《好地地,我做乜鬼無啦啦帶個港女Friend嚟台灣特訓?》

427 回覆
130 Like 14 Dislike
2018-10-09 16:14:43
2018-10-10 20:55:48
劇情發展得唔錯
2018-10-12 23:34:38
push
2018-10-14 18:51:57
今晚出文,之後要返學晚晚都無時間出
搞到依家要一次過補返
2018-10-14 23:20:22
我一路睇住佢瞓教個樣,一路欣賞佢如雷擊頂嘅鼻寒聲,簡直係天籟之音。

估唔到佢平時女神咁嘅款,私底下會咁樣,搞到我又忍唔住笑出嚟。

Kiki嘴角邊仲有啲口水添,唔知點解見到會覺得佢好可愛,好似發掘新大陸咁,見到啲新奇嘢,好是有趣。

Kiki有佢死豬咁瞓,我有我係度監察住佢,腦海入面做咗好多幻想,喱啲幻想通通都係Kiki。

我發覺喱啲情緒都係一時之間,明明時間都唔係好長,但係變化就好大。

我以為我會一路鐘意可妮落去,但原來「鐘意」喱種感覺係會淡,係會慢慢無咁強烈。

最後喱種「鐘意」會變成回憶,你會記得你係「鐘意」佢,記得自己鐘意佢啲咩,記得當初鐘意上佢嘅感覺。

但回過頭來,滿滿嘅感覺只剩下點丁情感,以前會愛得死去活來,想盡辦法一齊,要佢做我女朋友,依家喱種想法已經無嚕。

就算可妮佢有男朋友,我始終都係將份情收埋入心,一開始係好頹,甚至有諗過搞散佢哋,但我做唔出,人哋其實都同我一樣,一樣深深咁鐘意可妮。

咁我又何必去加害另一個自己呢?

係喱個感情淡去嘅時間點,遇上啱啱失戀嘅Kiki,如果當初我拒絕Kiki,我諗我同Kiki會一路以好朋友自居吧?

依家喱個狀況,好微妙,好曖昧,但喱種曖昧只不過係我一廂情願,我諗Kiki應該都對我無嘢,同埋應該未察覺到我小小心意嘅。

唯有順其自然啦。

係床邊一邊㩒下手機,一邊望下Kiki,一邊係度諗嘢。

直至我肚餓啦,條友都仲未諗住醒,已經係下就2點幾,食完嘢都差唔多出發啦。

「喂喂,夠鐘啦。」我柔聲咁叫Kiki起身。

「嗯…?」Kiki輕輕咁叫一聲,聲線十分之銷魂,好似啲初生bb咁。
2018-10-15 15:42:28
「起身出發啦,日落啦,睇唔到日落㗎啦,影唔到靚相㗎啦!」

Kiki一聽個重點:影唔到靚相?

佢成個醒咗一醒,然後叫咗聲:「下?!」

跟住火速般拎咗部手機出嚟,睇一睇個時間,然後發覺我呃鳩佢。

「我屌你咩,依家先2點幾,嚇鬼死我咩。」

我無視佢嘅咒罵,冷靜咁同佢講,「你依家起身去食飯差唔多啦,等你真係起到身出門,都己經3點啦,食埋嘢4點啦,去到都5點啦,咁係咪就嚟日落睇唔到啦?」

Kiki佢瞬間無聲出,反正我知佢成個人醒咗就得啦。

「為咗省時間,我哋買返嚟食啦,晏啲再出去食好嘢啦。」

「啊!!」Kiki伸個懶腰,問道:「食咩啊?」

「定叫M記外賣啊?」

「M記有外賣咩?」

「台灣有啊,就好似你叫pizza hut咁姐,有人幫你送上門。」

「咁就M記啦!」

我哋搞掂曬啲嘢之後,已經係下就3點半,同我預想嘅差唔多。

我揸電車車Kiki去高美濕地,等Kiki係後面google map,我就專心揸車。

我喱邊離高美濕地唔算好遠,越近高美濕地,風就越嚟越大。

依家個天氣接近秋冬,啲風吹埋嚟涼涼地咁,舒舒服服咁。

再望下個天色,日落嘅天色一早塗咗係湛藍嘅底色上,就連啲雲霞都染埋色。

「好靚啊……」Kiki坐係我後面講,坐係後面就爽啦,有得成日睇風景,枉我咁專心係度揸車啊。

「幫手google map啦,掛住睇風景。」我串下佢。

「咩喎,轉個彎就到啦,好難明咩?」

Kiki時不時向前輕壓一下,會感受到Kiki波動的起伏。
2018-10-16 02:04:51
推 支持
2018-10-16 11:47:09
照劇情睇 男主一定會後悔
2018-10-16 12:26:01
lm
2018-10-16 23:35:32
push
2018-10-17 02:10:46
pushpushpush
2018-10-17 02:57:34
「挑!」我俾佢反串之後,就收咗皮。

沿住海邊一路揸車入去,就算喱度嚟過幾次,都依舊覺得好靚。

搵到個位停好㗎車之後,就行上個壩度,企係度遙望遠處,高美濕地有條好長嘅橋,條橋唔寬,僅容納兩至三個人併排行。

我就咁睇過去,人山人海啊,全部都係人。

「哇,好多人啊。」Kiki不禁感嘆。

「你好彩啊,今日退潮,如果唔係你都落唔到去啊。」

依家個太陽仲停係30度左右個位,仲未落曬去,但已經夠曬靚。

你要遇啱天氣晴朗、無落雨無烏雲、仲要退潮;你只要是但無一樣,都已經差咁啲,所以我哋真係好幸運。

係喱個如此巧合嘅時候,一生人中有幾多咁啱,咁巧合嘅時機?

如果Kiki係我女朋友,牽上佢嘅手,一齊欣賞日落,會係一件多麼美好嘅事啊?

天時地利人和,地利就一定有啦,人和就一半一半,我都唔知同Kiki會唔會夾得埋,不過喱啲都係後話,未一齊又點知呢?

而天時呢?喱個睇怕真係唔夾,我哋兩個都係啱啱情場失意之人,而且Kiki只不過嚟咗數日,依個時間點太快啦。

「唉。」我不禁喱一點感到可惜,不自覺咁嘆咗一下氣。

「做咩啊?嘆曬氣咁,咁撚靚嘅風景又嘆氣?諗起條女啊?」Kiki講笑咁講。

「係啊,諗起條女。」但喱條女唔係嗰條女呢。

「超!同人嚟好心你就咪諗起第啲女啦。」Kiki抱怨著,佢小生氣個樣又幾可愛嘅。

唔知係咪因為對Kiki有感覺,所以睇佢都順眼啲,可愛啲。啊!我依家又唔覺佢港女㗎喎。

真係奇怪……
2018-10-18 11:10:57
今晚再更新
2018-10-18 12:00:31
2018-10-18 18:24:07
支持
2018-10-18 23:04:53
push
2018-10-18 23:51:29
重有9分鐘就聽日了
2018-10-19 00:31:26
啱啱先返到屋企
搞掂完晏啲出
2018-10-19 01:41:50
有文未
2018-10-19 04:18:55
關於頭先個話題,我只是笑笑,無做咩回應,我更加享受喱種曖昧嘅關係,太多唔明確嘅嘢,講理講不清。

其實最攞命嘅,你會因為小小嘢開心成日,覺得小小嘢都有可能係人哋對你有意思,會將個期待放到好高;但係你亦都會因為小小嘢唔開心,你無任何身分、權利去干涉佢,因為你唔係佢男朋友,有咩資格姐?

所有嘢都源自曖昧,佢會俾你上天堂嘅快感,亦都會俾你落地獄嘅痛苦。

暖昧就好似係高山上面走鋼線咁。你走得過就係挑戰,你失足就係一失足成千古恨。

我哋順住人流往入面逼,朝住日落個方向行,我哋除咗對拖鞋之後,就落去。

落去前有一大灘水,係唔算污糟嘅,但係無都過膝頭哥,要行過去並唔容易。

我諗住順勢拖住Kiki行喱條路仔,我係出於男士風氣,無諗住抽咩水啊,無任何歪念。

我伸隻手出嚟,Kiki佢唔郁喎。

「做咩啊?快啦,扶你過去啊。」喱度人山人海,爽手啲廢事係度逼啦。

「唔要啊。」

??發咩神經??

「咁好啦,你自己落啦。」我轉個身就諗住自己行過去,啊,真係好心著雷劈。

搞到我超無面囉,諗住對佢好啲都唔得嘅。

「喂啊!」Kiki衝落嚟,係我落水之前就捉我膊頭,然後一嘢跳咗上嚟。

Kiki係背後攬住我,格硬要我背住佢。

「喂…」我差啲俾佢搞到失平衡一齊跌落水啊,好彩我企得夠穩。

「搞咩啊?」

「無啊,人哋攰啊嘛…」Kiki講得勁快。

頭先嘅小小嬲一掃而空,即刻開心到飛起,個心跳跟住一齊飛啊大佬!

忽然間感覺到好青春,那些年式嘅愛情咁。

只不過可能係一個玩笑,甚或係朋友之間嘅玩玩下,但我個心跳已經同我講咗,我對Kiki並唔係朋友咁單純。
2018-10-19 23:45:20
pushhh
2018-10-20 00:14:18
射咗
2018-10-20 17:20:07
凌晨時段再出文
2018-10-20 20:15:36
等你
2018-10-21 03:19:28
3:20分啦
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞