I fell ship with ptbf
跑了
1001 回覆
557 Like
52 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
push
勁好睇
反而希望冇甜
反而希望冇甜
push
不停地反覆輪迴、膠着係呢個deedee度
唔知樓主今年既聖誕點過架呢
唔知樓主今年既聖誕點過架呢
留名！
push
喺2018年年尾、2019即將嚟到之前，先祝大家新一年快樂。其實我一直都有睇大家嘅留言，真係冇諗過我呢段故事會有咁多人支持同鐘意（原本諗住得我自己寫寫下冇癮就潛），實在非常感謝有睇同留言嘅大家。為咗盡量減低對自己呢段故事思路嘅影響，所以一直冇回應大家嘅留言交流，希望巴絲打見諒。
呢個故已經寫到近60-70%，希望大家新一年繼續支持落去，我會努力喺新一年完到呢個故事
呢個故已經寫到近60-70%，希望大家新一年繼續支持落去，我會努力喺新一年完到呢個故事
「叮！」
我部電話收到一個ig訊息，我打開睇睇，見到係細路send嚟。
細路：「我呢個ig成日被人檢舉，費事你聯絡唔到我，你加埋我真身啦？」
細路：「同埋你好似成日都應唔到我咁嘅？」
我：「係呀😅我唔多用ig㗎其實，老嘢呀嘛我」
細路：「成日話自己老🌚扮曬蟹」
我：「我真係老過你架嘛😂」
細路：「咁你用咩？whatsapp? 我加你whatsapp?」
我：「我唔想俾我whatsapp你喎🙊嗰個係做嘢用㗎😂不如用telegram？」
細路：「咩嚟㗎？😶」
我：「你download嚟試下用啦，唔錯㗎幾好用㗎～」
細路：「好啦，我返去down」
我㩒返出去，果然見到有一個訊息要求。㩒開睇睇，係細路嘅真身ig發俾我嘅要求。細路ig真身比佢嘅ptbf ac唔知點解仲少啲相，然後有好多都係加effect嘅大頭照，極其符合佢自戀嘅性格。
其實仲有一個小插曲嘅係，其實佢之前已經喺咁話要互加真身ig，但係為咗保護自己我當然話唔好啦，但又無可奈何地佢嗰個ptbf ac可能有時會被人狙擊檢舉。有幾次我見佢成整整一日都冇覆我message，仲有諗過係咪佢都玩厭所以已讀不回，點知佢又突然彈返出嚟話AC被人封咗，但係又唔記得我ig ac個名（好笑嘅係佢有次話好記得有個sp嘅ac幾好記，因為係條囡嘅三圍數字），所以先一路等呀等，好難先等到ac解封。細路問我唔見咗嗰對話唔驚咩，我其實嗰時冇咩特別，或者係仲未嚟得及覺得傷感掛，所以仲同佢講話冇呀，唔見你覆咪即係代表咗我哋緣盡囉。細路嗰下仲扮曬傷心咁話佢發現入唔到戶口嗰下幾驚呀，嗰日本身仲約咗我，怕我以為佢放我飛機而唔嚟。
所以之後就話要加真身ig，但係因為我唔俾真身出嚟，佢又有時懶同唔記得，結果就一路拖到而家。我睇見佢真身戶口send咗嗰follow request，嗰一下突然有啲感歎。
我哋而家先有對方嘅social media account，係咪好似有啲咩調轉咗？
然後我又好快將呢個諗法甩出腦海，因為呢個就係我選擇繼續同佢一齊嘅後果。
我㩒咗接受，然後㩒開佢followers同following望下碌下，毫不意外咁睇到一大堆囡囡。
「呢個咩嚟㗎😂」
落車嗰陣，我塵封已久嘅tg突然彈出一條訊息。毫無疑問地係細路send過嚟嘅，因為一㩒開就係細路加咗effect嘅大頭照做propic，佢連嗰名都改做埋Chan Peter。
可能因為用慣whatsapp嘅關係，見返tg嘅版面我覺得熟悉好多，同細路嘅對話唔知點解有返啲熟悉感，可以睇到多啲上線時間同已讀功能咁，所以開始有返啲興致喺tg到傾起嚟：「咩嘢咩嚟喎，柴犬囉你唔識咩😂😂」
冇錯，細路已經拆咗我俾佢嘅手信，係一隻我喺日本夾公仔舖生平第一次成功親手夾返嚟嘅公仔，柴犬三兄弟嘅黑柴犬。
「你送隻狗俾我做乜？🤦🏻♂️」細路好似好無奈咁嘅款，我就同佢解釋：「呢隻狗係我人生第一次夾公仔夾成功㗎😤勁有紀念價值囉，你都唔知我夾咗幾耐，嗰㗎仔店員見我硬係差少少夾唔中都特登開機門放近出口俾我夾，勁好人😭🙏🏼」我最後仲加多句：「你唔覺得好似你咩？」
細路：「嗰㗎仔想溝你咋🧐」
細路：「咩話？即係你話我似狗啦😒？」
我：「唔好咩😛」
細路：「話我似狗點會好😠」
我遲疑咗一陣，碌咗碌相，都係send咗張冇樣嘅我攬住隻狗公仔喺我胸前嘅相俾佢。喺呢一刻，我終於明白點解啲人會咁蠢，雖然知道啲大尺度嘅相有可能會被俾人留底都仲係會send俾人嘅情況。因為你唔係唔知自己可能會被人出賣，但係嗰一刻，任何理性嘅理由都起唔到作用，你只係想咁做，想佢開心，所以，你就做咗啦。
細路：「拎開隻狗啦😠」
細路：「好啦我原諒你話我似狗啦」
我：「咁唔似咩🤭我有攬住隻狗訓覺㗎」
細路：「我又要攬住你訓」
細路：「好凍🤧」
我：「快啲返屋企啦條街凍呀😢」
細路：「攬住你訓咪唔凍囉」
我：「咪傻啦😂返去訓覺發夢啦你🤗」
咁樣我哋一句一句訊息來來回回，之後細路更加懶得打字，直接用一堆堆錄音嚟取代，結果我哋嘅tg入面一碌上去差唔多好多都係voice message。細路嗰時仲返緊學，所以都叫做同我作息相近，除咗我返工有啲時候忙忙地聽唔到錄音唔係好覆得切之外，我哋嘅message都係同之前差唔多。過咗一個星期幾，我哋有再出多一次街，只係呢一次我身體真係唔多舒服，仲要嚟M，就算細路重口味咁話唔介意衝紅燈，我今次都係堅決咁拒絕咗佢開房嘅要求。
或者我係真係覺得攰啦掛，有啲自暴自棄情願佢唔再揾我。
喺有時候我等緊佢覆我message，或者係知佢有上ig但冇覆我tg message，抑或知佢應該得閒但都未覆我嗰陣，我都有少少唔知自己做乜。雖然羞於承認，但係我諗我係對細路上咗心，但係細路呢？細路係咪都有同我同一樣嘅感覺呢？如果唔係，佢點會繼續揾我、繼續同我message呢？
我唔知，我咩都唔知。呢一段揣測細路諗法同感情嘅時期好難捱。我唔似以前咁，可以做到唔去介意細路會同其他女仔約會，唔介意每次出嚟其實可能只係為咗滿足各自身體需要。喺最唔開心最需要人陪嘅時間已經過咗，我唔再好絕望咁淨係想要一個我合意嘅人陪喺身邊攬吓我就得，我對於呢一種若即若離嘅關係已經感到厭煩。可能係試過咗，夠啦，我開始貪心，唔滿足而家呢個友達以上戀人未滿嘅狀況。
如果係要做第十六號愛人，繼續同其他女仔分享細路，成為佢攝時間嘅工具，咁我寧願唔要，我揀退出同離開——一次又一次嘅心軟以及讓步已經令我成為自己原本最討厭最睇唔起嘅嗰種人，拖泥帶水舉棋不定嘅賤人。
我曾經以為當我自己遇到呢啲情況嗰陣，我可以好清醒好決絕咁放手走人。但到咗真係發生喺我身上嗰陣，我先發現原來要斬斷一段關係唔係想像中咁容易，原來一要同一個人講再見係咁難，因為你唔捨得，你唔捨得以後見唔到呢個人，呢個人唔再出現係你生活裡面。我拖咗幾個星期，喺telegram嘅輸入框入面打完話「我有啲嘢想同你講」幾隻字又刪返，或者忍唔住錄完音，講話有啲嘢好想同你講，之後喺佢聽之前又del返。
細路一月底先考完試，不如等考完試先講，唔好影響佢考試心情？抱住咁樣嘅借口理由，我喺一月頭中同佢出完去之後，一直抱住呢種煎熬嘅心情耐住。
如此反反覆覆來來回回，喺臨近一月尾一晚，我見細路下晝一路未覆過我message，最後上線時間係朝早，忍咗好幾個星期嘅我終於忍唔住打咗句：「我有啲嘢想同你講」
我想同你講掰掰啦，細路。
一時衝動send咗出去，我本來諗住下一秒鏟返，咁如果係細路未睇到電話之前就可以了無痕跡delete走，就可以當呢個message從來無出現過一樣。
但係喺我諗住㩒刪走嘅嗰一刻，細路呢個時候突然online。
細路：「咩事？」
我部電話收到一個ig訊息，我打開睇睇，見到係細路send嚟。
細路：「我呢個ig成日被人檢舉，費事你聯絡唔到我，你加埋我真身啦？」
細路：「同埋你好似成日都應唔到我咁嘅？」
我：「係呀😅我唔多用ig㗎其實，老嘢呀嘛我」
細路：「成日話自己老🌚扮曬蟹」
我：「我真係老過你架嘛😂」
細路：「咁你用咩？whatsapp? 我加你whatsapp?」
我：「我唔想俾我whatsapp你喎🙊嗰個係做嘢用㗎😂不如用telegram？」
細路：「咩嚟㗎？😶」
我：「你download嚟試下用啦，唔錯㗎幾好用㗎～」
細路：「好啦，我返去down」
我㩒返出去，果然見到有一個訊息要求。㩒開睇睇，係細路嘅真身ig發俾我嘅要求。細路ig真身比佢嘅ptbf ac唔知點解仲少啲相，然後有好多都係加effect嘅大頭照，極其符合佢自戀嘅性格。
其實仲有一個小插曲嘅係，其實佢之前已經喺咁話要互加真身ig，但係為咗保護自己我當然話唔好啦，但又無可奈何地佢嗰個ptbf ac可能有時會被人狙擊檢舉。有幾次我見佢成整整一日都冇覆我message，仲有諗過係咪佢都玩厭所以已讀不回，點知佢又突然彈返出嚟話AC被人封咗，但係又唔記得我ig ac個名（好笑嘅係佢有次話好記得有個sp嘅ac幾好記，因為係條囡嘅三圍數字），所以先一路等呀等，好難先等到ac解封。細路問我唔見咗嗰對話唔驚咩，我其實嗰時冇咩特別，或者係仲未嚟得及覺得傷感掛，所以仲同佢講話冇呀，唔見你覆咪即係代表咗我哋緣盡囉。細路嗰下仲扮曬傷心咁話佢發現入唔到戶口嗰下幾驚呀，嗰日本身仲約咗我，怕我以為佢放我飛機而唔嚟。
所以之後就話要加真身ig，但係因為我唔俾真身出嚟，佢又有時懶同唔記得，結果就一路拖到而家。我睇見佢真身戶口send咗嗰follow request，嗰一下突然有啲感歎。
我哋而家先有對方嘅social media account，係咪好似有啲咩調轉咗？
然後我又好快將呢個諗法甩出腦海，因為呢個就係我選擇繼續同佢一齊嘅後果。
我㩒咗接受，然後㩒開佢followers同following望下碌下，毫不意外咁睇到一大堆囡囡。
「呢個咩嚟㗎😂」
落車嗰陣，我塵封已久嘅tg突然彈出一條訊息。毫無疑問地係細路send過嚟嘅，因為一㩒開就係細路加咗effect嘅大頭照做propic，佢連嗰名都改做埋Chan Peter。
可能因為用慣whatsapp嘅關係，見返tg嘅版面我覺得熟悉好多，同細路嘅對話唔知點解有返啲熟悉感，可以睇到多啲上線時間同已讀功能咁，所以開始有返啲興致喺tg到傾起嚟：「咩嘢咩嚟喎，柴犬囉你唔識咩😂😂」
冇錯，細路已經拆咗我俾佢嘅手信，係一隻我喺日本夾公仔舖生平第一次成功親手夾返嚟嘅公仔，柴犬三兄弟嘅黑柴犬。
「你送隻狗俾我做乜？🤦🏻♂️」細路好似好無奈咁嘅款，我就同佢解釋：「呢隻狗係我人生第一次夾公仔夾成功㗎😤勁有紀念價值囉，你都唔知我夾咗幾耐，嗰㗎仔店員見我硬係差少少夾唔中都特登開機門放近出口俾我夾，勁好人😭🙏🏼」我最後仲加多句：「你唔覺得好似你咩？」
細路：「嗰㗎仔想溝你咋🧐」
細路：「咩話？即係你話我似狗啦😒？」
我：「唔好咩😛」
細路：「話我似狗點會好😠」
我遲疑咗一陣，碌咗碌相，都係send咗張冇樣嘅我攬住隻狗公仔喺我胸前嘅相俾佢。喺呢一刻，我終於明白點解啲人會咁蠢，雖然知道啲大尺度嘅相有可能會被俾人留底都仲係會send俾人嘅情況。因為你唔係唔知自己可能會被人出賣，但係嗰一刻，任何理性嘅理由都起唔到作用，你只係想咁做，想佢開心，所以，你就做咗啦。
細路：「拎開隻狗啦😠」
細路：「好啦我原諒你話我似狗啦」
我：「咁唔似咩🤭我有攬住隻狗訓覺㗎」
細路：「我又要攬住你訓」
細路：「好凍🤧」
我：「快啲返屋企啦條街凍呀😢」
細路：「攬住你訓咪唔凍囉」
我：「咪傻啦😂返去訓覺發夢啦你🤗」
咁樣我哋一句一句訊息來來回回，之後細路更加懶得打字，直接用一堆堆錄音嚟取代，結果我哋嘅tg入面一碌上去差唔多好多都係voice message。細路嗰時仲返緊學，所以都叫做同我作息相近，除咗我返工有啲時候忙忙地聽唔到錄音唔係好覆得切之外，我哋嘅message都係同之前差唔多。過咗一個星期幾，我哋有再出多一次街，只係呢一次我身體真係唔多舒服，仲要嚟M，就算細路重口味咁話唔介意衝紅燈，我今次都係堅決咁拒絕咗佢開房嘅要求。
或者我係真係覺得攰啦掛，有啲自暴自棄情願佢唔再揾我。
喺有時候我等緊佢覆我message，或者係知佢有上ig但冇覆我tg message，抑或知佢應該得閒但都未覆我嗰陣，我都有少少唔知自己做乜。雖然羞於承認，但係我諗我係對細路上咗心，但係細路呢？細路係咪都有同我同一樣嘅感覺呢？如果唔係，佢點會繼續揾我、繼續同我message呢？
我唔知，我咩都唔知。呢一段揣測細路諗法同感情嘅時期好難捱。我唔似以前咁，可以做到唔去介意細路會同其他女仔約會，唔介意每次出嚟其實可能只係為咗滿足各自身體需要。喺最唔開心最需要人陪嘅時間已經過咗，我唔再好絕望咁淨係想要一個我合意嘅人陪喺身邊攬吓我就得，我對於呢一種若即若離嘅關係已經感到厭煩。可能係試過咗，夠啦，我開始貪心，唔滿足而家呢個友達以上戀人未滿嘅狀況。
如果係要做第十六號愛人，繼續同其他女仔分享細路，成為佢攝時間嘅工具，咁我寧願唔要，我揀退出同離開——一次又一次嘅心軟以及讓步已經令我成為自己原本最討厭最睇唔起嘅嗰種人，拖泥帶水舉棋不定嘅賤人。
我曾經以為當我自己遇到呢啲情況嗰陣，我可以好清醒好決絕咁放手走人。但到咗真係發生喺我身上嗰陣，我先發現原來要斬斷一段關係唔係想像中咁容易，原來一要同一個人講再見係咁難，因為你唔捨得，你唔捨得以後見唔到呢個人，呢個人唔再出現係你生活裡面。我拖咗幾個星期，喺telegram嘅輸入框入面打完話「我有啲嘢想同你講」幾隻字又刪返，或者忍唔住錄完音，講話有啲嘢好想同你講，之後喺佢聽之前又del返。
細路一月底先考完試，不如等考完試先講，唔好影響佢考試心情？抱住咁樣嘅借口理由，我喺一月頭中同佢出完去之後，一直抱住呢種煎熬嘅心情耐住。
如此反反覆覆來來回回，喺臨近一月尾一晚，我見細路下晝一路未覆過我message，最後上線時間係朝早，忍咗好幾個星期嘅我終於忍唔住打咗句：「我有啲嘢想同你講」
我想同你講掰掰啦，細路。
一時衝動send咗出去，我本來諗住下一秒鏟返，咁如果係細路未睇到電話之前就可以了無痕跡delete走，就可以當呢個message從來無出現過一樣。
但係喺我諗住㩒刪走嘅嗰一刻，細路呢個時候突然online。
細路：「咩事？」
忐忑
樓主除夕+新年快樂
新一年新開始
樓主除夕+新年快樂
新一年新開始
樓主新年快樂
加油阿
加油阿
樓主
新年快樂
新年快樂好
新年快樂🎊
新年快樂
好撚好睇
新年快樂呀樓主
happy new year樓主
Happy New Year樓豬
希望呢個post裡面每個人都可以過一個理想嘅2019
希望呢個post裡面每個人都可以過一個理想嘅2019
樓主新年快樂
新年快樂!
開頭以為窮人唔好生仔d膠post
好好睇 樓主加油
好好睇 樓主加油
live 咗
新年快樂啊樓主