偶爾會躁起上嚟同人打交，成日都同老師作對。細路好明顯真喺一個唔怕死嘅細路，佢話俾我知，之前試過俾客玩，落急單飛的過去唔俾錢，或者膽粗粗同另一個ptbf去提供2男1女嘅服務，結果上嗰啲舊樓嗰陣俾人圍，要撻有少少勢力嘅親戚嗰朵先走得甩之類等等。

我聽到呆晒，然後有少少好笑咁問：「其實.......你做咩講緊咁多嘢俾我聽？你唔驚我喺衰人，轉頭呃你爆晒你啲嘢出嚟？」

我講過，我喺一嗰比較有戒心嘅人嚟。有啲渉及到我現實生活嘅嘢我唔會同網友講，或者年紀大咗對陌生人會更加有防備咁。同細路識咗咁耐，我從來冇同過細路講過我住喺邊同埋返工返喺邊，叫咩中文名同做咩反而有講過——可能其實喺我心底入面都好清楚知道，自己同細路嘅關係並唔喺啲咩光明正大嘅嘢嚟。

細路不置可否咁反駁咗我嘅問句：「唔會囉⋯⋯我唔覺得你喺衰人囉。你唔會嘅。」語句尾段又轉向帶啲輕挑。

講呢啲說話嗰陣，細路嘅眼睛流連喺身邊嘅街景。呢嗰喺細路嘅一個壞習慣，佢唔喺好鐘意望住人地隻眼講嘢，喺察覺到呢點之後我有特別減少望住佢嘅時候，等佢唔會可能有啲唔自在。但喺，我覺得有啲時候，我哋都喺要望住對方嘅雙眼，去傳遞出一啲嘢。

「傻仔，」帶住少少笑意，我有少少冇好氣咁好似老屎忽咁講咗句：「喺網上面咩都可以喺假，你唔好咁易信人先得㗎。」

喺高登連登睇過唔少撚狗帖爆料帖，亦都試過喺ig上面被人呃過吓（例如一開頭嘅笑話仁兄），我自問我對細路嘅信任程度唔高，所以自然都想叫佢有返啲警惕心。

「唔會啦，你唔會呃我啦，你唔似喺嗰啲人。」細路唔喺好想同我繼續糾纏喺呢嗰問題上面，轉移咗話題：「你睇吓，呢架車唔錯喎，要成十幾萬⋯⋯」

我並唔喺想成隻老屎忽咁喺度說教，我亦唔喺打算想呃細路啲乜。
只喺，只喺我覺得細路幾信我，同我信佢嘅程度有唔同，有啲於心有愧啫。

我唔值得細路咁信我。因為我只喺一嗰性剝削後生仔嘅老處女變態渣滓。

我哋咁樣傾吓行吓，慢慢我就陪咗細路行咗差唔多成四個地鐵站，由近油麻地行到去深水埗，由八點幾行到十二點幾。我知道細路想我出嚟嘅部份原因喺乜嘢，畢竟我真喺唔喺咁天真，但喺我嗰一排罪惡感爆發出嚟，一早就喺message講定出嚟都唔會搞。出到嚟細路嘅手腳喺有少少唔老實，揸嚟摸去不在話下（就咁齋摸一下揑一下女仔喺唔可能即濕嘅，女仔要由冇癮到癮起起碼要一段前戲囉），有時仲想拉我上去賓館，喺我唔肯同佢行上去先罷就。

「下次啦，」我安慰細路，嗲吓佢咁：「講咗話今次唔搞㗎嘛，我唔想吖，下次啦好冇？乖啦～」

下次？
下次大概可以。

細路越夜越精神，但喺我已經行到好攰要返去唞吓，尤其是第二朝仲要同老細大老細開會，所以喺我第無數次話要走先嗰陣，佢終於都肯放我走：「好啦⋯⋯我送你去搭車啦好嗎？」

「唔洗啦，我call uber咪得囉。」
我攞出電話，開始揾車，唔洗幾分鐘就有車應咗我，然後再等多幾分鐘車嚟到就走得。

「咁我陪你等到佢嚟？」細路好識做呢啲功夫，同我一齊企埋一邊等。我哋講咗幾句嘢，沉默咁等咗一陣，車終於都嚟到。

「咁，byebye啦。」臨走之前，我做咗一件我今日出嚟惟一想做嘅嘢——攬住細路：「今日我陪咗你咁耐，唔好傷心啦⋯⋯我淨喺希望你開心返，快啲揾返嗰好女仔拍拖陪你啦！」

我嗰時咁講，唔喺想暗示話呢嗰好女仔喺我。
我喺真心希望細路可以打返起精神，開心返起嚟。

More

More

幾好睇 支持

Push

等緊你呀樓主

好睇

樓主你係邊 好想繼續睇

重點樓主係咪靚女？

睇完想搵ptbf試下

俾錢人屌自己 仲賤過雞