濕疹令到我好絕望

394 回覆
264 Like 16 Dislike
2018-04-07 21:17:50
有咩好介意,佢鍾意嘅係你個人本身而唔係你啲皮膚
2018-04-07 21:22:22
thx望下先,會唔會食完痾好多
2018-04-07 21:23:48
第一日會多啲
2018-04-07 21:48:16
題外話
依兩日天氣 對濕疹人黎講 好舒服
唔凍唔熱 涼涼地
濕度適中 正 無乜點r
2018-04-07 21:54:35
唔係樓主, SEARCH HK BIOTEK
就算唔突起都會鞋, 一塊塊死皮可以搣落黎
2018-04-07 21:55:01
似喺白內障

利申:過來人
2018-04-07 21:55:20
lm
2018-04-07 22:00:57
唔敢溝女
2018-04-07 22:02:24
放心我都係
2018-04-07 22:04:17
留名跟進
2018-04-07 22:07:52
你又有事?
2018-04-07 22:10:14
我由細到大都有嚴重嘅濕疹
細個係R到出晒血出水結蕉再R到出血出水不斷loop

2018-04-07 22:18:13
我手腳拗位 大腿內側由細到大都有
4年前唔知做乜大爆發 成臉關公咁紅
睇左好耐中醫 針灸 戒口超清 之後好左
得返手拗轉季出dd

但最近11月開始又爆過直到依家
2018-04-07 22:20:22
我細個就頸同關節有
dse後大爆發全身甩皮紅晒流水
中醫搞掂左少少 但而家眼皮呀下爬耳仔都有少少紅同甩皮
2018-04-07 22:24:28
入得依個post都係同病相憐
2018-04-08 01:18:45
應該喺
2018-04-08 03:29:22
我是昨晚用我男朋友的帳號看見這文章,特登開個自己既帳號黎回覆的。本身自己講野好長篇大論,但男朋友說話同打字都好精簡加上佢唔想開名,覺得濕疹比人知很難受,所以我先自己開個帳黎回覆,希望各位巴絲不要在意我太過千字文。

我和我男友在八年前開始拍拖,佢個陣已經有兩三年的嚴重濕疹,遮係到上年為止,幾乎有十年的全身性嚴重濕疹,一年四季幾乎有三季半都是嚴重的程度,每朝起身全床的被鋪都係血水同黃水黃癑,佢出濕疹的位置包括面頰有一點,兩手肘前后的接合關節、兩隻手背、兩膝蓋后的接合關節、大腿小腿和腳背、下巴下的全個頸部和上胸都是紅色硬皮,另外膊頭和上半身全個背部和前胸及肚腩都是紅色疹子。紅皮膚的地方只要是破了皮都會出血水,而塗什麼藥膏和潤膚膏,傷口的地方都會一直出黃水,他每天上班都要用上六七塊傷口墊包裹傷口和關節,而下床每走一步,膝頭關節后的紅硬皮都會裂開出血,而癢的程度是大概,我每隔三秒就要說一次不要抓,和他睡就算抓住他雙手雙腳他還是會抓,行街如果穿長褲行兩條街就又癢又痛要停下來揸藥膏和潤膚膏才可以繼續再行等等,我雖然有他比較不嚴重但其實對於正常人都已經好嚴重時的照片,但我認為要尊重他,即使是過去不想被人看的心情,所以就不上載了。

先說一說我們八年多來失敗的嘗試,其實可能有遺漏,但我盡量回憶一下,中醫很多個,基本上所有和皮膚有關的中藥材都在我們家存在過,什麼艾草艾葉馬齒莧、金銀花菊花、地膚子蛇床子、黃柏黃芩、連翹苦參、白癬皮川椒白醋等等還有很多不能盡錄,可以試的聽過的,外洗的內服的都試過了。紫雲膏、金盞花膏、藥用爽身粉全部試過。皮膚極乾的問題也是, a cream 、e cream、qv cream 、豬油膏、各大小牌子的潤膚膏都沒用,他們就只有那同唔那既分別,潤就完全無用。 另外內服或外用的椰子油、橄欖油、蘆薈啫喱、青瓜啫喱、杏仁油、亞麻子油全部用過。中醫針灸和艾炙和筋絡按摩全部試過。西醫的皮膚科政府醫院入住過,私家名醫,中環的銅鑼灣的旺角的紅磡的數不到那麼多,全部停藥就複發。不煙不酒,早睡早起,聽老一輩說戒掉牛肉,羊肉,鴨和海鮮及辛辣食物,多吃蔬菜和水果也沒用。去到一個點係已經係好絕望,佢好絕望時我又好絕望,我幫不到佢好灰心,佢二十四小時又癢又痛,睡覺都每幾分鐘癢醒一次,加上我本身另外有些長期的痛症和遺傳的焦慮和情緒問題,係佢上年同我講一句,幸好還有你,要不然我真的可能跳下去,這樣的生活不是人活的。那一句,我的確有打算和他殉情,起碼下輩子可能我們兩個會抽中一個比較健康的身體,兩個人都要拖著斷不掉的疾病痛苦捱多七八十年太痛苦。

終於進入正題,原諒我那麼長篇大論,我說出來可能不能幫助所有人,或許也不是每個人都有效,但他那麼嚴重也有效,可能真的幫到一些人,或者做個參考也好,如果有人真的絕望到想死或許能救人一命。 事源因為我們兩個的身體問題,我有習慣去閱讀一些罕見病的研究和正偏方治療方法,剛巧看了幾篇研究和文章,他們的方法是我們還沒試,但可以同時使用互相幫助,雖然很多香港西醫公開說這方法沒用,但即使失敗對比起我們多年嘗試也不貴,輸了也不會影響身體,我就和他去試試看:

1.首先,先找一間化驗所是有慢性過敏食物測試的(抽血),當然如果你很有錢你可以做埋急性和接觸性過敏測試,但如果你的濕疹是持續超過一個月或兒時已開始濕疹或小時候有過食物過敏/鼻敏感/哮喘/氣管過敏,就必須選慢性的,那我找那間是220種慢性食物過敏測試的, 價錢大約是$4200。化驗所名字就不公開了,驗完他會介紹你一些健康食品,但我因為有研究開沒有買它建議的,而是另外自己購買,化驗完成佢會比一份報告你,入面有220種食物,會分為紅黃綠三隻色和一些指數,那三隻色是你對個隻食物的慢性過敏度,遮係你食完大約4小時至6日先會過敏,所以你都通常唔會留意到,西醫話無效但我地照信,因為已經無方法了,而香港的醫院所謂的血液測試只會測急性食物和接觸性,但不會測慢性的,慢性報告一出,之后紅色的,我地盡量永久停止食用,就算係食都係極少,可能一兩啖就要隔一星期先再可以食一啖咁。黃色就最少停九個月,有口慾都係同紅色咁,最少隔一星期先食一啖。綠色就可以正常食

2. 食益生菌。但一定要包含有兩種既益生菌先對濕疹有效,分別是嗜酸乳酸菌雙歧乳酸桿菌的,市面上我暫時見到呢兩隻菌含量最高既益生菌牌子叫“碧而優”($460一個月),如果無既話,有隻普遍啲黃藍色盒既益生菌都有呢兩隻成份,但含量少大約一半(我忘了牌子 但上網買$230一個月)。 益生菌要Keep 住食,當保健用途。

3.另外,因為我好少出街,多數上網購物的關係,同埋比較平,所以我用I herb app,上網買了6至 7種的健康產品,是和那些我看的研究報告有關的。那些研究報告大概關於的內容是圍繞研究腸漏症及腸道健康和濕疹及慢性皮膚病及過敏症的關係,這樣啦大約翻譯就。咁講下我買左咩:
A) omega3 + 山竹素(mangosteen) 各一樽,每日每樽食一粒,因為研究話omega3 和 山竹素合成后的化學成份,可以減輕腸道和皮膚的發炎指數,大概係咁,翻譯和集結多個資料就多多包涵。
B) skin ,hair &nail 多種維他命一樽, 因為佢傷口太多,所以諗住每日食一粒,等傷口快啲好。
C) L-glutamine 修補腸黏膜破損(因為有先天出生就有或后天性的腸漏問題,過敏源會由腸道慢性吸收至身體)和皮膚蛋白,每日一粒
D) Digestive enzymes 消化酵素一樽,每日一粒
E) Fiber fusion plus 一樽,纖維素,早上食兩粒,每次要用兩大杯水一同服用,水太少可能反而會便泌,為免佢係屋企食完搭車番工飲太多水要去廁所,所以叫佢拎番工食完早餐先食

咁我男友驗完之后個結果慢性過敏就:紅色(嚴重慢性過敏) - 牛奶、羊奶、蛋、酪蛋白、小麥、麥夫、 豌豆、黃豆、南瓜(佢原本都唔食)、粟米、開心果、面包酵母、紅菜頭(佢原本都唔食)、椰菜(佢原本都唔食) ,黃色(中級慢性過敏) - 無花果、梅子、啤酒酵母、蟹、蕪菁(唔知咩黎 應該無食)、麥芽

驗完之後,即刻停哂所有呢堆食物,咩意粉呀薄餅蛋呀奶呀都唔食,豉油有大豆,但太殘忍,無戒哂,落少啲。零食可以食旺旺雪餅、叮叮糖、有一兩種的薯片,有上面的成份製造既野唔食,早餐變左食番薯,面食只吃米線、米粉、河粉、紅薯粉和貴刁。反而老一輩講濕呀毒呀個啲,咩辣呀牛羊鴨呀蝦呀魚生呀菇呀,因為佢過敏綠色所以照食。個陣老人家話粟米無花果清熱反而成日煲比佢飲,面色雞蛋成日食,奶茶有奶又成日飲。 食物由上年11月尾驗,停食左兩星期左右,已經見到啲疹變少,初時驚唔得就真係再無法子,到而家仲係停食緊,項2既益生菌仲有每個月keep 住買黎食, 項3既a-e 就只係食左頭一個月,幾乎收哂啲疹就無再食,到而家四月,好番99.9%,係間中佢口痕我比一啖包佢食,佢隔半日就會起一兩粒小疹,之後我地又停一星期唔食,到而家零番發。原本佢食極都唔肥,佢165身高(不準話佢矮 因為我得149 生氣咖!),但佢得90-105磅(八年內的範圍), 原本有濕疹晚餐食一碗飯而已,戒完呢啲過敏,食左益生菌同a - f 項,午餐食一大碟飯,晚餐食兩碗半飯。重就無咩重好多,但抱落大隻左,力量也大力左(不準問我點解咁覺得 呢啲野自己get !) ,傷口全好,晚上能睡到天光,行路正常,不癢。

哇打左二千幾三千字,對不起呀,唔知係咪個個效,但希望我地既經驗幫到人,因為真係好痛苦,而我地幫到既人第日又幫到其他人就最好,因為香港真係太多人濕疹,希望唔好罵我too long can't read, 我男友話你打咁長,人地一定咁講。 我要訓了,我講到咁詳細,我男友一定知呢個係我,我仲約佢聽朝早上出門,你唔開名但你早上見到不要罵我! ((極速逃去睡
2018-04-08 03:36:01
哎呀! 忘記講了 我地最終係用左$4200慢性過敏測試+$1200急性過敏測試(呢過測到佢有塵蟎過敏六級但我地咩都無做過黎改善),a-f項$800用iherb app 買,你鐘意可以用其他,我不是打廣告。益生菌頭一個月$460之后轉用黃藍色$230因為碧而優難買,所以大約用左$6000蚊加之后每月$230左右,對於睇左八年中西名醫既我地真係太便宜了。
祝大家身體健康,早日康復
2018-04-08 09:35:01
近排用死海鹽
但係一轉天氣又差啲
想問下用死海鹽會唔會有反彈嘅情況出現
用咗兩個禮拜手腳好咗但係條頸又返發
2018-04-08 10:08:31
我而家食緊隻森X日本牌子, 你隻碧而優邊到有賣?
2018-04-08 10:09:31
係 但未至於反彈 因為我乾細佬面上都有濕疹 我有同佢講我男友用既方法成功左 但因為佢都係諗住自己驗左都唔會戒到口 所以繼續用死海鹽 叫做有野止得到 佢一轉天氣都係會有啲翻發 但唔至於好似用類固醇咁會發得嚴重過未用之前 所以唔算反彈
2018-04-08 10:22:17
https://health.esdlife.com/shop/hk/product/bioone-howaru調整體質益生菌-4合1盒裝-28包 暫時香港見到網上呢度有得賣 但貴啲 $488 我係係驗血個個中心 買左一盒碧而優比佢食左一個月 好番就轉左黃藍色個隻Jarrow 牌 少一半左右成份但易買 反正都好番 防翻發而已 碧而優太難買 次次要上去 日本森下無買過 因為聽講佢排毒係好 但益生菌都有好多種 check 過內容成份 森下佢主要菌類無包括個兩種醫濕疹的 所以個陣我無揀佢 同埋我唔知唔戒口齋食益生菌會唔會有用 未試過 你財力如果足夠可以試下
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞