濕疹令到我好絕望

日本濕疹膏我試過另一隻
但因為有類固醇所以唔敢再試其他
不過我都搵搵你地介紹果隻既資料
只要唔復發我就可以重點去疤

我啲濕彥只要唔打丁，訓夠十個鐘，介口，一個星期就好反

利申 介唔到

我爆瘡夠係拉，人地唔介意但我自己介意，太樣衰

女人你唔明男人苦况 ...

女人鞋個 L 位露肉好大塊 ... 男人著西褲皮鞋加死人物 ...
我有個好方法救得到, 不過你要真係戒 R.

用西醫藥無問題, 你訓前搽然後用保鮮紙包住訓.
個傷口會好快好.

我無點你我試過 .. 但係手多再 R ...
你自己 Google 下

屯門新墟陳永明

https://www.top1health.com/Article/16774

濕疹偏方葡萄乾水

介唔到打丁又介唔到口 ？

爆瘡真係要好好心機處理
我同我男朋友一齊無耐
就搵好多方法幫佢
敷mask一定要
保濕，暗倉膏全部都唔可以懶
而家幫佢清黑頭 深層清潔
先開始生少咗暗倉
不過佢月球表面都好勁
依d就好難幫佢了
但睇住佢由未一齊時爛面到而家俾我搞番掂
都幾有滿足感

希望我d濕疹都快d好

湯水我最愛 即刻cap低send俾母親大人先！

我以前腳彎都起過一段既濕疹 到依家都有一大個印係到 但成功斷左尾 我覺得最應該係介口 食清啲 大埔有個皮膚科醫生幾好 屋企人有皮膚病嗰陣都係揾佢

我由小學到依家20幾歲人終於斷咗濕疹，覺得濕疹要斷尾其實好睇彩數，但有少少心得可以分享

第一，中醫西醫我都試過。
初期覺得睇西醫食類固醇可以比較快止痕同退減啲，但食西藥都有壞處就係勁嘅藥通常好眼瞓同其實對斷尾冇幫助
於是我轉去睇中醫，初期極痛苦。因為睇中醫進度好慢，過程冇得食西藥，夜晚痕起上黎成晚瞓唔到真係
仲有睇中醫佢一定會俾張list你戒口，好似上面都有巴絲提過基本上係唔可以出街食野 如果一定有飯局我會拎個碗倒熱水，每樣野過一過熱水先食。
戒口見到成效嗎？我自己身上就見唔到，但體重喺呢一年中醫療程入面BMI跌到大約14，而濕疹冇咩好轉，所以停咗中醫兼食翻正常野。特別嚴重嘅日子睇翻西醫

第二，坊間同醫生配嘅藥膏我都試過好多種，基本上大家見過我都試過
但有一樣問題係每次試到一支好似有啲料到嘅，揸一排就會又覺得佢冇用 因為應該皮膚適應咗就898
所以建議絲打你唔好見一支藥膏有效就買多幾支

第三，沖涼啲水唔好太熱，夏天我沖凍水，冬天唔俾自己扭到好熱去沖。醫生亦講過全部坊間啲沐浴露都係有化學成分，所以唔好用因為會刺激皮膚。可以只用清水洗，或者用豬油膏，如果夏天你會出好多汗真係頂唔順，就用番梘，因為番梘相對冇咁刺激，藥房就有得賣

第四，戒口方面我覺得唔需要跟人地
如果有錢可以去醫院做個test，有test可以用針測試你對邊啲食物有敏感，不過好似只限幾十種
我冇做過，靠嘅係知道自己邊樣敏感就戒邊樣
例如我初期對蝦蟹敏感，但後期冇 所以照食 牛肉都有照食
但我對啲其他人唔常見而自己知食完或者只係一齊煮完都會敏感嘅，就一定戒得好徹底

最後，真係愛你嘅唔會介意的，一定只會心痛你
唔好因為驚人見到去着長衫長褲遮住，因為焗住可以更加嚴重的
過來人完全明白有幾咁痛苦，希望幫到你，祝你早日斷尾

上面講左好多野 但都唔係對付嚴重濕疹的方法
有無試過每日都會掉落 一堆多過你屋企塵既皮屑
有無試過啲濃痴住件衫 痴到你抆開 就會有撕裂的感覺



慎入：https://img.eservice-hk.net/upload/2018/04/05/121959_1bec3734f8c0b039e08bd46e27668256.png

依家好返左99% 但斷唔到尾，傷口有個好淡色既印，可以著返短袖 無食藥幾年 影響唔到我生活啦

好嚴重?

唔知 唔識日文

如果我女朋友好似絲打你會幫我搞就好拉
佢都話我樣衰左
大家加油

我自己本身有濕疹
平時戒牛，海鮮同辣野
仲有食去濕毒的健康產品，萬玲有得買
然後護膚方面用一些天然有機產品
你上綱search會有一隻好熱的法國牌子
依家好得7788

我係呢一兩年讀書壓力大誘發濕疹(錢幣型) 急性出哂水痴實衫褲 除衫除褲都勁痛 床單永遠都有黃色水漬血漬 但生哂喺四肢 關節面反而冇生
的起心肝戒口2個月 而家穩定平哂冇紅腫冇流水摸落去平滑但周身深身圓型印

我沖完涼趁皮膚仲有水會搽baby oil喺全身
再用毛巾印乾

然後一定要揀cream係冇Sodium lauryl sulfate SLS 香料 酒精 防腐劑 呢類搽完都試過令我濕疹一直好唔到
aq cream都唔好用 因為外國research證實過會令皮膚變薄

我用緊有Emollient成分嘅cream + CeraVe 洗面(濕疹協會認證) + 原味vaseline搽咀(濕疹協會認證) +日本馬油搽面->有啲濕疹由出水紅腫 變到平坦收水皮膚表面滑返

另外戒口都好重要(戒辣+甜+高組織胺食物+乳製品+含麩質) 買棉質鬆身衫褲 飲水多
戒口係辛苦 但你想有濕疹定冇濕疹就自己衡量

http://cureeczemaslowly.com/not-all-fruits-and-veggies-are-eczema-friendly-the-4-types/
呢個網係外國建議濕疹飲食

絕對明白 我啲濕疹而家又係痴咗線咁爆出嚟
我自己係情緒波動大壓力 唔戒口 唔訓足覺而引致
樓主可以試下閉關一段時間 食得清淡啲 訓多啲覺 同戒口
每隔一星期就換下床單被單 總之保持清潔同乾爽
要相信濕疹係可以好得返既！！

兩三日就唔知會唔會太大影響啦
點都好 樓主加油！

由無變有keep 住年幾兩年
之後有一次去左台北山上既地方
落返山就好返哂

我都覺得運動係一定有幫助，排汗加快新陳代謝