I fell ship with ptbf

push

文呢

推

新讀者一睇就睇到live咗

樓主改咗名 跑了

果個係樓主一開始個名黎架
而家佢叫柴郡貓貓

No ending

樓主唔作啦？

F5

im

Yes

push

真係好好睇
希望樓主將個故寫完之後亦可以完全將細路放低
樓主加油 你會搵到一個珍惜你嘅人

Push 希望樓主儘快放低

LIVE左 希望樓主新一年搵到個人識珍惜佢 唔洗再比細路折磨

屌好撚想打鳩條仔 死臭鴨

「冇嘢吖，你而家先on嘅？」
我嗰一個moment仲想死雞撐飯蓋，努力咁想試下將焦點轉移，希望令細路唔記得咗或者忽略件事。

細路：「你係有嘢」
細路：「你講啦」

電話上方彈出咗細路嘅訊息提示，我其實想扮睇唔到所以冇㩒開，但係細路似乎知道我有預覽到佢嘅訊息咁，開始不停send message嚟。

細路：「講啦」
細路：「你想講咩」
細路：「快啲講啦」
細路：「喂」
細路：「online呀」
細路：「你再唔講我就唔温書」

細路出到唔温書呢招，自認為唔想影響到佢嘅我拖咗幾分鐘之後終於打返開tg，慢慢打咗句：「唔好唔温啦⋯⋯」

細路真係知道晒我嘅軟肋，知道我最驚嘅就係影響到佢做咗罪人，雖然我一早就已經犯咗最大嘅錯在先。

細路：「咁你快啲講啦」
細路：「講啦」

我：「⋯⋯」
我：「冇吖我想講我哋都係唔好再見啦」
慢慢一隻一隻字咁用電話keyboard㩒出嚟嘅呢句話，打完之後再猶豫咗幾秒先send出去嘅我並冇想像之中咁輕鬆。我原本以為講完自己會鬆一口氣，但係為之相反嘅係，我有少少忍住呼吸，合一合眼熄一熄電話mon，有啲唔敢睇細路打咩反應出嚟。

係話好呀？定係覺得俾我傷害咗自尊心而即刻block咗我？定係點？
我唔敢去諗仲有一個機率更加低嘅可能性。

電話亮起咗燈，喺細路send嚟嘅訊息預覽。
細路：「點解唔想再見我？」
細路：「係咪我做錯咗啲咩？」

唔知點解睇到細路呢兩句訊息嘅時候我想喊。我冇諗過細路會繼續反問返我。以我認識嘅細路嚟講，佢就真係一個細路咁嘅樣，自尊心有啲強，如果被人話或者笑兩句肯肯定會駁嘴，所以我本身預計佢收到牛訊息嘅反應係會即刻轉身走人，嘢都唔會再同我講就block我，或者係擺低幾句狠話再block都未遲。而家佢反問返我原因，我反而有少少措手不及，諗咗一陣，硬住頭皮先答到佢。

我：「因為我而家做野有啲野好煩，我要去做一啲決定，而呢啲會影響我嚟近一兩年會點⋯同埋我都想正式揾返個人拍拖，咁就更加唔會想俾佢帶綠帽」

我唔想繼續咁樣同你拖拖拉拉啦。呢一句係我嘅潛台詞，但我將佢包裝得可能會好聽少少咁，揾咗啲聽落可能順耳啲嘅理由講出嚟。

為咗避免佢以為我隨便鳩噏（雖然我有少少真係），我都講清楚埋我嘅理由：「傻啦你冇做錯，我返工嗰邊諗緊轉工定係繼續留低，抑或係走去working holiday⋯⋯如果我走咗嘅話我都講唔清楚我會唔會返嚟。」

喺我一路打緊嘅時候，細路一直在線，我打得有啲慢，幾乎係打咗幾個字就停低諗一諗自己寫緊啲咩，打咗又刪，刪咗又打，所以差唔多成分幾鐘先send到一個message。細路名下面嗰個’online’俾咗我有啲壓力感，嗰一個藍色嘅online，俾我嘅感覺就好似佢一直一直望住我咁，等緊去聽我講咩咁。

之後嘅五到十分鐘仲難捱，因為輪到細路輸入中。
見到嗰一個‘...typing’，我完全唔敢亦都做唔到其他嘢。就算㩒出咗去，都好快㩒返入去tg，熄咗屏幕隔咗十秒又開返都係輸入中，呢一種煎熬感真係無比難捱。我唔知細路對我上面嘅理由有咩反應，我只能等待。

唔知算估到定估唔到咁，細路其實都睇得好穿我嘅嗰啲所謂嘅理由，佢打咗一大段嘢覆我。

細路：「好，我知道要點做㗎啦，真係唔緊要㗎。其實我都巳經慣左做人水泡，從來都係比人玩厭就飛，比人呃開，做得ptbf就預咗架啦。你想正式搵個人拍拖係啱嘅，我唔應該阻住你，你亦唔應該浪費時間係我呢啲咁嘅人身上，不過都多謝你陪左我咁耐，等我冇做傻事。但係你唔洗擔心我，我會搵到人陪我，唔使擔心我冇人陪，雖然好唔捨得你，但係我知我咩身份，無論我唔想再失去任何人都好，都要放手，不過可唔可以俾我有多最後一個要求，比我見多你一次，好好咁記住你個樣」

細路真係好識講嘢。喺佢呢一段嘅message入面，細路完全將佢自己擺咗喺一個好低嘅受害者姿態，講到好似我對佢始亂終棄咁嘅樣。我唔係睇唔到呢點，但好可惜嘅係，用賣慘情扮可憐呢一招嘅話好多女人一開始都會受，尤其係嗰個女仔對你仲有感情嗰陣。所以就算我睇起嚟嗰時覺得有啲位唔係好啱之外，我都係心軟咗落嚟。

或者唔可以講話唔啱，我哋係兩個人，睇嘢嘅角度自然有唔同，對我哋而家相處關係嘅睇法當然可以好唔同。我自己一個人疑神疑鬼，逕自傷心之餘，殊不知可能細路同樣都係咁呢？我覺得只有我自己沉船，我被人玩緊嘅時候，其實好有可能佢都係咁樣諗嘅呢？

講到尾，都係因為我哋呢段關係開始得好差，本身都唔應該藕斷絲連，一早完咗佢先係對大家至好。原本就係金錢同欲望嘅交易關係，我哋硬係要喺裡面講感情，咁唔係揾苦嚟辛咩？造成而家咁樣嘅局面，其實一啲都唔出奇。

但係嗰一個時候嘅我並冇諗太多。其實我哋可以係兩情相悅嘅可能性沖昏咗我頭腦，我唔想再去考慮咁多嘢，嗰一刻我只係唔想佢誤會我，所以我即刻打返段訊息回覆返佢。

我：「由始至終，我都冇當你係水泡，都冇玩過你。我惟一有嘢呃過你嘅就係我同你講嘅揾ptbf嘅原因⋯⋯我唔知你點諗，我唔知我地咩關係，我淨係比較覺得我哋似sp。咁如果係sp嘅話，多我一個唔多，少我一個唔少啦」

我諗我自己呢段訊息其實都好直球啦。我唔想再係咁落去，我要嘅嘢好簡單，一係行前一步，一係咩都唔要。

俾個答案我啦，好嗎？
其實⋯⋯你都係有少少鐘意我㗎可？
只要你肯，我哋就可以真正開始。我唔介意你年紀細、唔成熟同之前亂搞嘅歷史，只要你真係鐘意我，我就敢同你開始。

點知細路嘅焦點去咗第二到。
細路：「咁真正嘅原因係咩？」

我瞇一瞇眼，有啲啞然失笑。佢未答我最重要嘅嘢，反而問咗其他嘢先咁，我猶豫咗幾秒，慢慢將我一啲喺當時羞於啟齒嘅原因打返出嚟。
我：「原本我係想當面講⋯真正嘅原因係我同你講過，我堂哥佢走咗，我之後好傷心，到後來諗諗下，我都可以好似佢咁突然走咗。我唔想到死都係處，所以我想我死之前試一次咁。」
我：「而好羞家咁講，我係A0，我冇搞過，所以嗰時我想揾一個以後唔會再見到既人扑咗佢去算」

用到羞家呢個字我都真係咁樣諗。好地地成廿四歲女未拍過拖未錫過未扑過，講出嚟有人信咩？講出嚟咪一定會俾連登仔話係美極欣宜catgirl，仲要可悲得過catgirl都有男朋友？
所以如果係放縱，我本身嘅打算就係癲完一次就當冇咗件事冇手尾跟咁，點知自己嘅心軟搞出一頭佛⋯⋯

細路：「你地個個永遠都係咁諗我，成日都覺得我收埋好多女，好花心冇感情，但係你哋估我真係想咁㗎，邊個唔想有一個愛自己嘅女朋友，但係我呢幾年拍親拖着多幾個月就散，同埋我要返嘅嘢比一般人多，所以之前先成日搞嘢，係想揾番啲寄托，但係冇諗過你哋個個都諗到我咁衰」

我：「傻仔，我會自己分辨，但我分辨到嘅只係你話俾我既野，之前你話你唔開心係有其他女仔明明出緊街都唔覆你；然後又話除夕你俾電話俾人抄牌，咁我只能夠諗其實你唔當我係啲咩，一方面想揾女朋友一方面又揾人同你扑咋。」

細路：「同埋其實你都已經唔係第一個當我性工具嘅人」

我：「？？？性工具？痴線明明次次都係你拉我上房囉好冇？」

細路：「你真係唔肯比我見你最後一次？」

我：「我冇話唔肯，我真係唔想影響到你呢幾日考試，係我一時控制唔住情緒講咗啲唔應該講嘅野」

其實我已經真心後悔咗，雖然一直一直都好想同細路講清楚，但係而家真係唔係一個好好嘅時機。我嘅理想係面對面咁講，咁我就可以親眼睇到佢嘅反應係點。而家既唔係當面，又唔係適當嘅時候⋯⋯但我嘅心嗰一下係帶啲忐忑又有啲興奮咁，由細路嘅message嚟講，我哋⋯⋯係咪即係有可能？

我同細路，係咪真係有可能喺一齊？

加速！

會唔會真係最後一次呢

睇到好似自己同細路對話緊咁