啱啱造咗人生第一件成品, 有好多地方都做得好差...
想問下大家一啲技巧
1. 打斬時個底係咪要完全穿透? 定有少少窿位就得?
(因為我用硬膠板墊底好難打穿, 係咪要塊軟身墊板先得?)
2. 如果塊皮本身太厚想成塊削薄佢既話, 點做比較好?
3. 點樣令到塊皮軟身啲? 因為我整果個卡片套屈極都會自己彈返起
4. 用CMC前洗唔洗用砂紙磨咗一次先?
5. 我見有人話個皮邊要用封邊液磨, 但我照用CMC得唔得? (因為手頭上無)
>>另外分享下我整既流程, 希望大家可以比啲意見我等我下次可以整得好啲.
>>皮係淘寶既, 唔知係唔係唔識揀, 塊皮好厚(3mm)...
>>感覺上係買錯咗野, 佢似係做大型皮具用..
>>但唔買都買咗, 照試整咗個卡片套出黎...
https://item.taobao.com/item.htm?spm=a1z10.5-c-s.w4002-14938167372.19.lwXelJ&id=42786940022
流程如下:
1. 畫紙樣Cut皮
2. 皮面上少少油
3. 皮底/皮邊 用CMC磨平
4. 削少少邊 (要縫線既位置)..... 基本上係亂削, 最後個縫線位好核突...
5. 用間距規畫要縫線既地方然後打斬
6. 用膠水黐要縫線既地方
7. 膠水乾之後縫起佢
圖就唔POST喇, 太核突