【旺角消失】一覺睡醒，沒人記得旺角這個地方【2】

唔知會唔會有人選擇原諒冬彌

但我唔會

HomeLess巴

可唔可以分享吓點解？

係我自己問題

我成世人最憎偽善既人

冬彌喺前面嘅劇情，好幾次都好似打算剖白，譬如喺圖書館不斷道歉、喺校園講述牙琦跌落草叢、喺海貴苑無故自責。但到最後，即使同牙琦共處咗幾年，一直都冇講出真相，只係做個「好人」，以為咁樣可以消解自己犯下嘅罪咎感。

當犯咗無可彌補嘅錯誤，欺騙自己與他人，表面上係最容易嘅事，但實際上對對方嘅傷害、對自己嘅折磨，都係好深遠。

你哋覺得牙琦睇完信，會有咩感受？憤恨？悲傷？無奈？

雖然知道左冬彌一直隱瞞既野，但另一方面又唔知自己忘記左啲乜野，會唔會係自己做左啲咩先會令件事咁樣發展

個腦空白左

彌b沒有錯

巴打觀察好細膩

由始至終，冬彌都冇提及，到底牙琦係做咗乜嘢
到底係乜？與家姐有冇關係？定係其實由始至終佢乜都冇做過？

呢個謎團，一直困擾住牙琦，可能到結局先會揭曉
你哋覺得係乜？

點解巴打咁諗？

等我聽吓支持彌B嘅睇法

我只係想講下呢句

我比較想知清道夫，點解教主佢地好似好輕鬆就走左

教主、狼等角色，從聖殿起已經展現非一般嘅能力，如果係一般人根本做唔到呢種程度。

而清道夫嘅行動模式，仍然值得探索，佢哋嘅行動彷彿有特定目標咁

冬彌錯咗喺邊佢想去温哥華同佢老豆放火都冇直接關係，仲有主角跌落街又唔係佢推嘅，佢攬晒上身做乜鳩

一推再推先

下面係阿夢根據目前劇情，可以分享嘅諗法：

有啲人就係會咁樣，明明件事並非自己直接造成，自己亦冇咁嘅意圖，但當造成無可挽回嘅後果後，為咗填補呢種缺失感，都係會搵啲對象嚟歸咎，從而好過一啲。

有啲人會歸咎於他人，而冬彌呢種完美主義者就選擇咗歸咎自己。佢覺得每一次嘅錯誤，不論係父親發狂、留同學喺班房、羽琦發生意外，都係自己冇做到最好而導致。話係咪佢錯又好似唔係，但佢會覺得明明可以做好啲，所以冇做到最好就係佢犯下最大嘅錯。

至於同唔同意，阿夢留畀讀者們一齊思考討論

多謝一直推po！
就嚟到一半劇情喇！

乜間學校啲學生咁乖架咩 班長話唔準走就唔走

呢個係好問題，

我覺得好視乎班長係大家眼中嘅形象如何。根據牙琦憶述，冬彌係被全班捧上天嘅模範生，大家當佢係家姐咁依賴，所以若果喺呢個時候，冬彌挺身而出提出建議，大部分人對佢嘅信任、尊重係強烈，喺羊群效應之下留喺原地係唔奇。

另一原因係喺異常嘅危機之下，充滿不確定性嘅威脅，係可以令好多人失去做決定嘅能力。呢個時候，佢哋反而會將決定權交畀強人，而冬彌就可能係佢哋可以寄託嘅對象。

不過到底係咪真係咁呢？可能冬彌根本自己諗多咗，其實班中係有人自己離開咗，又或者留喺班中係每個人自己做嘅決定，而非因為冬彌嘅命令而留低。有頗大可能，係冬彌已經慣性將所有不幸事情，都歸咎喺自己身上，甚至為求此目的而扭曲記憶中嘅真實。可能已經形成一種病態。

做唔到決定果時推個人出黎話事，但衰左之後就會怪佢
人性～

不過好明冬彌由細到大嘅生活環境令到佢諗埋一邊
其實佢老豆放火根本同佢冇關
但佢長期受到老母嘅言論，令到佢覺得自己真係做咩都錯咁
希望佢將來可以擺脫到依個枷鎖

完全係呀，將重要決定交託他人，表面上係好划算，因為成功咗嘅自己不勞而獲，失敗咗嘅就有人可以歸咎。當然啦，可能故事嘅情況唔係咁，冬彌冇提及過有同學責怪佢，可能由頭到尾都只係佢責任感、自責傾向過剩，導致如此折磨

冬彌本身應該係比較大膽、富冒險精神、活力四射嘅細路女，不過係經過呢一切之後，創傷令佢變得規規矩矩、唔敢冒險，諗住咁樣就唔會再連累他人，點知都係出事（佢視之為自己造成）

佢真係需要有人提醒，甚至係拯救佢

推到75正皮加更