濕疹令到我好絕望

戒口同良好生活習慣係最重要！

最近天氣濕 記得似多啲去濕野
簡單煲個綠豆薏米糖水 熱底人先啱
仲要 戒口好重要 發緊個陣一定要食得好清 ！

有辦法可以根治，睇你有無心

我都長期有濕疹 天氣一轉就會出
無分夏天冬天 仲要生係面
唔介意可以tg交流一下
https://t.me/oreoyoga

浸死海鹽沖涼 有得買

本來已經唔係身型好
唯有努力keep住皮膚白同滑


咁依家唔白滑就好keep吓個身型

樓主我好明你嘅感受
中二個時成身爛哂仲要翻學比人笑
對腳爛到上pe堂老師問我咩事
到而家用咗4年時間退印
過程真係好辛苦
乜都唔食得 短褲都唔敢着

不過可以分享一樣野比樓主聽 希望幫到妳
不如試下保持平常心看待濕疹
唔知係咪心理作用
你越係緊張 啲濕疹就越會揾上門
我以前就係好似你咁
比啲濕疹搞到個人好唔開心 好燥
望住自己連腰位都係抓痕真係乜心情都冇
個人好似你咁 好負面 好似變咗做惡性循環
揸幾多類固醇都冇用

後來聽家母講 試下個人平靜啲
唔好太大情緒起伏
期間都要繼續戒口 清潔傷口等等
真係有明顯轉變 傷口癒合速度快咗好多

後來我每次轉季起濕疹
我都會以同樣心態對待
結果都係一樣 好快冇事了

所以我覺得情緒真係好影響皮膚健康
樓主亦不妨可以試吓呢個方法 調節下心態
希望幫到妳

加油！唔好俾濕疹玩謝
我地仲要着短裙扮靚架！

（純粹個人經驗分享 唔好鬧我 ）

我一出世無耐已經有濕疹，以前細個訓覺個時仲要冇意識地係咁r，醒翻見到自己原來r到出晒血出晒水真係好唔開心 夏天唔想俾人睇到就逼自己點都要著長衫長褲勁辛苦 睇過好多醫生都冇用，直到有年老母帶我去北京睇先好翻好多，但一轉季手同頸點都會起翻少少。。。最近睇到有個台灣youtuber阿滳話日本土佐清水病院轉醫呢啲 有d想試下。。。有冇巴絲聽過？

Andrew Sun

有成大包，真係那到仆街

我明啊
不過我係今個冬天出急性濕疹 起初去左睇西醫比類固醇我搽 即刻止左膿 但我搽左10幾日
本身就個身同腳有 其實已經好大範圍
但停左之後反彈連手都有
依家睇返啲醫生調理身體 係好緊但係好得好慢
呢啲時候真係好憎自己 尤其要掂自己啲皮膚果下
搽過類固醇啲傷口仲未好 次次沖完涼啲傷口就出水
我都知會好 但真係好難捱啊嘛
今個夏天真係要長袖衫長褲

那完痛完唔後悔嘛

睇中環鄔揚源。佢係免疫學專家。針對濕疹不只是皮膚病。而是人體免疫系統出問題入手。睇完真係好番好多

大大話話都睇過好多醫生，不過無睇過西醫，因為知無用
好多中醫都無效，係得下面圖呢個有效。

個陣係連登一個po(好似叫分享你覺得勁既中醫)見到，膽粗粗去左睇，覺得幾好，亦係唯一醫好我既人
其實佢係醫骨而我係脊骨有事間接誘發濕疹生晒係臉，所以佢幫我拉翻骨之後再做推拿就好翻好多
我諗實有人話打手，但我可以發誓全部野我都經歷過，po出來係因為我能夠遇到呢個醫師醫得好我咁嚴重既濕疹都要多謝連登，都希望我可以幫翻見到呢個po既病人
利申返 佢都幾貴 我前前後後我諗都睇左成皮野

Touch wood講句暫時未翻發，但濕疹真係無可能一勞永逸，唯有自己係飲食同生活方面調理得好啲

試下去睇中醫
我之前啲濕疹都勁，個食咗3-4個月藥幾本上無哂事
可能換季嗰陣會出少少，但勤力啲做保濕就得
如果驚訓教嗰陣會r 就攞毛巾包住等自己r唔到
千奇唔好灰心

仲有要戒口
盡量唔好食牛 蝦 蟹 鴨 嗰啲
食得清淡啲

我既控制方法：
- 死海鹽沖涼：幫助消炎，皮膚乾爽啲，訓覺冇咁痕。有用訓覺舒服好多。

- 環境：我個人容易受天氣、環境影響。例如轉天氣、濕度太高，抵抗力可能會差左。所以要留意住啲天氣（由其是衣家啲反常天氣），盡量令自己係個最舒服既狀態（例如唔好太多/太少衫）。另外抽濕好緊要，唔介意多啲開抽濕機。（雖然有一部分係心理作用）

- 作息 / 飲食：抵抗力差好遠。利申一夜訓就會差啲，抵抗力差果陣（例如傷風感冒）就會差啲。所以一察覺到自己就病就要快啲搞好。

- 免疫抑制藥膏：比類固醇溫和，所以長期用都冇乜表面負作用。可以間唔中有紅腫痕就用、可以用係面。用完一陣會有啲紅或者痕。但呢啲藥膏有個致癌既理論（未經確認，自行衡量），個人覺得同類固醇一樣，其實都係睇你點用。

- 類固醇藥膏：覺得開始犀利（例如濕痕、起晒水泡）就用，但唔可以連續用2個禮拜以上，最好用1-2個禮拜就停1-2個禮拜（呢段時間用上面隻藥膏做替代）。之後自己慢慢調較用藥期。啲人話啲類固醇既負作用（例如皮膚變薄、效力減弱）都可以靠呢個pattern去用藥減低好多。

- 運動出汗：利申個人容易出得多汗就敏感，所以運動後/運動緊要注意沫汗、乾爽。

- 心情： 心情真係好大影響。認真個人唔開心/太崩緊/太頹都會影響到皮膚（都係身體舒適度果樣野 加心理作用）

Btw 蝦蟹牛鴨鵝呢啲毒野一早戒左，間唔中先食啲啲

我已經想死好耐

lm