上回講到細孖照顧住大孖,綽廷都去睇睇晴晴同惠惠~
個湖景好靚呢~估唔到XG仲有啲咁靚嘅地方~
喺魔爪未伸到過嚟之前...
惠惠都肚仔餓,綽廷就同晴晴去搵嘢食先~
交惠惠俾細孖同大孖後,綽廷同晴晴就行入樹林~
唔知有冇果樹呢?
未搵到果樹之前,就搵到啲菇菇~
不過好多都有毒唔食得!
繼續搵啦~
結果俾綽廷搵到大樹菠蘿!
晴晴要綽廷上去!
死就死啦~唔係大家都餓死!
綽廷好小心咁爬到上去!
綽廷就拎把刀仔出嚟...切切切...好唔容易就切斷...掉到落地面...
切完一個...又切另一個...再切多一個...
熟嘅都俾綽廷切咗...未熟嘅就留返喺樹上啦~
然後綽廷就好小心咁爬返落去...(屌你唔好而家先臨尾香跌落去...)
終於都無驚無險咁俾綽廷爬返落嚟地面...
「嘩嘩嘩!」晴晴跑返過嚟就立即抱起個大樹菠蘿,「咁大個應該夠食!」
『呢度幾個再加埋頭先啲菇...應該夠嘅~』雖然話大就唔係真係好大...比起喺幻覺之中...
「咁我哋執埋啲樹枝~」
『係喎係喎...用嚟生火都要~』
「嗯~咁行喇!」
跟住既劇情發展又會係點呢?
準備出文