因為一盒樂家杏仁糖，中咗風嘅婆婆同全家開年

爭一個字!!!
不過已經好勁

新年快樂啊巴打

婆婆遊戲好吸引
67 live 左

Lm待更
大家新年快樂

Lm

LM追故
樓主身體健康

新年快樂啊醬巴

多謝支持
身體健康好重要，最近真係好多人病
希望巴打你都身體健康

lm 新年快樂

（連登200正評加更）

記憶中，每年五舅父同河馬其實都有送禮習慣，不過大家都好少會即場拆禮物，所以我都唔知佢以往會送咩。

但係以佢嘅性格呢……我諗都不外乎嘉頓雜餅或者金莎。

嘉頓雜餅呢……我諗都未至於要爆頭死。

但係金莎呢……我諗我都係開定把遮先啦。

我見到婆婆雙手已經放咗喺份禮物嘅包裝紙上面，睇嚟佢就準備要打開啦……

除咗蒙在鼓裡嘅五舅父同河馬之外，我哋其他人全部都聚精會神咁望實事態發展，尤其是好努力咁嚼緊舊年糕嘅四姨媽。

紅色嘅包裝紙慢慢拆開。

一個金啡色嘅盒出現喺大家眼前。

望到盒上嘅名，我雙眼都突埋。

因為我完全無諗過，五舅父居然會送呢樣嘢。

「我哋就唔太識得買禮物，不過睇廣告講，中風之後食下靈芝會好得快啲，又成日見阿米雪姐賣廣告，所以就買咗呢盒五色靈芝嚟囉。」五舅父笑住咁講，表情之中又有一點愧疚，「以前我都激得你多喇，而家四十幾歲人咪扮下生性囉。」

「係吖，奶奶梨計住廿廿意射，射得多，腥體巧。」河馬從旁好親切抱一抱婆婆。

「好，有心。」只見婆婆滿意咁點一點頭，將呢盒五色靈芝放埋咗一邊。

而五舅父同河馬無咩大礙咁坐咗去我隔離，似乎仲未知自己已經逃過一劫。

老實講，咁多年嚟，無論聽我老豆老母，又或者其他親戚喺背後講，五舅父嘅風評一向麻麻。

所以，咁多年嚟，我內心都或多或少有啲睇唔起佢。

但係估唔到，呢下佢送嘅禮物，似乎已經係暫時全場最好嘅一份。

我不期然諗，呢班由細識到大嘅所謂「親威」，其實我又認識佢哋幾多呢？

「嘩，呢樹狗咩周喂多係紅色嘅？梨哋屋企油啲拱嘅扎俗禾都唔知。」河馬一坐低喺梳化，就望向我問。

「嗯……我諗我要用google translate先可以同到你傾計。」我低頭拎出手機，睇下可唔可以俾河馬將佢講緊嘅火星文打入去，如果唔係真係溝通唔到。

當我一拎手機出嚟，我突然醒起，係喎，其實仲可以用手機同其他人聯絡。

呢一刻，我諗起嘅人就係二舅父同二舅母。

佢兩個，算係一眾親戚當中，我相對親近嘅一對。

雖然大咗之後其實都無咩交流㗎喇，不過我對佢哋嘅印象係所有親戚之中最有禮貌、最少哂命，同埋最正常嘅一對。

我記得以前每次俾四姨媽或者仲未出現嘅三姨媽三姨丈串我讀唔好書嘅時候，二舅父都會出嚟幫手打完場或者拉開話題。

所以即使未稱得上熟，但係如果而家有生命危險，我覺得我有責任提下二舅父。

我好快手掃下自己嘅手機電話簿。

唉，67，原來我無Save二舅父電話。

估唔到識咗咁多年，原來電話都無。

好彩呢刻五舅父喺我隔離，我即刻細聲問佢拎咗二舅父電話。

成功拎到之後，我立即打電話俾佢。

「喂，新年快樂，請問邊位啊？」電話另一邊，傳嚟二舅父一貫有禮貌而緩慢嘅聲音。

「係我啊，健仔啊，你七妹個仔啊！」

「喂？喂？咩你阿媽個仔？請問邊位？」

「我啊，都話係七妹個仔阿健啊，你聽唔聽到啊二舅父？」

「七海健骼？咁沙嘅？收得好差喎。喂，係咪賣廣告啊？請問邊位啊？」

從二舅父把聲聽得出，似乎佢唔太聽到我講咩。

我將手機拎到眼前一睇，發現只係收得一格，而且連網絡都無埋。

我同時諗起，頭先四姨媽想向五舅父通水，但係個口就俾年糕塞住咗。

換言之，我手機打得咁差，肯定都係阿婆嘅控制。

所以而家呢一間屋嘅情況，簡直，就好似入咗結界咁樣......

（未完待續）

（連登300正評再加更，
又或者Penana達到50 likes 都會加更，
歡迎一次過做哂兩個任務，加速加到我連年都唔得閒拜）

Penana俾like連載link：
https://www.penana.com/story/173167

屌你老母冚家鏟故就標題講定啦

之前喺threads見到個萬聖節故係唔係無咗？

LM 好耐無見

點解？

百無禁忌啦

應該仲有㗎喎，不過可能沉咗落去

人在看絲

嘩幾年冇追過故 都唔記得左以前成日追……


LMLM

LM

（連登300正評加更）

話口未完，大門再次傳嚟敲門聲。

屋內只剩低大家嘅呼吸聲，睇嚟大家都好緊張到底下一個入嚟嘅會係咩人。

屋內嘅沉寂，令屋外嘅聲音好容易就傳咗入嚟。

「嗱，一陣入屋叫哂人先知唔知道？如果唔係大舅父同四姨媽肯定又會話你哋無禮貌㗎啦。」

「仲有啊，洗唔洗練多次先？」

「唔洗。」「唔洗。」

「嗱，你哋唔好出醜啊，一陣背錯咗呢，今晚翻到去你哋唔洗旨意有機打啊。」

「知道。」「知道。」