[抛磚引玉]日本電影討論及分享

好睇
安藤櫻堅好戲

永遠之公子松田優作

終於入左場睇22年後的告白
剪接同音樂／畫面效果都唔錯，反而個劇本唔係太出色
龍也演得好好

啱啱睇完套 明天，我會和昨天的你約會

真心覺得好睇 雖然一開波睇覺得係無乜主題嘅愛情片 到中期少少覺得愈黎愈怪 但睇到主角開始明白 了解發生咩事 同所有野嘅因由之後覺得依套野都有一個主旨

由期係當你明白到兩者嘅最後一日竟然係互相嘅第一日 個一刻 個種感動 悲傷嘅心情會慢慢出晒黎

一開波覺得女主好似個怪人 咩都知到晒 到中期愈黎愈覺得佢好恐怖 到後尾就明白點解佢會係一個「愛哭的人」

成套野好似一個首尾呼應咁 女主一開波講嘅野 到最後男主同第一次見面嘅女主講嘅野係相同 例如話自己都係好易喊嘅人 而且好特別嘅係你可以從兩種視覺去睇套戲 由頭開始睇嘅就係男主嘅時間線 由尾睇返上頭嘅就係女主嘅時間線

如果套野可以再比多啲思考空間啲觀眾 我諗會更加多人討論 例如係最後唔好加插返由女主時間線去描述嘅片段

整體黎講 又係一個日本經典嘅科幻愛情故

記錯 係。明天，我要和昨天的你約會

【明天…】套野我覺得好睇既，大前題係設定方面講估唔好駁估。

成套野我最唔明既，男主既然都知道了結局係點，
中段反而唔開心係完全不能理解。

你去玩，知道左行程，會唔會因為咁而唔開心？
唉呀，聽日我地去邊到玩啦，過左聽日以後都唔會再黎。
所以好唔開心，咁樣？
係唔開心都係玩完之後好傷感，而唔係一路嬲爆爆咁去玩嘛？

當然我明白開心完係會痛，但當你明白到呢 d 係"既定行程"，
點解唔係盡力去享受當下既快樂，去滿足自己同身邊既人？
呢點我一直都諗唔明。

男主自己有講過 話因為佢地之間嘅回憶 對男主黎講係過去 對女主黎講係未來 男主往往淨係得自己會記住昨日發生嘅事情而女主係未知 佢覺得咁樣好辛苦 因為好似一個人拍拖咁

因為套野係用男主時間線 所以淨係講男主嘅感受

但當男主係個洗衣店到慢慢諗深一層 其實自己依家所經歷嘅 雙方所刷話嘅時間線 大家會經歷到嘅都會一樣 無論到中段比男主發現左個秘密 到最後大家會愈黎愈陌生

仲有點解女主會喊 係因為男主嘅頭幾日 對女主黎講係最後幾日 佢唔忍心就咁拋棄佢 所以先去打電話比佢

無記憶呢個就應該要一早有覺悟啦。
家下又唔係第一日同你講越後佢越無記憶。
日記又寫左係咁，你又唔係唔知既，
唔去諗點樣去修正，去打破呢個宿命，
呢個好明顯係雙方都有責任喎。
(第一次覺得"宿命"呢個詞語係可以用得咁貼切 )

同樣講失去記憶，動畫【一週的朋友】我覺得個男主就正面同正常好多。
(電影未睇，唔講了)

至於唔開心，其實就雙方都有啦。
所以呢個我完全唔覺得意外，
個人黎講覺得最感動位係一頭一尾，
男女主都明白即使沒有所謂"明天"，
都會盡力去實現當日指定要發生既事，
係我覺得最 sad 既一件事。

唔係喎 男主係到中段先知女主同佢個時間線係相反喎

咁男主都係去到中段先開始覺得好有問題啫。

前段係覺得奇怪，但唔太在意既。
例如幅貼堂既畫，搬屋時既水煲水杯等。

去遊樂場嗰段應該係成段片既重心，
但我反而覺得係最大既問題所在。
問題就如我之前所講，
已知既問題無法扭轉，
但依然嬲爆爆咁去玩，
咁驚就咪去玩嘛。
呢段係我成套片最難理解既地方。

我諗男主係一時諗唔透女主原來係由未來黎而感迷惘 加上你啱啱拍拖無耐 先知原來你地昨日相處嘅回憶 對方係無印象 完全唔知 只有你自己會記得...一個人 所以男主先會咁嬲 因為佢好似一個人拍拖咁 佢只係一時諗唔明

好多字

有無link??

回漏左 -

男主混亂既時間我自己覺得太長，
長到好似係搵戲黎做咁(?)。
可能小說會好 d 掛？
不過應該有排都唔會睇，攤下先。

至於 link ... 好似一 search 就幾十個彈出黎。

還有「其後」的原聲大碟都值得一聽
由大師梅林茂編製
擅以曲融入戲中情景
尤其靜態鏡頭中
帶出獨特思緒
近作「一代宗師」配樂
可以說把王家衛鏡頭中的留白
化為音符
在觀眾心裏跌盪低徊

Marked

好似話特登增肥拍前段，之後又減番拍後段

大島渚的「戰場上的快樂聖誕」
描述戰俘營禁閉殘酷環境中
不同價值觀在壓迫的場景中
呈現各自態度
如Jack被關在營中
除努力求存外
還顧及他人
把自身燃燒至盡
而世野井的性取向
在外間不容
加上戰爭的扭曲
最後在戰俘營徹底壓抑下
自身茫然迷失
(Jack吻他最終變成駱駝背上最後一根稻草)
兩人的對比
恰似堅守信念和徹底迷失對照
而大島渚還涉及其他題目
影迷可從中尋找思考

D斷句
大島渚呢套本身創作意念就好勁，視野之闊係日本戲少有
戰爭題材完全冇拍國家元素，反而將故事擺係東西文化交錯既俘虜營
看似係GAY片但佢表達個種愛超越性別、身份、國家、種族、戰爭、法律、利益價值觀
其實我地又咪係體制之下既俘虜，何必用體制壓抑人性呢
音樂更加係神來之筆
不過個人都係鐘意走極端既大島渚《感官世界》《絞死刑》

like someone in love算唔算日本片
阿巴斯用日本演員喺日本拍咗個日本故事

呢套冇睇
但應該大部份人覺得唔係
可能基於參考主要製作公司？創作所具有既文化基礎？目標受眾？

終於睇完(定捱完 ?)【漫長的籍口】

感覺上，真係好漫長。
我好似一次過睇左三次【你的名字】咁上下時間。

對於 d 人介紹呢套片，係探討何謂傷心，
介紹文中，我引用其中一段：
【他不是不傷心，但他的傷心，
只是傷心為何自己會對太太的離世，
一點也不傷心。】呢段吸引左我去睇。

何惜睇到最尾，都完全感受唔到有講過呢樣野。
(OK 我認我水平比較差 )
睇咁耐，除左覺得男主好煩，好仆街外，
大部份既時間都只係演緊一個煩膠。

印象最深刻係男主由友人家中"逃走"，
臨上的士前既一番說話，但友人未及回應就已經關門走人。
雖然好深刻，不過比我既感覺係單純"疚由自取"。

嗯，可能我都係要睇多 d 日本電影先再黎重睇呢部吧。