130 Like
14 Dislike
Dllmskr
2018-10-21 03:42:38
3:42?????????
趕故書生
2018-10-21 03:52:29
「喂,你肯落嚟未啊?」我拍拖經驗唔多,都係得嗰一兩次,無經歷過啲咩,短暫咁過咗幾個禮拜就分手。
我中學所謂嘅「拍拖」只係同女朋友返學同埋放學,無啦。再無咩特別回憶,佢唔係忙於補習,就係忙啲咩課外活動。
所以Kiki嘅互相,對我嚟講既新鮮又深刻。
「未喎~~」我睇唔到佢咩表情,但喱度四周圍都係人,我都唔知去邊度先好。
「咁去邊度啊小姐?」
「去……去嗰邊啊!嗰邊人少啊。」
「你真係唔落嚟啊?」
「痴線㗎你?有免費車坐做咩要行啊?」
很好啊,既然你派膠啊嘛,咁我又派先。
「姐係咁,個個嚟喱度都係為咗同大自然緊密地接觸,你依家條條fing咁係我背脊上面,個腳板無得同大地接觸,你唔覺得可惜咩?」
「你去到前面咪放低我囉。」Kiki指住前面,其實我哋依家係一路向緊個太陽度行。
你只要稍微抬起頭,望一望個天,我唔明喱個畫面點解可以咁靚,一啲橙色同一啲藍色融合埋一齊,可以構造成咁靚嘅美景,加埋個日落,一絕啊。
係我諗緊嘢嘅同時,Kiki係我耳邊飛快咁講咗句嘢,但我因為諗緊嘢,加上佢講太快,我聽唔到。
「下?你講咩啊?」我回過神來問問Kiki。
「無啊,我頭先無嘢啊。」從佢嘅聲線同埋語氣,我判斷出佢似係有所隱瞞,而唔係好肯定咁否認。
「真係無咩?我頭先明明聽到你有講嘢㗎。」
「你聽錯咋?側邊咁多人,其他人講姐。」
今日嘅Kiki好似有啲不一樣。
不了狗也不屌
2018-10-21 04:14:06
唔
咁補嗰篇呢?
趕故書生
2018-10-21 04:29:22
「好啦,你放我落嚟啦。」Kiki想快啲化解喱個尷尬,於是快少少轉移注意力。
頭先把口呢,就嫌Kiki,話想快啲放佢落嚟,依家呢?就唔想放佢落嚟。
就好似愛情一樣,佢上嚟嘅時候,有幾難啊?我只能夠硬食,好啦,到最後啦,人哋話想分手,而你呢?卻係唔捨得放低嗰一個。
「做咩唔放我落嚟啊?」Kiki拍一拍我膊頭。
「啊…無,諗緊你頭先同我講咩姐。」
「都話咗無囉,男人老狗疑心咁鬼重。」又俾Kiki串,真係唔忿氣。
我輕輕咁放咗Kiki落嚟,到依家我都唔明點解Kiki會突變跳上嚟要我孭佢,但我諗,有啲嘢的確唔洗咩都追究到底嘅,留底一個不解嘅謎團,都係一種美好。
「喂,幫我影相啦,哈哈。」Kiki拎部手機出嚟,一蹦一跳咁向前面行,擺好曬姿勢,港女十幾式咩都出曬嚟。
我都好快咁幫佢影咗好多相,影下影下,個太陽都就嚟唔見嚕。
「行啦,都幫你影咗咁多相,咩都夠啦。」
「我諗住呢…」
「我諗住係度放低佢,任由啲回憶伴隨住啲日落,慢慢沈落去。」
「我知,如果唔經過日落,唔經過漆黑嘅夜晚,黎明係唔會嚟。」Kiki好認真地說。
「就算你經過漆黑嘅夜晚,黎明都唔會嚟啦,你估佢好得閒咩?」我搞咗個爛gag,我自己都覺得好爛。
其實你搞爛gag都唔係問題,問題係你要有能力化解搞完爛gag嘅尷尬,如果唔係,真係好柒㗎……
「屌你咩!」Kiki數秒之後就gag到我想講咩,然後開始笑出聲,「真係好爛啊,哈哈。」
可以博到佢一笑就得啦,理得個gag爛唔爛啊。
「總之你會放低就得啦,你唔好依家講完一陣又做唔到啊。」
「我唔會啦,因為喱啲日子已經夠啦,喱幾日我都慢慢無再諗起佢,希望之後唔會記起啦。」
衝吖衝快搶攻
2018-10-21 13:20:20
正評咗 好青春 繼續寫落去加油
睇書啦喂
2018-10-22 01:58:03
推
皇上請signal
2018-10-22 01:58:56
推
趕故書生
2018-10-22 15:46:10
多謝巴打支持
今晚出文
大帝安格拉姆
2018-10-22 23:17:20
push push
Dllmskr
2018-10-23 02:02:36
今晚?文呢?
不了狗也不屌
2018-10-23 03:12:19
等,寂寞到夜深
項少龍項羽
2018-10-23 10:13:50
正評左 希望主角同kiki一齊
趕故書生
2018-10-23 11:28:34
Kiki對住個日落講,佢話會放低曬佢。
「我之前以為我係放唔低佢,但依家發覺,原來自己並唔係放低佢。」
「你問我如果有機會,會唔會同返佢一齊,我諗我唔會,我哋之間好多嘢都變咗,唔同曬,返唔到轉頭。」
「但我依舊會掛住以前同佢一齊嘅日子,真係好開心好甜蜜,佢除咗寵我,當我公主咁樣,更加令我著迷嘅,係佢身上好有魅力,識好多嘢,話做咩就去做。」
「所以我放唔低嘅,係同佢一齊嘅『過去』,如果可以,我想時光倒流返去以前嘅時光。」
隨住日落慢慢西下,喱邊周邊嘅環境開始昏暗落嚟,喱邊好鄉下㗎,只見到遠處嘅數盞燈火,其餘就係草木同海。
我同Kiki一路行返去,側邊有幾個人跟住嘅,我哋都係等到最後一刻先走嘅人。
「你一直困係過去,點樣繼續行落去先得㗎。」我自己都知,所以我都希望Kiki可以行返出嚟。
咁樣我先有機會,唔係,咁樣我先能夠堂堂正正去追佢。
「所以依家決心放低佢,然後今晚好好落club玩盡佢!」
Kiki好興奮咁舉高雙手,係度大呼小叫,完全唔理旁人嘅眼光,傻裡傻氣咁。
「食埋飯咪去囉,急咩姐?係度跳嚟跳去。」
我個心係好唔想佢去,我落去只係為咗睇實佢,如果我唔去,我怕佢俾人食咗咋。
我梗係唔可以就咁俾佢落去放縱啦,但有一樣嘢好矛盾,咁我自己落去,睇住佢俾人係度抽水,我會勁唔好受囉。
哎!真係好亂啊!
趕故書生
2018-10-23 11:29:41
sorrrrrrrr,琴晚無出到
補返
今日再繼續打
有野震我
2018-10-23 13:07:38
文吖 arrrrrrr
大帝安格拉姆
2018-10-23 23:25:29
仲有冇文
Dllmskr
2018-10-24 01:52:07
文也!!加油!!
趕故書生
2018-10-24 02:33:32
我車Kiki返去,大家沖個涼,執行個裝,就準備出發。
我見住 Kiki執到咁靚,著曬戰爭格咁,心裡就很不是味兒,真係好忐忑㗎。
佢著曬短裙,又著埋件小背心,小小露腰,胸就一定露㗎,如果唔係點引啲狂蜂浪蝶呢?
我見佢著到咁,就算出面熱到乜咁,我都著多件薄薄嘅外套,只係預個萬一姐。
我如常咁坐係間房度等佢,我依家越睇,就覺得越正。以前都係覺得中上啦,係班上面都算係靚女嚟,但只不過真係無感覺。
無感覺就無感覺,一路都覺得唔會嘢,點知依家感覺一嚟,就點擋都擋唔住。
我有時都覺得轉變得咁快究竟係咪好事呢?話咁快我就將可妮拋諸腦後,
因為我知就算你依家喱一刻呃得過自己,當你醒覺嗰一刻,話唔定已經太遲了。
所以自己個心,還是坦然面對好。
終於搞掂好曬,我相信依家我拖住Kiki出去,一定大煞四方,行出街都威啲,有自豪感啲啊。
但係無辦法啦,我只不過係企係佢側邊嘅男人。
出去同佢食餐好啲嘅燒肉,係台灣,出去食好嘢通常都係打邊爐同埋燒肉,兩樣都係好熱氣嘅嘢。
到咗差唔多10點幾11點去,就去夜店度排隊,咁耐以嚟都係同朋友去過一次,我因為頂唔順入面啲氣氛,好吵,好焗,個零兩個鐘就出返嚟啦。
我哋嚟到台中一間M字開頭嘅夜店,相信有去過嘅應該都知,因為台中M字頭嘅夜店好似係得一間姐。
未到咋,都已經見到出面排曬長龍,個個都希望12點前入到去,我上網有查,今日只要12點前入場就免費,過咗12點,男嘅收500,女嘅收100。
我唯有同Kiki係出面等下啦,係度排緊隊嘅同時,我觀察下啲人,好多女仔都著到好鬼妖豔,男嘅都好有型。
我心諗:仆街啦,喱度係咪會有其中一個男仔食到Kiki呢?
趕故書生
2018-10-24 02:34:54
有
通常要禮拜六日先出多啲
閒日有時會出唔到文,望各位多多體諒下
趕故書生
2018-10-24 02:35:41
多謝你嘅正評
正評夠數就會加更㗎啦
凋零
2018-10-24 05:46:30
Live 幾好睇
不了狗也不屌
2018-10-24 19:42:30
推
有野震我
2018-10-25 12:53:11
F5
項少龍項羽
2018-10-26 02:05:22