I fell ship with ptbf

是咁的，可能喺真人真事，都可能喺扭曲咗啲事情細節，又有可能喺我發咗一場大夢。可能寫寫下，我放低咗，咁就唔使再寫了。

呢一切一切，發生喺上年嘅十一月頭。
我嗰時喺ig嗰到瘋狂咁碌#ptbf呢個hashtag。

上年喺呢啲ptbf、ptgf熱潮盛行嘅時期，高峰期曾經有連登仔開咗個揭露一眾ptgf真身嘅po，風浪大大小小，大嘅有rubbish巴打寫佢同佢嗰位嘅故，小嘅有欣儀背住小李做雞，成年嘅熱門話題其之一就喺ptgf/ptbf，造就咗呢個行業興起，自然身為cdrom嘅我都有開過啲tag黎滿足吓好奇心，有時同同事講開呢樣野笑吓，從來冇諗過自己真喺會有試嘅一日......
但喺我最後都係試咗。

單身左廿幾年嘅我，一試，就同咗嗰十八歲嘅細路沉咗船🤦🏻‍♀️

細路並唔喺我第一個揾嘅ptbf。我第一個接觸嘅ptbf喺一個憨居嘅笑話。
喺ig搜尋hashtag嘅一欄裡面只要輸入ptbf呢四個字母，手機就即刻會彈出成千上萬嘅搜尋結果出嚟。當時ptbf嘅冒起就好似雨後春筍咁一樣，有咩gentleman型，陽光型，就同囡囡個啲三圍數字咁，基本上列曬佢哋嘅年齡身高出嚟，任君選擇咁，我睇到眼花繚亂，幾經辛苦先挑到幾個心水少少嘅出嚟——但喺，冇一嗰喺我真喺覺得好啱嘅。呢嗰感覺太老道太有經驗；呢嗰感覺唔喺我想要嘅類型；呢個懶暖男咁扮曬嘢；呢嗰感覺有啲醜......就同男仔揀ptgf叫雞一樣，我當然知呢度一定有啲正嘢，但係點知邊啲喺伏？只有好少嘅比例會show佢哋個樣出嚟，又或者只show一半，或者甚至身材，分分鐘嗰樣睇唔順眼，咁點算？這麼醜的仔，仲要我俾錢，不了☹️
所以，我千辛萬苦之下先篩到一個好似係幾靚仔（俾錢當然喺想揾個好樣少少架啦）嘅ptbf出嚟。佢叫咩名已經唔記得咗啦，頭像喺天空景，下面得幾個po，其中一張喺喺唱K電視螢幕嘅景，佢自己自介話自己成日被人話靚仔，我諗冇返咁上下都唔敢擺呢句嘢出嚟，話自己靚仔呀話？我就dm佢傾吓先。

我：「hi 請問喺咪有得接特別服務🙊？」
過咗一陣，佢好快就回覆我：「halo, 想要啲咩嘢？😳」
我：「我淨係想玩前戲，唔入ok? 🙈🙈🙈」
佢（以下簡稱笑話）：「當然得☺️☺️☺️你想幾時約出泥？」

雖然做咗單身狗廿幾年，但話曬都叫做做咗廿幾年人，我當然唔會咁天真嬌即約啦，幾歹都睇咗相再傾吓點睇先。但事實喺，原來我真喺天真過天真嬌。
我：「唔好意思呀，約出嚟之前，我可以睇咗下你個樣先？我地可以交換相🙈」
等價交換，我覺得都公平嘅，費事被人當我喺呃人嘅巴打呀嘛。
我：「我張相會遮一邊，你都可以㗎🤓」
笑話：「我唔會呃你」
笑話：「你到時覺得5令仔可以走」
痴線，你到時大叫隨便詆毀我鬧我喺暗瘡大肥婆揾ptbf我使見人？同埋出到嚟彈鐘呢啲咁嘥時間精力咁瘀嘅野，咪搞。於是我繼續努力偷偷地返工個陣覆佢游説佢：
我：「我真喺唔想咁樣😂到時唔啱我都驚嘥左你車錢時間，你用disappearing都得架啦」
笑話：「我點知你會5會cap圖？」
笑話：「都話唔會5令仔」

其實講到呢啲我有少少火都嚟，冇圖你吹到自己吳彥袓都得啦！家陣揾生意做嘅好似唔係我喎？

我：「唔好意思呀，我冇圖睇我諗我唔會考慮啦...」講嚟把鬼，搞到咁僵好無謂。
笑話：「算」
笑話：「講明先，我係高登連登見到你我會即刻po返你出嚟」
笑話：「你跟住都要sd」
我：「ok」就嚟應都唔想應。

過咗幾分鐘，我見佢仲喺未應我未send圖，於是我放低咗部電話，啱啱好應一應揾我嘅同事。搞掂咗少少，我低一低頭，偷偷地unlock返部電話，睇吓笑話有冇應我。

笑話：「得啦」
笑話sent you a photo
笑話：「你呢？」
笑話：「你仲唔send?」
笑話：「得未？」

我㩒開張圖，突然完全明白咗「正評引伏」呢四個字嘅真諦。
屌你老母男版princejoyce嚟嘅喂！？！？！！靚仔？？？邊撚度靚？？？

我即刻塊面黑曬，乍乍林send咗張自己嘅遮眼相俾笑話就算數。雖然我唔會話自己喺一個好人，但喺至少我會信守返承諾，俾咪俾囉。

笑話：「5錯呀，你想幾時出泥？」
笑話：「你想做咩都得😚我幾時都ok」

佢張相完全ko曬我對ig上面冇露面嘅ptbf嘅信心，我已經唔想理佢，淨喺想完左件事：「多謝你呀，唔好意思你唔喺我鐘意嘅類型，多謝你🙏🏼」

笑話：「睇5岩咩？」
笑話：「我可以平d架wo」
笑話：「xyz-/:;」
我已經唔再知笑話講咩啦，因為我已經block咗佢。笑話呢位仁兄重創咗我揾ptbf嘅心思，我嗰時差啲就打消咗自己嘅念頭，到最後唔甘心咁再碌多幾次嗰陣，我見到咗細路嘅ac。

最後有冇插埋？

之後呢？

如果真喺要講嘅話話，細路嘅ac其實同人哋嗰啲分別真喺唔大。年齡身高不在話下，嗰啲咩服務簡介都喺差唔多，大概如下：

Propic 7posts xx followers xx following
Ptbf_細路
18 | 183
陪妳行街/睇戲/去迪士尼，做妳男朋友見朋友，俾到A0ge妳初戀ge感覺😳
特別服務詳情dm🙊

下面po嘅相喺一啲顧客好評嘅dm紀錄，同埋佢自己一啲少少嘅生活照咁。DM紀錄有佢以前啲客留言話：「今次我挽得好開心呀，希望你都覺得同我挽得開心😄」「好有男朋友ge feel😍靚仔，有韓仔feel，好暖男～會主動拖手同攬住我，比心💕」相嗰到就有一張喺細路著住運動服伏喺枱面露咗半邊臉咁望住鏡頭，一張影住佢少少腹肌嘅相，另外仲有啲影咗佢全身嘅遠景相。由於細路喺少數喺嗰時肯唔使dm就show少少樣嘅ptbf，而啲相show出嚟嘅相都ok順眼，我約略咁睇咗一睇，覺得除咗年齡太細之外，我都冇咩特別好挑剔嘅地方（雖然我唔特別鐘意韓仔型），於是我再一次鼓起咗勇氣，用嗰空殼ac（這是常識吧？）dm咗問價。

——但其實，我心裡面知道我揀咗細路嘅原因唔喺咁樣。
揀細路嘅原因，其實只喺得一嗰：佢嗰一句「俾到A0ge妳初戀ge感覺」
樣固之然重要，但喺歲數喺假，身高喺假，身材喺假，性格服務都喺假——女仔有時要嘅，就喺嗰一吓入心嘅感覺。喺一嗰啱嘅時間，未必喺啱嘅你，啱啱好講咗一句好啱嘅説話。

到後嚟我哋發展咗，細路有問過我點解我會揀佢，我用咗好多其他嘅理由搪塞過佢，惟獨呢一嗰我冇直接話過俾佢知。

冇錯，我喺一個A0嘅24歲絲。完全喺連登仔標準嘅「好女仔」——冇拍過拖，冇拖過手，冇kiss過，識煮飯，樣叫做睇得吓，身材有少少，純情過純情兔咁（當然而家聽落喺好諷刺啦）。
咁耐以嚟廿幾年都冇拍過一次拖，唔喺我冇過拍拖嘅機會，我都有試過同過男仔曖昧過，聽過有男仔對我有意思，但喺到頭來都喺一啲無辦法開花嘅花苞，花期已過就被人掉左喺垃圾桶，空留餘香緬懷。

廿幾年一直單身咁行過嚟，喺因爲我希望遇到一嗰喺我哋大家都對對方有意思，可以長時間咁行落去嘅人先開始，而唔喺食散餐拍散拖，知道喺唔喺幾啱都去一試。但喺一年又一年咁過，我都喺遇見唔到呢嗰人，大概我就喺嗰啲被連登仔話眼角高嘅老處女港女咁，日復一日咁自怨自艾唔肯認清自己嘅斤兩。直至而家，有啲嘢逼使我想去同男仔一齊。

我唔知我自己幾時會死。如果下一刻就喺我要走嘅時候，我想喺死之前，試吓同男仔扑嘢，喺咩感覺。或者就算未去到扑嘢，同男仔有親密關係，又會喺一嗰點樣嘅體驗。

識男朋友嘅話短時間其實未必達到我呢嗰目標，揾ptbf就簡單得多了。揀啱之後俾錢就ok，唔需要諗呢個人啱唔啱，唔需要諗人地睇唔睇得上我，唔需要諗正常嘅話發展要點發展，仲可以揀一個我睇得順眼嘅人......金錢解決得到嘅嘢，點解唔用嗰嗰少少錢搞掂佢？

所以，我再一次用同一句嘢dm咗細路。

快! 重甜

我：「hi ) 請問喺咪有得接特別服務🙊？」

細路好快就覆咗我。內容其實同上面嘅笑話仁兄大同小異，但當然細路冇笑話咁有戒心咁，佢冇講話咩威唔威脅我，好快就send咗一張即時嘅自拍俾我。

我打開一睇，細路send咗張chok到爆炸嘅自拍俾我。同佢po出嚟嘅半邊臉自拍相差無幾，細路嘅眼唔大，如果真喺要形容嘅話就喺而家流行嘅典型韓仔樣，五官都算得算上喺幾端正嘅，乾乾淨淨咁都幾討人喜歡。

而家諗返，我大概喺幾鐘意弟弟嘅，或者再講得老實啲，我喺幾鐘意少年嘅。變態嘅程度雖然未去到lolita咁樣嘅階段，但喺我諗就好似啲男人咁，無論咩年紀鐘意嘅都喺少女——二十歲鐘意十八歲；四十歲鐘意十八歲；連八十歲都喺鐘意十八歲——我唔敢肯定自己會唔會好似男人咁專一咁一直鐘意小鮮肉，但喺至少少年喺應該冇啲佬咁有陣佬味？感覺上會乾淨少少？（講到呢啲我又諗起之前連登嗰少女體味po）

到後來我同咗細路一齊，細路成日喺我地搞完沖緊涼嗰陣將我嗰頭壓向佢頸窩嘅方向，又或者有時喺床上面嗰陣好興奮咁拉開衣領，喺咁逼我聞佢陣味——「你聞吓我喺咪有陣香味？好多女仔都話我身上面喺有陣幾香嘅味㗎！」佢興致勃勃又帶點自豪咁逼我去聞佢身上陣味：「你聞唔聞到？」

喺第一次我哋上床個陣，我完全聞唔到，仲心諗男人老狗香乜撚嘢香？但喺，之後唔知喺真喺咁定喺我嘅感情連帶影響埋身體嘅感覺，我真喺聞到佢身上喺真喺有一陣香嘅體味。

講得遠咗少少㖭。總之喺當時，我哋好快就傾掂咗。交換好相之後，我問咗佢價，價錢都喺我覺得冇咩問題嘅，特別服務喺$600/hr，對於出咗黎做嘢嘅我唔算喺好大嘅數目，而且只係一次啫。我咁樣諗清楚之後，為免自己夜長夢多諗得太多之後縮沙，我同細路約定咗下個星期三尖沙咀見面。點解尖沙咀？我好清楚網上識人嘅危險性，上自己屋企/人地屋企更加冇可能，而且喺約之前我做咗詳細嘅資料搜集，尖沙咀有一間以whatsapp訂房，冇前台免除尷尬做招倈嘅時鐘酒店，於是我就決定見面地點定喺尖咀。

細路：「尖沙咀？🤔我未出過個便，放完學搭車過泥應該要5點先到到」

佢講完呢句我先醒覺，喺喎，細路而家仲喺學生，我喺一個已緻出咗嚟做嘢嘅人，其我咁樣喺同性剝削冇分別.......
覺得從來冇試過咁醜嘅我面對唔到自己，熄咗個mon抖一抖，然後強忍住羞耻咁扮輕鬆答佢。

我：「ok ar，我嗰日放假，就你丫☺️」
我：「我book房嗰到book兩個鐘？🙊」
基於唔想輸俾deedee嘅理由，我扮到好老練咁答佢。俾佢知道我一個姐姐廿幾歲人未拍過拖未扑過嘢咁悲哀？咪俾人笑死？

細路：「2個鐘你肯定夠挽😏？起碼3個la」
細路：「我會服待得你舒舒服服ge👉🏻💦👅」
細路：「等你忍5住要我插🍆」

細路好快就已經好熟練咁同我flirt，睇到佢喺咁挑逗我，我繼續忍住羞恥咁同佢繼續flirt落去。橫掂，我已經決定咗要同呢嗰人開房㗎啦，而家驚嚟做咩呢？

我：「我先唔會俾你入囉👻講明咗淨喺玩前戲，頂曬龍俾你奶咋🙈🙈🙈」
細路：「我驚你到時比我搞到你濕晒要我入💦💦💦」
我：「你喺夠勁就整到我求你入😌deedee我驚到時忍唔住嗰嗰喺你咋」
細路：「先5會lor」
細路：「前戲你想做咩？」
我：「咪都喺嗰啲，總之唔插得🙈btw我鐘意人地奶😳😳😳」
細路：「個d?即系邊d?」
細路：「得，我一定奶到你出晒水👅姐姐」
我：「我驚我會忍唔住夾住你嗰頭🙈🙈🙈」
細路：「我會禁住你5比你反抗」
我：「你試下😤我喺女王囉，唔會被你夾得住，騎返住你👸🏻」

咁樣一來一往，我哋好快就傾咗一陣淫計，我話我濕咗，佢就send咗著住褲勃起咗褲襠位嘅相俾我，而我，睇得太多連登po嘅關係，覺得好似男仔比較多喺腳膠嘅關係，send咗張自己著住黑絲嘅腳俾佢做回禮。到後來見面嗰時先知，細路同連登仔嘅興奮點比較唔同，要turn on到弟弟嘅其實應該喺大波。

或者鐘意大波，喺一種對母性嘅追求？

加速

就喺我哋互相send message flirt吓大家嘅時候，好快就到咗我同細路約定見面嘅日子。嗰一日我唔使返工，瞓到十一二點先起身，梳洗之後比平時更加俾心機化咗嗰靚妝，帶埋大眼con，然後出門口同屋企人食咗嗰午餐行咗陣街，然後先慢慢搭巴士出去尖沙咀。但喺其實成日我嗰心都喺心不在焉緊。

我喺度做緊啲乜嘢？

呢一句無時無刻咁盤旋喺我腦海入面。就算我喺咁同自己講，唔好諗唔好諗，做咗先算啦，成日淨喺諗諗嚟諗去只會乜都做唔到，但喺往往嗰心就喺永遠唔受你控制咁，你愈唔想諗你就會愈去諗。我同自己講，大概呢啲就喺做壞事嘅代價，而我喺一個矯情嘅賤人，未可以去到徹底放開嘅地步，又返唔到去繼續安份等待嘅嗰一邊。

喺Mira mall個邊落咗車，我睇一睇手提電話顯示嘅時間，四點五十二分，行過去尖沙咀A1出口應該時間啱啱好。我穿過人流沿住彌敦道前行，一邊避人一邊低頭text吓細路︰「我就到啦，你喺邊？」

細路好快都覆咗我︰「對5住ar😥，頭先放學遲jor，比訓導捉住jor個頭泥鬧」
細路︰「我岩岩剪左個新頭」
細路︰「應該又令仔jor😌」

收到呢幾個msg，其實老實講我都真喺有少少忟。大佬吖，家陣我喺客定你喺客？我以為我好似先喺女仔嚟？不過ok fine，唔出都出咗嚟，唔爭在等多你五至十分鍾。咁啱個天開始落起咗毛毛雨，我拎埋把傘出嚟擔住，死死地氣咁覆佢︰「唔緊要啦，我到咗㗎啦，你到咗話我知」
我︰「喺咩？唔靚仔我唔原諒你遲到㗎🤓」
我：「我擔住咗把粉紅色嘅遮，你上到嚟就會見到㗎啦」

細路：「我著住左件紅黑色ge衫，等多我幾分鐘la」

要等一個唔知幾時會到嘅人其實好煎熬，尤其是你好清楚知道催根本冇用嘅時候，喺嗰一刻嘅我完全咁明白啲男人喺街到等遲到女朋友/喺更衣室出面on99等囡囡換嚟換去嘅心情。由五點等到五點十分，再等到五點十五分、二十分......唔知點解，嗰吓我冇懷疑過佢有冇可能喺玩我或者放我飛機嘅，可能喺因為一直同佢嘅對答佢都好似幾真咁，又或者喺我唔肯相信我自己喺咁蠢掛......

五點二十八分，姍姗來遲嘅細路終於都嚟咗。
雖然未見過佢真人，但喺佢由地鐵站行出嚟嗰下我就大概知應該喺佢嚟。細路好識做咁喺背後攬住我，好輕挑咁講咗句：「等咗好耐啦？sorry吖......」

細路真人嗰樣同我想像中有啲唔同。其實相就應該冇修過嘅，但喺2D同3D嘅分別喺真喺會有啲奇怪。要講嘅話，細路完完全全喺而家興嘅韓仔型，前面嘅瀏海剪得齊齊正正，成身潮牌，都應該算喺時下嘅「靚仔」嚟嘅——可惜唔喺我鐘意嗰type。

同埋俾得錢果然唔同啲。我心諗，然後懶自然咁笑住轉身稍稍推開咗佢：「唔喺嘅，唔緊要啦，你下次約其他女仔唔好咁啦。」

我唔慣同唔識嘅異性一嚟就有親密嘅接觸。言談行動之間，我都會提醒自己，佢喺一個邊個都可以book嘅ptbf; 而我都只不過喺佢其中一個客。

細路幾老練咁輕輕攬住我嘅腰，我冇再推開佢，帶住佢向住我訂咗三個鍾嘅時鐘酒店行過去。由喺街到上房嗰到可能只有短短十分鐘左右，但喺我已經緊張到咩都諗唔到感覺唔到，扮曬蟹咁鳩講咗幾句野，心裡面重覆又重覆咁loop住呢句︰

我究竟喺度做緊啲乜嘢？

呢個問題我到而家都無解。

開房，我對呢一樣嘢其實喺零認識咁。

咁樣講好似有啲扮純情咁，或者我可以咁講：我對「開房」嘅認知完全喺嚟自於電視電影tbb劇開房嘅場景。男女主角通常意亂情迷咁望住對方，突然之間就攬頭攬頸咁錫起上嚟，你推我撞咁將彼此嘅身體激烈咁拉向彼此，左摸右摷，然後就會瞓落張床，長鏡頭，繼而熄燈。

然而，現實同幻想往往都喺會唔同。
「你去沖咗涼先？」入咗比我想象中細好多好多嘅房，細路向我咁樣提議。我點點頭，繼續用住扮大方嘅語氣同意，希望令氣氛冇咁尷尬。直到我同細路各自都沖完涼之前，房間裡面縈繞住嘅電視聲音，令我哋可以吹吓啲無聊水，稍稍免去咗陌生人開房之間嘅唔自在。

唰一聲，上半身仲滴住水嘅細路圍住毛巾行咗出嚟。
我坐咗喺床頭，雙眼一直扮望住電視，其實餘光一直喺度打量緊細路。細路嘅身材唔錯，寬闊嘅肩膊、瘦削嘅腰線、略帶有少少隆起嘅肌肉。佢爬咗上床，臉上帶有些笑意向我緩慢逼近：「我哋...開始咯？」

佢經驗喺幾老道。我冇打算去思考佢嘅呢啲老道經驗喺點樣嚟，反正喺呢嗰時候佢有經驗反而令我覺得有啲安心。但喺喺真喺做之前，我自己有個儀式想完成。

「我可唔可以攬一攬你先？」

邊嗰唔想將自己嘅身體交俾一個自己深愛，同時都深愛自己嘅特別嘅人？就算知道呢一切都喺自己攞嚟嘅，我都想至少有一秒呃到自己，我所擁抱嘅呢個人喺一個我好愛而又好愛我嘅人。

細路好乖咁准許咗我，我諗大概喺遇到太多個呢啲缺愛嘅女人，見怪不怪掛。得到咗佢嘅允許，我就好似冇咗用錢換關係嘅罪惡感咁，深深相擁咗一陣。細路應該知道我有啲緊張，喺我放開咗佢之後，慢慢、慢慢咁先玩一玩我嘅手指。我放任住佢玩弄嘅手指，時而輕柔磨挲，時而十指交錯，喺我注意唔到，或者喺唔想注意嘅時候，佢愈湊愈近，然後錫咗落嚟。

接吻嘅感覺好奇怪，完全冇我想像中令人神魂顛倒嘅滋味，嗰一刻嘅我完全唔明白點解睇人哋或者電視入面嗰啲人可以錫到咁失魂落魄。我並唔討厭細路嘅吻，但只限於唔討厭，實在談唔上話咩好喜歡。

我個腦嗰一下轉得太多嘢，直至我哋錫咗應該差唔多有十秒我先發覺原來我喺冇合埋隻眼，或者呢嗰就喺我唔投入嘅原因？其實我一開頭冇打算俾佢錫我，我哋不過喺金錢關係，唔需要接吻啦？不過anyway，錫都錫咗，可能瞇埋眼會投入啲呢？於是我閉上雙眼，跟住細路嘅舌頭糾纏吸吮。

舌頭與舌頭之間，我慢慢似乎得到咗啲樂趣，將雙手放喺細路腦後壓向咗我嘅方向。細路喺老手，就算喺同我接吻嘅時候佢都冇唔記得佢最鐘意嘅嘢——我個胸。佢兩隻手大大力咁揸咗落嚟，隔住胸圍開始喺咁玩嚟玩去，又摸又捏咁。

「做乜沖完涼仲著住衫啫？除咗佢呀嘛⋯⋯」細路微微咁喘住氣，右手伸咗去我後面摸索住想解開我bra扣，左手都乘機喺前面伸入咗我件衫裡面，想掀起我嗰bra。我任由佢慢慢錫落去，舔咬住我頸窩，然後懶洋洋咁話：「咁著住衫...俾你慢慢一件一件咁剝落嚟...唔好咩？」

啱啱講完呢句嘢佢就剝到我嗰bra落嚟啦。順手一野掉開嗰bra，細路嘅雙手就更加放肆咁玩我嗰波。正如我之前所講，細路既興奮點喺胸。所以過完手癮之後，佢埋首就吮咬落黎——直到佢鬆口，我件衫心口lin頭位出現咗兩個濕噠噠嘅痕跡，佢先好唔甘心咁講：「唔好囉⋯⋯我鐘意你包住毛巾，一打開就喺除曬衫咁樣。」

細路真喺細路。
佢鐘意嘅喺激烈嘅視覺沖擊，越放佢就越覺得吸引。

「喺咩？」我用力少少推開佢，然後笑住咁摸一摸佢塊面：「我呢⋯⋯其實就鐘意人哋奶我下面囉。」

細路並冇拒絕我。

佢極其緩慢咁用住自己嘅節奏，慢慢喺我嘅小腿中央舔上嚟。佢條脷喺我膝頭哥嘅內側打咗幾個轉，然後繼續帶住細碎嘅吻咁或輕或重咁又舔又吸。我有少少怕痕咁縮咗一縮，然後笑咗出聲——細路嘅大手都冇偷懶咁，摸咗入我裙底，但喺我嗰日著嘅表面上喺一條白色嘅迷你裙，但事實上喺一條裙褲——「傻仔，」我忍唔住笑咗出聲，摷咗一摷細路嗰頭：「我呢條喺裙褲嚟㗎，你點摷都唔會摷到入去㗎。」

「唔怪之得啦！」細路有啲懊惱咁抬起咗頭，起勢咁研究起點樣除咗我條裙褲嚟：「你呢條裙點除㗎...咁難除嘅？」睇見佢無從入手、手忙腳亂嘅傻樣，我笑瞇瞇咁慢慢幫佢拉開條裙旁邊嘅拉鍊，自己除咗條裙落嚟：「防走光吖嘛⋯⋯你要俾啲耐性慢慢嚟先得㗎......」

「好麻煩囉。」大概睇唔慣我笑吟吟咁睇住佢出醜嘅笨拙樣，細路喺要講句嘢辯駁吓，然後完全唔想再我揶揄佢就再錫咗落嚟。似乎係要教訓我笑佢咁，除咗更加用力咁吮我條脷之外，佢隻手已經一手除埋我條底褲，手指毫不客氣咁插埋入嚟小穴到。

「痛——」我推開佢，氣喘呼呼咁同佢咋一咋嬌：「都話咗我冇同人搞過，你可唔可以細力啲吖.......」「Sorry囉⋯⋯我細力啲啦⋯⋯」仍然徘徊喺我頸窩，細路收返啲手指，並未氣餒咁轉攻陣地：「咁不如等我吸陣奶先啦⋯⋯」

「想飲奶？定要姐姐餵你飲奶？」

細路已經冇再答我，因為佢已經撲咗去佢最鐘意嘅奶奶到。嫌我身上嘅上衣礙事，佢極速除埋我身上最後僅餘嘅衣服，然後捧起一啖吮咬落去。又含又吮，佢吸得似是津津有味咁，我抱住佢埋喺我胸前嘅頭，笑笑口咁摷亂佢嘅頭髮：「咁鐘意食奶奶？」

由細到大，我都喺照顧人嗰一type嚟，雖然唔喺特別鐘意咁做，但喺都已經習慣咗。所以喺呢嗰時候，抱住呢個喺我胸前吸吮住我乳頭嘅腦袋，我滿心愛憐，心諗呢個細路真喺好似一隻狗仔，一個仔仔咁咁可愛——

但喺一隻狗，或者一個小朋友喺唔會令我咁濕嘅。
冇錯。抱住呢種悖德嘅諗法，聽住佢吞吻吮弄嘅聲音，我慢慢、慢慢咁濕咗。熱熱地，暖暖地，我捉緊住佢嘅頭髮，細細聲咁呻吟起嚟。

「你喺咩cup?」一隻手揸住我一邊嘅波，細路輕輕舔吻住我另一邊嘅乳肉問道。「咪同你講咗喺B....大力啲啦，我鐘意你大力啲.....」我咬住下唇，將佢個頭壓落我個波個邊。「我覺得你唔只有B，應該有C囉⋯⋯」細路食得不亦樂乎，我開始覺得乳頭有啲腫痛，應該已經被粗暴嘅細路咬損咗掛，呢種痛反而令我更加興奮。

我已經完全墮落咗。
拋開咗廉恥，捨棄咗道德枷鎖，雖然我嘅腦袋喺好清醒，好清楚知道自己做緊啲咩，但喺我已經完全唔想理。就讓我墮落一晚，墮落完之後就算我下一刻就要同呢個世界講掰掰，我都唔喺一個可悲嘅，冇搞過嘢，冇試過性嘅快樂嘅處女。

所以後來同細路鬧交嗰陣佢話我同其他女人都係當佢性工具，其實都算講得冇錯。

奶西就正如我想像中咁舒服。細路嘅舌頭好濕，好熱，好柔軟，雖然我唔覺得佢係舔得好好，但喺我依然舒服到用大腿夾住咗佢個頭。縱然我唔喺爽到飛天。但我都會用我嘅一切話俾佢知，至少我喺enjoy同佢玩嘅。

然後我哋反來覆去咁喺張床上面互相推倒對方，細路抱住我壓住我，我㩒住細路，騎住佢，大家玩到都唔知時間過。細路細細聲喺我耳邊讚我啲皮膚好滑，仲有陣香味，我同佢講我平時搽好多cream保養，佢就調戲我話喺咪用精液搽。間房開咗冷氣，但喺熱到流晒汗嘅我哋完全都唔覺得凍，攬住對方赤裸裸嘅身體繼續磨。

最後我只喺俾到佢入一隻手指，其餘再多就痛到唔得啦。雖然今次係我俾錢，而且我亦都一早講咗齋前戲唔插入，但喺好似得我爽而佢冇爽到射都令我有啲唔好意思。於是我請細路教我幫男仔打飛機幫佢出埋，美其名話係學識之後幫男朋友打飛機——當然啦，我喺冇男朋友，有男朋友仲揾細路做咩:0)

Again，最鐘意胸嘅細路並唔滿意生手嘅我，我又唔肯幫佢含，所以最後求我要乳交咁出。開始對細路冇咩辦法嘅我，無奈咁退一步去滿足咗佢要求。成個av女優咁坐喺佢面前，擠住自己個胸夾住佢條腸咁由佢來回咁插，佢射個陣，仲整污糟咗我少少嘅頭髮。第一次見男仔射出嚟嘅精液我覺得好神奇，我捽左兩捽，啲嘢黏住喺我手指，我聞咗一聞，先知原來所謂嘅腥就喺呢種味道。

終於，完咗啦⋯⋯
同細路吹咗兩句水，沖埋個涼，我先發現原來已經八點半啦。做完劇烈運動之後我個肚已經有啲餓，乍乍林同細路著好衫出返去，落樓等𨋢嗰陣我問細路幾多錢，細路好識做咁話隨心啦無所謂，所以我打開銀包，將一早㩒定嘅千七蚊現金一嘢塞俾細路。佢check都冇check袋落袋，仲拎咗盒蘋果味嘅薄荷糖請我食。

一個有著蘋果薄荷味嘅吻。

有過身體接觸之後嘅我哋好似冇咁尷尬咗。但喺，對我而言並唔係咁。完完全全清醒過嚟嘅我唔知點樣繼續面對細路，於是我落到樓，然後同佢講我要走啦，就喺呢到say byebye。

「我送你啦？你搭鐵定喺巴士？」
細路大概仲記住佢ptbf嘅身份責任，好殷勤咁提出話要送我。
「唔使啦，多謝你，我前面就喺巴士站，自己行啦byebye。」
我急急腳將細路拋諸腦後，就算前面喺紅燈我都寧願低頭扮㩒手機，都唔想繼續同細路再social落去。

癲嘅嘢，一次就夠啦。
我要做嘅嘢，已經做咗。
如果真喺傾得多再繼續講落去，有咗感情就好麻煩啦。我知道自己好容易因為依賴而去鐘意咗一個人。

回家嘅路上，我聽住一首我幾鐘意嘅歌，然後ig block咗細路。

回家的馬路刮了秋風 離開你我歸家都矛盾
...
危機感鑽入了我身軀 離家怕每一雙小情侶
...
一屋的煙花燒得凄美也似個孤島 給空虛佔據你叫我怎做 和鏡子
伸手抱抱我抱著舞伴和靈魂共舞

如果一切，真喺喺嗰一刻停頓完結咗，咁後來就唔會發生咁多事，船唔會沉，我哋大家唔會再記住彼此嘅面容，兩條直線就咁樣交錯而過。

如果。

冇啦?

無估到真係會有正常女仔會搵ptbf

接下來嘅十幾日，我咩都冇做，好正正常常咁過咗一段平靜日子。

大概就好似啲男仔打完丁之後會進入聖人mode咁，癲夠咗之後嘅我飽咗，所以就心如止水咗一排，繼續回到日常嘅返工放工沖涼瞓覺。

但喺，我生日又嚟到咗啦。

生日嘅來臨令到我特別感觸，尤其喺嗰一年，所以我又無法自已咁軟弱起嚟。又或者我純粹只喺喺度揾緊嗰藉口再去放縱自己，喺相隔咗兩星期多啲之後，我終於將細路喺封鎖名單到放咗出嚟。

我知道應該仲喺有啲未讀訊息嘅，因為我嗰時喺好倉促咁block咗佢.......

果然，有啲message喺我unblock嗰下就彈咗出嚟：
「5緊，你滿意就好la🙊」
「5好5再見啦，下次再約出尼挽la」
「😳😳😳」
「你比得太多la😤仲走甘快，下次我free番比你」

退出咗message嘅版面，我撳返入去佢嗰ig page，然後睇到佢嗰一日已經出咗一嗰po:

‘岩岩約左我ge個位姐姐😳
麻煩你見到尼個po pm番我，我有野要同你講🙊🙊🙊’

傻仔。
玩完咪算囉。
其實你喺咪專業㗎？露水姻緣呢啲嘢，網上約呢啲嘢，咁認真做咩？

好感動，我都想free比你

屌 live 咗

文筆幾流暢 幾好睇喎
g持

我冇即時咁去揾返細路。
之前都講過，理智啲咁諗嘅話我喺唔應該同佢再有任何嘅瓜葛，等一切隨住時間而丟淡其實喺最好嘅，大家開心過咪算囉——其實從頭到尾我已經成日同自己咁講，等自己唔好去執著。好多嘢我雖然都睇得同諗得清清楚楚，但係喺想去做一個對自己最好、正確嘅選擇，往往都需要一番掙扎。想要做同應該做嘅嘢好諷刺地總唔係同一樣事情。而好可惜咁，我所揀嘅都並唔係最正確嘅方向。或者由一開始，我已經完全揀錯咗。

終於喺生日前一日，我unblock咗細路放返佢出黎。生日吖嘛。我同自己講，生日就俾自己放縱多一下下，生日完之後再封都唔遲啦。同埋人哋都出po揾你啦，要人哋繼續咁樣等都唔喺咁好。幫自己揾咗N個理由之後，我message返佢：

「唔洗俾返錢我啦」
「唔緊要啦，大家開心咗就得啦😄」

佢好快就覆返我：（唔想再諗點打5P字，總知細路打嘅係嗰類典型嘅5P字啦）
「唔得😤你俾得太多我啦」
「同埋點解你個message會唔見咗嘅，我唔知點解揾唔到你」

睇到呢到，我反而有啲好笑。我以為喺千禧年代長大嘅細路會明白IG入面message自動消失嘅意義，結果佢反而唔知？係咪佢太受歡迎，所以冇被人block過？我應該唔會係block佢嘅第一個人掛？

「因為我block咗你囉😂」
「費事有咗感情會好麻煩㗎嘛🙊」

我直話直說。對住細路，雖然有啲嘢同私隱我會唔講，但其他可以講嘅嘢我都唔會隱瞞，呢個我諗係對人嘅一種尊重掛。

「你怕對我產生咗感情😏？」
「唔洗驚喎😌」

我當然即時否認啦。無庸置疑，同細路講返嘢係愉快嘅，細路係幾識得氹人開心，而我對細路即使唔係到鐘意嘅level，但都起碼係有少少嘅好感。話晒我哋點都叫有過肌膚之親啦，冇咩其他原因嘅話，我諗冇邊個會對同自己瞓過嘅人起反感嘅？自然地，佢又有講少少淫嘢調戲我，我冇覺得唔高興之餘，反而仲有少少臉紅。

細路：「如果你係街上面撞到我你會點？😏」
我：「我會扮睇你唔到，唔認得你囉🙈」
細路：「你因住我行埋去推你入後巷，揸落你個胸同屁股到😈」
我：「唔俾😣」
我：「我會用手推開你，用屁股頂開你囉😳」
細路：「㩒住你唔俾你推開」
細路：「走唔到👅」
細路：「然後一嘢錫落嚟錫到你濕晒💦」
我：「唔好啦」
我：「我會軟晒無力㗎🙈」

就係咁樣，我哋flirt到我生日嗰一日。嗰一晚我出去食完飯（當然食緊飯都覆緊佢，屋企人都話我個心唔知飄咗去邊），坐喺床上面繼續同細路send message，生日係我俾自己嘅一個藉口，藉口就嚟完結，所以我更加放任自己，可以秒覆佢嘅，就盡量覆。

細路：「原來今日係你生日👀？」
我：「係吖，又老一歲🤭」

同佢講完咗我啱啱出咗去生日飯，我希望可以得到佢嘅祝福，如果係收到自己有好感嘅男仔講出嚟嘅生日快樂，應該會開心啲掛？

細路：「生日快樂😘😘😘」
我：「多謝😊」
細路：「好似今日仲有多個人生日........好似係我老豆喎」
我：「你唔記得你爸爸生日？」
細路：「好似真係，啱啱問咗我老母😨」
我：「好衰吖你😂咁你陪下你老豆食餐生日飯啦」
我：「下次要記得啦」

細路：「唔要☹️」
細路：「我要陪你」
細路：「我淨係記得今日係你生日，唔想記得佢😪」
細路：「我淨係想同你慶」

我諗，口甜舌滑嘅男仔真係比較容易討人歡心。女仔的確耳仔幾軟，受唔住有好感嘅男仔甜言蜜語。唔怪之得成日新聞都賣，有富婆會為咗嗰少少噓寒問暖而奉上大把大把嘅金錢。

我放低電話，係床上面碌咗兩碌。
不過無論點，過埋今日都應該夠啦。
話咗生日係放縱嘅藉口，過咗生晴，就唔應該再有藉口放肆啦。

我望望電話顯示嘅時間，11:53。
你要完啦。

我其實一早同細路講咗話我要block返佢，佢當然有講過唔好、唔制，但係我決心要自己唔好錯落去——所以我同佢講：

「我而家要block返你啦」
「好多謝你呢一兩日陪咗我咁耐」
「我哋有機會再見啦」

然後係生日當天嘅最後幾分鐘，我又再次block咗細路。

有一直追
加油寫落去

Push

support

有人想睇 繼續

重甜 plz