因為一盒樂家杏仁糖，中咗風嘅婆婆同全家開年

「大佬，其實我都已經飲咗成七八樽。」我搖哂頭。

「啊仔，老豆咁嘅年紀唔可以咁補㗎，身體承受唔住㗎，再咁樣落去，呀我應該都會全身爆裂而死。」老豆一邊講，一邊流出咗兩行鼻血，睇嚟佢真係已經進入咗虛不受補嘅狀態。

「啊仔，幫吓老豆啦，你而家青春期，頂得住嘅，飲多兩支都唔怕。」阿媽同樣流住兩行鼻血同我講。

佢兩個人一邊流鼻血，一邊係咁講嘢說服我。

我望住枱上面剩返八樽滴雞精，再望住老豆老母啲鼻血好似幻彩詠香江咁樣喺我面前噴來噴去。

唔知點解，我個腦入面閃過頭先婆婆講嘢嘅表情。

孝順。

呢兩個字閃過我個大腦。

雖然呢兩個字係好老土，而且我老豆老母有時真係好衰，但係佢哋再衰都好，我都覺得佢哋值得我嘅孝順。

我好肯定咁點一點頭，每隻手攞起咗一樽滴雞精。

嚟啦，死就死啦。

最多三年唔食KFC嘅啫。

兩樽滴雞精同時衝入我個嘴。

嗰種濃郁又複雜又腥臭嘅口感，我都唔知自己飲緊啲咩。

喺我模糊嘅意識當中，我淨係見到一堆雞喺我嘅頭上面不斷轉圈。

「阿仔，我哋支持你。」老母講咗一句，望一望老豆，然後各自再攞起咗一樽滴雞精。

「冇錯，一家人，齊上齊落。」老豆亢奮咁樣講，將佢啲鼻血全部噴晒落我塊面同埋我個口度。

撇除有啲核突之外，不過望住佢哋兩個一齊將樽滴雞精對入個口度，其實又真係有啲感動嘅。

同一時間，五舅父已經從廚房嗰度拎咗一大個煲出嚟。

睇嚟12個鮑魚麵已經煮好，佢同河馬都準備好追上嚟。

大舅父同埋大舅母食曲奇餅嘅進度就唔算太好，目前都只係食緊藍罐曲奇上層嘅一半。

最後到四姨媽，枱上面大概有三十幾張糖紙，睇得出佢成個口都塞滿晒啲糖，但係距離要清晒成罐，應該都仲有一段距離。

從我哋咁多家人嘅表現睇起上嚟，到底最後死嘅係邊一家人，似乎都仲未有定案。

不過，從大家搏晒老命咁樣食嘅狀態睇起上嚟，死者將會好快出現⋯⋯

（未完待續）

＝ ＝ ＝
因為琴日無出文，今日出長少少俾大家～
再次多謝每位為我送上生日祝福嘅大家～
其實個故只係短篇，所以呢，我諗初十五之前應該就會完
歡迎大家可以落力俾正評/去Penana度俾like加速

下個加更目標：1000正評
Penana 加更目標：200 likes
Penana連載link：https://www.penana.com/story/173167

最後留低埋樓主IG，大家有興趣可以去嗰邊催迫樓主加更，仲有得睇埋其他故事相關嘅嘢，IG限定㗎
IG : windblowssilently
https://www.instagram.com/windblowssilently/

默颺讀者交流TG group（快啲入嚟討論劇情同掌握故事更新消息！）：https://t.me/+jD_eY63Yb5I0MmQ1

笑左
真心好睇

睇個勢係主角飲完仲有嘢會做

飲8枝雞精會噴鼻血咁補

滴雞精好難飲咩，我耐唔耐都飲兩包

我都覺滴雞精唔難飲，濃縮雞湯咁
樓主形容緊嘅感覺似傳統雞精

四姨媽可唔可以將成罐糖倒落水，煲到溶晒一次過飲？

四姨媽好慘，先唔講自己單拖應戰~
起碼份賀禮，啱阿婆口味，食哂，點知現在要咁樣食瑞士糖...

感覺四姨媽暫時算係咁，禮物ok，又早到。
希望佢可以生還~

煮溶都會好杰，糖漿咁

溝水再溝水

到時中水毒死埋~

唔識河馬文，求翻譯
「正呀，貢罌禾kai屎拖喎啦。」
「正呀，咁啱我_ _ _ _ _」

開始肚餓啦

突然諗到有個位有少少奇怪
根據主角嘅認識，二舅父係好清楚婆婆鐘意乜，同埋每次都會認真揀禮物
點解係佢送嘅禮物入面會有瑞士糖呢樣阿婆會唔食嘅野架呢

諗起都覺得恐怖

問得好，之後會解釋，果然好細心

[...所以連埋我阿媽在內嘅七個仔女全部都係由阿婆一手養大...]

感謝翻譯~

會唔會講返四姨媽送咗乜野

大家都似乎好感興趣

係… 有d 同情佢，一開頭覺得佢好黑人憎， 但係其實好似二舅父咁講， 佢成日提住個仔都係因為冇安全感姐孤零零一個人，提吓個仔個心先舒服d ，諗吓都覺得佢好慘

唔知今晚有冇故睇