【重甜】【明就明唔明就黎明】《XG快落》(7)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

41樓大王 2024-10-17 12:43:24

唔知仲以為飛揚不舉
揚萎

揸𨋢人2.0 2024-10-17 12:43:37

依家補返

飛揚 2024-10-17 12:59:27

明明係又粗又長又硬直一直勁大碌真心正

飛揚 2024-10-17 12:59:54

而家補又好危險喎

熱檸茶走冰 2024-10-17 18:39:57

飛揚 2024-10-17 18:58:57

飛揚 2024-10-17 19:00:09

上回講到架車衝落山！剎唔停又打晒轉咁！
會唔會死人㗎？！
都衝到勁落！然後撞樹先停到！
好彩嘅係有安全系統！啲氣袋救咗佢哋！
大家都冇事咁行返出車！國安嘅裝甲車就停晒喺上面！
都係快啲行入樹林！走遠啲！
扶傷帶幼咁走到勁入！走到去見到個湖！
大孖唔係好頂得順！要幫佢拎返啲子彈出嚟先！
綽廷搵到個急救包，細孖就幫大孖開刀拎子彈！
使唔使搵啲嘢俾佢咬住吖？
大孖二話不說就拎咗綽廷隻手臂嚟咬！
大孖都咬到好大力！綽廷係好痛嘅...但睇到佢咁痛苦嘅樣...綽廷心痛多啲囉...
好唔易容先將另一粒子彈都拎埋出嚟...
再消消毒...聯埋針...再消消毒...包紮好...
大孖終於都肯鬆開口...抖抖...
『冇事㗎嘛佢？』見大孖仲係面青口唇白咁...
「冇事嘅...」細孖幫大孖抹抹汗，「只要唔發燒嘅話...」
『發燒吖...』綽廷喺個大袋摷摷，『有退燒藥喎...』
大細孖冷眼咁打量住綽廷手上包退燒藥：「你頭先又話冇？！」
『吓吓？』綽廷有話冇退燒藥咩？
「冇麻醉藥吖！」細孖一手搶走綽廷包退燒藥！「有止痛藥都唔使咁痛呀嘛！」
『吓...呢啲唔係得退燒...』綽廷都未講完...
「止痛退燒呀！」細孖餵大孖食兩粒，「你真係唔識㗎喎！」
吓？好似係喎又...
「唉...」大孖食兩粒藥都擰擰頭...
做咩姐...唔使咁吖化...話晒頭先綽廷都俾你咬啦...咬到啲牙印勁深咁！差啲出血喇！
跟住既劇情發展又會係點呢？

準備出文

飛揚 2024-10-17 19:00:27

[Day 13－背後匕首] PART 04

『咁...你哋喺度抖抖先OK？』我望望湖嗰邊，『我...去睇睇晴晴佢哋？』

「OK...OK...」大細孖都點點頭...

我就行去湖嗰邊，就見到惠惠同晴晴都坐喺湖邊嘅沙灘上。

我就坐到嚟惠惠身邊：『好靚吖呵？』

望住個湖景...

「嗯嗯～」惠惠帶住天真無邪嘅微笑點點頭～

真係好靚呢～

水清到可以見到湖底～個湖勁大又有勁多小島喺中間～四面都俾綠色嘅樹林包圍住～今日仲要天朗氣清～陽光普照～仲有雀鳥喺天空中飛過～

山明水秀～鳥語花香～

飛揚 2024-10-17 19:01:35

『估唔到...』我吸一大啖新鮮空氣，『仲會有咁美麗嘅景色呢～』

「嗯～」晴晴都帶住微笑點點頭，「離得市區越遠...越偏遠嘅郊區...景色就越靚～」

『嗯嗯～的確～的確～』雖然我就唔知呢度離市區確實係有幾遠...

「離開邪惡嘅核心越遠...」晴晴望住美麗嘅景色，「越美麗...」

咁講會唔會有啲大煞風景？

『啱嘅...離開邪惡嘅核心...』就算係大煞風景，都係事實...

「之但係...當邪惡嘅魔爪伸展到嘅地方...」晴晴向住個湖伸出左手，「都係寸草不生...」

惠惠一頭問號咁望住晴晴～

飛揚 2024-10-17 19:02:11

唔明都好正常嘅...惠惠仲細吖嘛～

咁細個就要經歷生死...

係吖...啱啱頭先大難不死...算好彩～

有冇得再好彩啲？

有冇得...以後都唔使俾邪惡嘅魔爪追殺呢？

“咕咕...”惠惠摸住個肚仔...

『肚仔餓？』我摸摸惠惠把秀髮～

「嗯嗯...」惠惠扁扁地嘴咁點點頭...

晴晴一起身：「咁睇吓有冇嘢食啦～」

飛揚 2024-10-17 19:03:04

『袋就唔使搵喇...』我望住一個個大袋，『頭先睇過，都係得啲子彈槍同少量急救用品...』

「咁吖...」晴晴皺皺眉...諗一諗...

『或者搵吓有冇生果嗰啲啦～』我橫視樹林，『呢度咁多樹...話唔定會有果樹嘅～』

「嗯...」晴晴點點頭，「唯有係咁啦～」

拖住惠惠行去大細孖身邊...

晴晴摸摸惠惠把秀髮：「乖乖地幫晴晴姐姐照顧兩位大姐姐喇～」

「嗯！」惠惠好用力咁點頭！

我都向大細孖點點頭...

「小心喇～」大細孖都同我哋揮揮手後...

我同晴晴就去搵有冇果樹。

飛揚 2024-10-17 19:03:50

行入樹林，啲樹真係好鬼高！

究竟要用幾多年，先生到咁大棵樹呢？

樹大都冇用...要果樹！果樹！

晴晴行去樹根睇睇：「唔...呢啲菇唔食得...」

『嗯？』我都踎低睇清楚...七彩繽紛嘅野菇，『你識分㗎？』

「都識啲嘅～」晴晴點點頭，「呢啲咁鮮艷嘅，好明顯就有毒啦～」

『嗯...』我都點點頭，『越鮮艷嘅就越危險係咪？』

「你終於都有返啲Sense喇～」晴晴拍拍我膊頭，繼續向前行。

係唔係想話我遲鈍？直接啲講都可以㗎喎...

飛揚 2024-10-17 19:04:58

繼續喺樹林裡面行，靠住晴晴對菇類嘅認識，都採集咗少少食得嘅菇咁啦...

但份量就一定唔夠㗎喇！仲要繼續搵...

『係呢...國安會唔會派人搵我哋出嚟吖喇？』其實呢樣係我最擔心！

雖然話就話我哋都走到幾遠...但如果佢哋真係有心搵...唔肯放過我哋...

「唔會。」晴晴都幾肯定咁擰擰頭。

『點解咁肯定呢？』唔好估估吓喇...講清楚啲啦！

「要喺咁大個森林搵我哋出嚟...比想像中難啦～」晴晴好有信心咁點點頭。

比想像中難？

我覺得比想像中容易得多喎！

我哋嘅敵人幾咁強大先得㗎！

我仲認知到我哋面對強大嘅敵人...係幾咁渺小！

飛揚 2024-10-17 19:05:42

「重點係...」晴晴指住棵大樹，「有果吖！有果吖！」

『係...』我望上棵大樹，『大樹菠蘿？』

「大樹菠蘿？」晴晴都睇清楚啲，「係喎係喎！係大樹菠蘿喎！今次掂喇！今次掂喇！」

『掂係掂...不過咁高...』成兩三層樓高喎...

「你爬上去咪得囉！」晴晴推推我！

『吓？我爬上去？』好明顯就唔得啦！

「係吖！得啦！你爬上去啦！」晴晴繼續推推我！「唔係嘅話我哋咁多個都餓死㗎喇！」

唔爬就大家餓死...爬就好有可能我會跌死喎...

飛揚 2024-10-17 19:06:49

我就喺半推半就之下...爬上樹...

小心翼翼咁...小心翼翼咁...係比想像中容易嘅...

「喂快啲啦！」晴晴就喺下面叫上嚟！

『唔好催我啦！』嘈住晒好易跌落嚟㗎！

「你快啲咪唔催你囉！」晴晴叉晒腰！

我都係唔好理佢咁多！小心翼翼咁爬...小心翼翼咁爬...

好唔容易，終於都俾我爬到上嚟！摸到個大樹菠蘿！

「我都話你得㗎啦！」晴晴拍晒手咁！

『你行開啲先啦！我掉落嚟揼親你吖！』仲要企正喺下面！

「好好好！」晴晴立即閃到勁遠！

唉屌...

飛揚 2024-10-17 19:07:52

我就拎把刀仔出嚟...切切切...好唔容易就切斷...掉到落地面...

切完一個...又切另一個...再切多一個...

熟嘅都俾我切咗...未熟嘅就留返喺樹上啦～

然後我就好小心咁爬返落去...（屌你唔好而家先臨尾香跌落去...）

終於都無驚無險咁俾我爬返落嚟地面...

「嘩嘩嘩！」晴晴跑返過嚟就立即抱起個大樹菠蘿，「咁大個應該夠食！」

『呢度幾個再加埋頭先啲菇...應該夠嘅～』雖然話大就唔係真係好大...比起喺幻覺之中...

「咁我哋執埋啲樹枝～」

『係喎係喎...用嚟生火都要～』

「嗯～咁行喇！」

飛揚 2024-10-17 19:08:28

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～