因為一盒樂家杏仁糖，中咗風嘅婆婆同全家開年

七兄弟姊妹代表七宗罪？

傲慢 = 大舅父
嫉妒 = 三姨媽
憤怒 = 二舅父
怠惰 = ？
貪婪 = 六舅父
暴食 = 五舅父
色慾 = ？

表姐話quit game應該係離開呢個結界

呢啲都係得啖笑嘅鳩故，唔好諗多咗

色慾=阿婆
咸濕先生咁多件

阿公先啱

宣布定
今晚休一休息
明早補更

得老母有得講晒想講既先爆頭

「中狀元，救老母，時間啱啱好。」個腦自動有梁朝偉把聲

樓主係咪同我哋有時差？次次話朝早就變晏晝；中午放飯就變咗晏晝放工

呢個諗法好勁
雖然，我真係無咁諗

係我老細同我有時差
每次我以為我有時間嘅時候，佢就會俾嘢我做

（補23/2更）

「你首歌錯咗喇。『救老母』？我老母死咗喇！」一提起老母，我即刻諗起無耐前喺我面前爆頭死嘅老母，心情即刻從驚訝變翻激動。

「哦，唔好意思唔好意思。改翻改翻。」單飛行翻出門口，閂翻好道門。

佢重新「碰」一聲將門推開，然後大聲唱：「中狀元，死老母，時間啱啱好！」

唱完，佢仲望住我笑一笑：「點啊？改咗有冇好少少？」

「真係唔該哂你。」我發現自己經歷漫長嘅一日之後，已經無咁好氣答佢。

單飛見我唔應佢，佢就自己走咗入嚟。

佢一走近，我先睇到佢成身污穢，好似跌過入垃圾桶咁樣；

而且再行近少少，我聞到佢一身酸臭，就好似平時喺街有垃圾車經過會發出嘅味道咁。

「嘩，你搞咩？去完堆填區啊？」我暫時放低內心嘅哀傷問。

「唔係，不過都差唔多。」單飛一邊講，一邊從二舅父頭上拎翻把劍出嚟。
二舅父立即倒地而死，但係單飛就好似無乜所謂，隨隨便便就收起咗把劍。

「你記唔記得頭先我話，有兩件事我要查下？」

「嗯。你話隔離屋可能有問題，同埋想知到底係咩人引致到我阿婆會俾鬼上身。」我點頭。

「好記性！」單飛伸出一隻手指公讚我，「因為我一直都覺得你隔離屋有一陣好強嘅怨氣，所以我頭先就去一去咗你隔離屋望下。喺門口，我見到有好多新嘅告示提醒你隔離屋半夜唔好行嚟行去，同埋唔好再執垃圾發出惡臭，當時我已經有心理準備，屋內環境唔會好得去邊。哈，一打開間屋企門，垃圾、雜物、堆積如山就唔洗講。但係最出乎意料之外嘅係，」單飛表情突然凝重，「我見到一具屍體。」

「屍體？」我發出疑問，但係語氣並唔係太過驚訝，可能係因為今日已經見得太多。

「嗯。有一個滿頭長白髮嘅阿伯，倒頭仆咗喺地上度無哂聲氣。我見到地上有好多乾咗嘅血，而且阿伯嘅屍身亦都已經開始腐爛，睇怕死咗都有四五日。呢樣嘢解釋咗點解間屋外面都會聞到臭味。從現場環境睇嚟，佢係俾自己屋企太多雜物棘親跌落地下撞親頭致死。」單飛無奈咁解釋。

「但係佢門口唔係有人投訴佢半夜出門口行嚟行去咩……啊！唔通佢變咗……？」我好似諗通咗啲嘢。

「無錯，因為係死得孤獨，所以佢嘅怨氣令佢變成輪迴塵間的人，揮之不能。簡單嚟講，就係無主孤魂。我諗佢之所以咁大怨氣，係因為佢屋企一張全家幅。我見到佢其實係有三個仔女，不過似乎佢哋都再無同佢聯絡，所以佢先會變成獨居老人，死咗都無人知。」

「咦！咁即係真相只有一個，謎底已經解開。」我恍然大悟，「即係話，呢個無主孤魂就係怨氣強大到強行上咗阿婆身，然後因為佢無家人，所以就專登過嚟要我哋玩埋哂呢啲死亡遊戲，要我哋呢啲有親戚嘅人自相殘殺！」

「出色，精彩！」單飛俾掌聲我，但隨即搖頭，「不過內容全錯。」

「咩啊？即係點啊？」我再次陷入不解。

「係，佢係怨氣大。但係正如我之前所講，一個外來嘅魂魄要強行上一個活人嘅身，首先魂魄嘅能力要好強大，又或者活人容許佢咁做。而你隔離屋呢個只不過係普通嘅遊魂，所以未至於可以做到呢個程度。亦都係因為咁，我頭先入咗去同佢打咗幾嘢，渡化纏繞的半生，令佢可以隨落葉生根，毋用來悲忿。」單飛雖然講得輕鬆，但係從佢一身污跡同埋臭氣嚟睇，應該都唔只係「打咗幾嘢」咁簡單。

「咁如果唔係隔離屋，仲有咩可能會令到婆婆俾鬼上身？」我好奇咁望向婆婆。

呢個時候，我先發現一直喺旁邊嘅婆婆正喺度用陰森嘅目光，一言不發咁望住我同單飛。

可能係因為婆婆目光太過嚇人，我呢個時候先發現，從單飛入屋去到同我傾計，佢都完全無加以阻止。

唔單止係咁，就算之前我同單飛傾電話，婆婆亦都一樣完全無攔阻。

因為照計今日所有發生嘅事，婆婆一睇唔過眼，肯定會立即出手。

但係單飛某程度上都係一個嚟對付佢嘅人，到底點解佢會任由單飛行動呢？

我將內心嘅疑問向單飛提出，單飛笑咗一笑，望向婆婆講：「呢樣嘢，不如交翻俾主人家講。」

婆婆聽到，好憤怒咁樣拍落張枱，企咗起身指住單飛：「𡃁仔，唔好咁得戚啊。」

「唔係得戚，只係大家應該都明白，就算呢度係你嘅地頭，你嘅結界，但係以你嘅能力，睇怕都耐我唔何。」單飛漫不經心咁樣鬆一鬆膊頭。

「我由得你，只係我想搞掂哂我想做嘅嘢。而家既然人都死哂，我就可以放心對付你。𡃁仔，我以一敵百、打日本仔嗰時你都未出世啊。」婆婆逐步走近我同單飛，佢嘅一頭白髮慢慢飄起，目露兇光，我感覺到佢身上慢慢滲透緊一種同之前完全唔同嘅氣勢。

可能，呢一種氣勢，就係殺氣。

「啪」，單飛一手熄咗側邊部風扇，婆婆啲頭髮即刻垂翻落嚟。

「無錯，你打仗嘅時候我當然未出世啦。不過，而家世界變咗咁多，你咁早出世，反而未必識喎。」單飛講到呢度，微笑咁望住婆婆：「說話係咪咁講啊，伯伯？」

咪住先。

伯伯？

（未完待續）

＝＝＝
下個加更目標：1200正評
Penana 加更目標：1000 likes
Penana連載link：https://www.penana.com/story/173167

最後留低埋樓主IG，大家有興趣可以去嗰邊催迫樓主加更，仲有得睇埋其他故事相關嘅嘢，IG限定㗎
IG : windblowssilently
https://www.instagram.com/windblowssilently/

默颺讀者交流TG group（快啲入嚟討論劇情同掌握故事更新消息！）：https://t.me/+jD_eY63Yb5I0MmQ1

居然係阿公

用埋啲歌詞好盞鬼

差啲以為係呀婆自己上自己身

啲人真係死哂？

原來係呀公
睇嚟大家都估錯晒

二舅父都死埋

原來係阿公唔怪得阿婆比佢上身

btw 樓主今晚仲會唔會有呢？

唔係㗎，我記得一開始有巴打曾經估過

有，不過要夜少少

等睇大結局