【重甜】【明就明 唔明就黎明】《XG快落》(7)

上回講到大家都好早瞓醒！要出發喇！
出發去邊？離開個樹林先！
由未天光行到黎明來到！又行到日出！終於行出樹林！
喺日久失修嘅馬路上繼續行！要行去邊呢又？
好快就知㗎喇！
晴晴睇住部電話行！終於就行到嚟一個廢車場！
真係俾晴晴估中咗呢大塊空地係廢車場嚟嘅！
嚟廢車場做乜？搵車喎！
得唔得㗎？郁唔郁到㗎？
晴晴就搵咗架同尋日同款嘅警車！
著唔著到㗎？上車試咗先啦～
「快啲試吓！」晴晴推推綽廷！再推推佢！「快啲試吓著唔著到啦！」
『哦哦哦...』綽廷就只好試試撳個“Engine Start”...
“吱...吱...吱！”又真係撻得著喎！
晴晴向住大細孖同惠惠招招手：「上車上車～」
大家都趕快上車！坐穩之後...
「喂喂快啲開車啦！」晴晴指住上面！「嚟緊喇！」
綽廷抬頭一望！就望到個夾好似移緊埋嚟！
雖然唔知會唔會咁唔好彩，真係想夾佢哋架車啦！都係快啲開車走人先啦！
“吱！吱～”綽廷一俾油再扭個靚軚！成架警車就飛住咁走出廢車場！
「真係好彩！」晴晴點點頭，「架車好掂吖～」
『係囉...架車咁掂都要拎嚟劏...』嘥唔嘥啲吖？
「係咁㗎啦～」晴晴再點點頭，「佢哋就係咁浪費～好少問題都會唔要～那怕只係張凳花咗～都會買過架新車～所以我先可以咁肯定喺廢車場搵到郁得嘅車姐～」
哦...原來一切都喺晴晴嘅股掌之中...（暫時...）
跟住既劇情發展又會係點呢？



準備出文

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～