【重甜】【明就明 唔明就黎明】《XG快落》(7)

等等先！唔係喎！萬一係因為被囚禁喺呢度做苦工做得太耐...做到個人都殘晒...虛弱晒...

係喎！咁咪唔可以單憑外表就認得出囉！

咁就麻煩！

雖然晴晴尋晚都話，唔好諗住可以喺呢度裡面同Y.B.成員匯合...夾計...

因為除咗啲苦工之外，都有唔少獄卒睇住我哋...

個個都係大大隻隻...又係兇神惡殺咁...

就算俾我知道邊個係Y.B.成員，都冇時間又冇機會俾我哋交代個計劃...

睇嚟都係要靠自己...同時都睇呢度嘅Y.B.成員執生...

晴晴話過㗎嘛！Y.B.成員都好醒！一有咩機會都會識得立即把握！

當我行到過嚟一條輸送帶...

「跟住做！」後面嘅獄卒推我埋位！「好似隔籬嗰個咁！跟住包！」

一睇...係包裝工作...

「快撚啲呀！」獄卒一手拍落我個頭！

『哎呀...』我摸摸自己個頭，『係係...』

做咪做囉...唔使郁手郁腳嘅...

我都跟住身邊個女仔咁做...包裝...包裝...

話難就唔難嘅...都係啲好機械式咁...包裝...包裝...不停咁包裝...

而且受佛洛影響之下...應該要顯得易上手...

佛洛...其中一樣大嘅影響就係...對習慣好敏感...

習慣嘅敏感程度提升好幾百倍...習慣好易習慣...依懶習慣...唔想改變...

同樣對啲習慣性嘅工作會特別容易上手...

呢樣都係為咗訓練返我哋習慣...所以就強迫我哋勞動...不停做呢啲機械式工作...

點解我會咁清楚？因為呢啲都係尋晚傾計劃嘅時候，晴晴話我知...

跟住咁做...好快已經上晒手！

基本上已經唔使專心咁做！可以好分心咁，繼續觀察四周！

都仲係有勁多獄卒看守住我哋！監督住我哋工作！

而牆身都唔見有鐘！睇唔到時間！

都預咗㗎喇！時間呢樣嘢，都係要靠自己去感覺...推算...

由“入境”開始計...嚟到呢個工場做嘢...做到而家...大約過咗幾耐？

大約...應該有一個鐘...

一個鐘...仲有排...

晴晴話過呢段時間，要好好咁喺腦裡面模擬個情況！

要將記咗入腦嘅平面地圖，加上現場環境立體化呈現出嚟！

我都好努力呢...不停咁諗！邊做苦工邊諗！

然後就到咗...

「所有人放低手上嘅工作！」獄卒大嗌！「排好隊！」

我哋成班就好似冇腦嘅機械人咁...乖乖排好隊！

又跟住咁行！離開工場！

呢條通道...喺地圖上嘅位置應該係...

行過每一個路口...每一個閘口...盡量推斷...又好好記住啲路...一路行...一路跟返住尋晚傾好嘅計劃！

然後我哋就嚟到飯堂！

冇錯！醫飽個肚先係最重要！

大家都排住隊行去攞飯！搵返個位坐！

望住啲飯餸...都唔係啲咩好食嘅嘢㗎喇～不過都好彩總算叫做係稀粥...又有菜頭菜尾...

不過都夠㗎喇！只要食晒啲稀粥...菜頭菜尾...有返啲力氣...

再配合返啲時間...冇錯！我要食飽啲！跟住計劃嘅話...一定要食飽有氣力！

呢樣都係點解仲有時間...而唔係一入到嚟就立即行動！

食飽啲！咁先有氣力！氣力係最重要！

縱使係好難食...好撚難食！啲稀粥啲色怪怪地嘅！啲菜頭菜尾又苦嘅！

仲難食過新哥煮嗰啲！

身邊啲人都食到皺晒眉！食唔落咁！

佢哋唔係都受佛洛影響...幻覺啲嘢好好食㗎咩？

唔係唔係！應該係咁...佢哋都仲係受幻覺影響...不過個幻覺係去到外國俾人勞役啲嘢都唔慌會好食！

冇錯！就係咁...要灌輸外面嘅世界都係好撚恐怖嘅錯誤思想俾有異心嘅人！

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 14－拯救行動] PART 04

食咗只有半個鐘，總算叫有嘢落肚...

「排隊！」獄卒已經急住要我哋排隊！「快！係唔係想死吖？！」

已經將[Day 14－拯救行動] PART 03 Upload上Penana

入面又無槍，點搞呢

仲要咁多獄卒 個個都大大隻隻兇神惡殺

有拳頭

飛揚就瘦掹掹咁

飛揚：打交唔係靠腹肌，睇我一拳一個

係睇飛揚點比人一拳一個
人地一拳打到佢訓低再起返身
再訓低過

當飛揚j咁打

飛揚軟淋淋咁
幾好打

打落好c伏