【重甜】【明就明 唔明就黎明】《XG快落》(7)

上回講到綽廷同晴晴都要分開入境！
在場所有職員明顯都係公務員！佢哋唔受佛洛影響！仲會同防毒面具人溝通！
繼續扮唔知...扮睇唔到...
綽廷俾職員問長問短！
綽廷都係答好想出去見識啦～開始厭惡自己國家啦～
然後綽廷同晴晴都好成功咁入境！
所謂嘅入境，其實係入監倉！
一來要俾啲有異心嘅人誤以為外國都係賣豬仔！等出返嚟又可以幫手宣傳外國幾咁恐怖！
二來就入去做苦工！
綽廷一路都扮驚驚！唔好俾啲職員發現有異樣！
唔使幾耐，綽廷就同一大班人被押到入一大間房！
身後嘅制服職員用力一推綽廷背脊：「快啲換衫！」
『哦哦...』綽廷腳步浮浮咁行入去...
成間房都有唔少人喺度換緊衫！
有男有女！仲有唔少制服職員看守住佢哋！
係更衣室...綽廷都係快啲搵返個位換衫先！
雖然話有男有女...一齊換...但其實都冇乜好睇！
鬼咩啲女瘦到皮包骨咁！冇波都唔多講...仲要污糟邋遢！
好似綽廷身邊嗰個女人咁咋嘛...個身仲要臭嘅！
睇佢個樣咁鬼驚...想喊想喊咁...
綽廷都係唔好理人咁多！
其實最主要都係睇吓晴晴喺唔喺度...
但好明顯就唔見晴晴嘅身影！
晴晴都應該喺另一個倉換緊衫...咁咪俾人睇蝕晒？！
蝕唔蝕都好啦...最重要嘅都係...佢哋果然分配去唔同嘅倉！
跟住既劇情發展又會係點呢？



準備出文