[抛磚引玉]日本電影討論及分享

想問下日本果種角色一格格嘅poster係咪傳統嚟？ 好似從來都冇變過

Yes，一種風格，其中多數係時裝劇情片




中期少左，但好似近20年興復古已經用到濫哂，有哂Template

有冇巴打睇過？覺得點？

唔識欣賞

結他武士做武士即刻型到

各位我返來啦
呢次快閃台北除左要帶家人飲飲食食之外自己時間做左...

睇新海誠特展
(其實你的名字並唔係我頭號最愛, 反而係秒速+追逐繁星的孩子先係我最愛)

睇左呢四套戲 (順次序)
- https://www.youtube.com/watch?v=qBpbxL6fi0w
竟然係飛機度已經有得睇, 點知睇到中間要飛住睇
佢用插敘方式去講一個食譜的誕生, 想扭下橋, 但去左三分一已經估到玩乜, 二宮真係只係個配角, 好失望, 瀧田呢次真係失晒手

- https://www.youtube.com/watch?v=zheDxpS2xRE
Destiny唔駛介紹啦掛~
好好睇, 雖然好似散同有D設定係好撚屈機, 但山崎貴真係無令我失望, 之前嘅散係有鋪排嘅, 而睇完係感動嘅
而安藤櫻呢個死神真係好鬼正!
老實Destiny係極度適合香港上, 但可能個鳩個中晒與神同行毒唔敢上
我當晚睇2215細場, 但呢場爆晒, 而尋日台灣都講左過350萬台幣, 以呢個成績都上到新聞估計係淡左好耐先有得發圍)
https://stars.udn.com/star/story/10090/3023712?from=udn_ch1022cate10090_pulldownmenu

- https://www.youtube.com/watch?v=I1j9HHzKIjE
菅田將暉真係一個好勤力嘅演員, 更加係50年來首位男演員得到文部科學大臣新人賞
(同期文部科學大臣賞有黑澤清同永瀨正敏以《散步的侵略者》同《光》, 日劇有坂元裕二用《四重奏》劇本得獎)
戲係好好睇, 而菅田係接近片尾嘅差唔多10分鐘solo簡直係全片重點, 好睇到想喊

- https://www.youtube.com/watch?v=DKWX-c7d2ag
呢套係台灣朋友推薦俾我嘅(因為我唔打算睇冰菓 ) , 雖然係細片但陣容唔細, 係好典型嘅非常家庭片, 但整體表現滿意有意思, 首主題曲都幾好聽
想睇D另類少少嘅朋友呢套係可以嘅
最正係......我幾乎用左75蚊左右包左個場

不過最重要係我買左接近半打DVD返黎
包括有戀妻家宮本, 花與愛麗絲, 但都唔夠呢三隻令大家都流口水嘅....
https://www.youtube.com/watch?v=lwtGQp8CJCU
搵左幾間先有
https://www.youtube.com/watch?v=dyKsmtK0INI
野村萬齋老虎蟹都買
https://www.youtube.com/watch?v=sbWFvtNWwV0
上左唔夠2個月即可出碟
咁岩又係重松清

日影票房速報:
叮噹繼續第一 (下週應該會俾Remeber~me~稱霸)
吉永小百合新片一開波就第二
與你在那年冬天別離開話第五
坂道上的阿波羅都竟然有第8

可以

想睇下

今個星期香港上《愛・不由自主》

改左25號
星期六開始上《貓咪收集之家》

台灣真係外語片天堂 咩片都上咁濟

台灣真係外語片天堂 咩片都上咁濟

正常買片囉，係香港部部戲要諗過度過有冇觀眾睇，賺唔賺錢，圍唔圍到皮
我寧願片商買多細片B片幾十蚊入場笑下嗌下咪算

之前見台灣買咗套日本b片，叫蠱毒乜撚嘢，trailer已經瘋狂噴血cls

點解香港唔上當祈禱落幕時, 好想睇

不過9成會出碟既

人間碎肉機
不過睇完套野嘅人都話麻麻地
但B片來講睇完自己覺得爽就得, 我睇過喪爆電鋸美少女, 鳩得黎好好笑

台灣有間B級片發行暗光鳥專做B級片呀核突血腥喪屍片
(雖然90%都真係好爛但偶有佳作, 香港同類就係有線嘅Cine.P+驕陽, 好多驕陽都有出碟)

香港係一個眼光淺窄嘅地方, 淨係睇發行同D戲就知
一套戲外面紅就搶, A公司做一套戲得, B公司即刻copycat買同一類電影, 好快就玩爛個市
例如你的名字同煙花呢個系列, 結果煙花咩事大家知啦

最新嘅就係AFF已經上過嘅《夜短夢長, 少女前進吧》
套戲日本4月, 台灣7月, 香港如果唔係AFF同湯淺黎香港, 應該會藕到地老天荒先特別放映
唔知係咪因為星野源配音變左下個禮拜可以正場上, 正一屎忽鬼
不過最重要係, 日本已經係AFF開波之前兩日出左碟

時代劇香港唔係無人睇, 陣容好嘅點都會吸到人入場, 班J家飯同你包兩場都仲得
但你班發行(尤其最大果幾間)寧願play safe買D個個都衝入場睇嘅大垃圾都唔會研究下小眾品味
電影中心依家連大片都上, 要維皮但又無選擇
就算買D細野又鳩做, 好難叫人去睇; 有幾間細公司有心做但戲院又排D鳩時間, 係the grand先做到大善堂俾D好少少嘅時間佢 (頭先睇到新映個FB講一套戲點係戲院排片, 雖然唔係D咩新知識, 但起碼俾人知道下個運作模式都係一件公關好事)

睇完Destiny覺得香港係有能力上, 但根本無電影公司肯投資下, 個撚個覺得有與神同行就得

於是依家我係睇得到我又有興趣睇嘅日影我都會入場睇, 幾爛都好都睇, 一套戲上最怕唔係俾人屌, 最怕係連講都無人講

BTW, 今日行碟舖
嫲煩家族2 高登先終於出到港版碟
$79

可能先入為主，齋睇火花trailer覺得選角都係唔夠電視劇版好

片商唔係好捉到香港人口味

沖田修一新作，山崎努主演，樹木希林共演作品<モリのいる場所>發布預告片。故事講述著傳奇畫家熊谷守一30年幾乎不出門，在家創作的“仙人物語”山崎努時隔13年再度主演映畫加瀬亮、吉村界人、光石研、青木崇高、吹越満等共演東京國立近代美術館正在舉行熊谷守一的回顧展出有機會的朋友可以去看看。電影將於五月公映，目前內部試寫會口碑非常不錯年度期待的邦畫。

https://www.youtube.com/watch?v=j60fTJHgnKk

我睇咗電影班來講呢
我真心鍾意菅田

香港藝術中心開放日2018深宵節目 ── 電影放題夜



關於電影放題夜
於當晚的電影放題夜，我們會為您呈上分別由荻上直子和伊丹十三執導的電影 - 《海鷗食堂》（2005）和《蒲公英》（1985）。兩部電影風格各異，推出時間相差逾30年，卻不約而同以日本餐飲為題，藉經營者、食客、美食與人生四者的微妙關係，討論生活簡單平淡而幸福的本質、人性之食色性也，以及為原則而排除萬難的堅持，令人為之動容。電影裡的「吃」並不只為填飽肚子，而是一種儀式，反映我們對理想的付出和追求。我們早被訓練得精於生存，不如認真思索何謂生活？好品味是指嚮往高級餐廳的美食佳餚，還是用心小酌一杯清茶，細味那樸素不花巧的味道？

海鷗食堂
3月30日 | 下午9時

荻上直子 | 日本 | 2005 | 102 min | 彩色 | 35mm
日語對白，英文字幕

蒲公英 (數碼修復版)
3月31日 | 凌晨零時

伊丹十三| 日本 | 1985 | 120 min | 彩色 | DCP
日語對白，英文字幕

http://campaign.surfmanhk.com/hkac/2018/0314/hkac_tc.html

蒲公英
故事簡單有味，節奏爽脆，入面好多短劇有骨諷刺飲食文化
伊丹十三應該長命D
海鷗食堂冇睇