【重甜】【明就明唔明就黎明】《XG快落》(7)

1001 回覆

6 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2024-10-25 12:33:00

揸𨋢早

41樓大王 2024-10-25 12:33:22

飛揚 2024-10-25 12:33:40

學生妹最可口

飛揚 2024-10-25 12:34:44

飛揚 2024-10-25 12:35:04

各位早晨

又到開心星期五

揸𨋢人2.0 2024-10-25 17:16:32

飛揚 2024-10-25 17:55:53

飛揚 2024-10-25 19:00:23

上回講到綽廷同晴晴都去買咖啡！
唔飲得唔得㗎？之前都試過中伏㗎啦！
不過唔飲又唔得！因為又俾防毒面具人𥄫住！
飲囉...嘩屌！泥水咁！
係難飲都唔可以表露出嚟！仲要同晴晴做戲～
然後好快就登機喇～
所謂嘅登機都係上大大架車！仲要係密封嘅！
不過喺幻覺之中嘅人，都會以為自己坐緊飛機！
架車行駛，雖然睇唔到出面，但都知大約行去邊！
廣播話飛咗三個鐘，實際上都係行駛咗大約五分鐘！
“吱～依～”唔使幾耐，佢哋就停咗車。
「多謝乘搭本航班～祝旅途愉快～」
聽住廣播咁起身～跟住一個又一個旅客行去車門～步出機艙～
都係沿住條密封嘅通道行上去啦～一個跟一個咁～
然後就行到上嚟，準備辦理入境手續！
「記得...」晴晴細細聲講，「要Keep住去到想見識出面嘅心嘅Stage...」
『嗯...』咩係想見識出面嘅心嘅Stage？
總之就係好想出國咁...好想去其他國家...比起自己嘅國家...
「雖然...」晴晴帶住天真無邪嘅笑容，繼續細細聲講，「未必分到去同一個倉...」
『放心...』綽廷都帶住痴撚線嘅笑容，『就算分唔到去同一個倉...我都會跟到計劃做...』
「嗯...」晴晴點點頭，「咁你小心喇...」
『你都係...』差唔多喇...
差唔多要分兩條隊...分開評估異心有幾大！
跟住既劇情發展又會係點呢？

準備出文

飛揚 2024-10-25 19:00:36

[Day 14－拯救行動] PART 03

有職員指示我同晴晴要分開排隊。

其實都唔止係我哋，其他一對對又好...幾個幾個一班Friend又好...總之識嘅都被要求分開排唔同隊...

好似分開排可以平均啲，唔使等咁耐...實際上只係想將識嘅人分開...

而睇啲職員...明顯就係公務員！

個個都正正常常！大大隻隻！著住整齊嘅制服！明顯就係冇受到佛洛影響！

佢哋都睇到真相...唔單止...仲睇到防毒面具人！

飛揚 2024-10-25 19:01:29

有個職員同防毒面具人企埋一邊...好似傾緊啲乜...留意緊我哋呢啲“旅客”！

又有個防毒面具人好似指示個職員唔知去邊做啲乜...

而家在場除咗“旅客”之外，其餘全部都係政府嘅人！

包括面前嘅入國審查職員！

入國審查職員望住我：「嚟日本做咩㗎？」

『我係嚟旅遊嘅～』我又笑到痴撚晒線咁嘅樣～

除咗面前坐住個入國審查職員，櫃檯上都放咗唔少監察器！

飛揚 2024-10-25 19:02:51

入國審查職員望實我：「點解會選擇嚟大阪旅遊？」

『因為對大阪好有興趣～』要保持住對國外有興趣嘅心！

入國審查職員望望個Mon：「點解咁有興趣？」

『因為困喺自己國家太耐喇～想出嚟睇睇外面嘅世界～』仲要對自己嘅國家產生咗厭惡！

入國審查職員再望一望我：「我哋呢度有咩好？」

『未接觸過嘅事物都新奇～有趣～期待可以親身體驗～』繼續講到自己想體驗新事物！

入國審查職員再望望個Mon...撳幾撳...再望住我...

我都仲係保持住痴撚線嘅笑容～

冇問題嘅！呢個入國審查職員個樣正正常常咁嘅樣...我都係正常咁對答！完全冇不安感！冇異樣！

飛揚 2024-10-25 19:03:50

「歡迎嚟到日本...祝閣下旅途愉快...」入國審查職員放我入去。

『唔該～』我就行入閘。

日文又唔講...英文又唔講...用廣東話...可唔可以專業少少？

不過冇所謂啦～個個“旅客”都受佛洛影響～個個都以為自己講緊日文～講緊英文～

我就繼續行，被圍欄引導住咁向前行。

晴晴都順利“入境”！

我同晴晴分隔開咁點點頭...各自行入閘門...行入室內...

飛揚 2024-10-25 19:04:56

有兩個著晒制服嘅職員就捉實我！推我向前：「行呀！」

『做...做咩吖？』我扮晒驚咁！

「做咩？」其中一個制服職員拎住碌警棍！拍我兩嘢！「做苦工囉！」

『呀呀！咩做苦工呀？』我有咁驚就扮到咁驚！『我嚟旅遊㗎！』

「真係天真～」另一個制服職員再推我上前！「每個外地嚟嘅人都係嚟賣豬仔！做苦工㗎啦！你以為我哋日本會咁好接待你哋啲外地豬呀？！」

『吓吓？好驚吖！好驚吖！』其實又冇乜好驚...

因為...尋晚傾計劃嗰陣，晴晴已經同我講解過～

所謂嘅出國，其實只係留喺赤鱲角監獄裡面做苦工。

從而令仲受佛洛影響嘅“旅客”以為自己真係去到當地，被迫害！賣豬仔！

飛揚 2024-10-25 19:06:08

所有人都有咁嘅幻覺！被分配唔同嘅倉去做唔同嘅工作！勁慘咁要俾人勞役！

不過只要捱過咗...就可以俾佢哋返出去～俾返晒啲行李佢哋～等佢哋宣揚外國係幾咁恐怖～

又有人俾佢哋勞役～返出去又可以幫手散播假訊息～仲可以嚇到啲人唔敢再出國～乖乖留喺國內做豬～一舉幾得～

「驚？」制服職員大大力咁推我！「驚你就唔好嚟啦！行！行快啲呀！」

『哦哦...』我就扮晒又驚又乖乖地咁向前行...

喺陰暗嘅走廊行...完全係監獄嘅Feel...

穿過唔少鐵閘！仲有唔少著晒制服嘅職員把守！

個個都兇神惡殺！怒睥住我！

我都係繼續扮晒驚驚...閃閃縮縮咁...

飛揚 2024-10-25 19:07:16

唔使幾耐，就嚟到一個閘口...一個櫃檯前...

制服職員推一推我：「放晒啲隨身物品喺檯！」

『哦哦...』我都乖乖咁將銀包同電話都放喺檯...

櫃檯入面嘅職員望望我，然後就拎咗套衫褲涼鞋出嚟...

身後嘅制服職員又指指套啡色衫褲：「拎起佢啦！」

『哦哦...』成套囚犯衫咁...

我都係乖乖咁拎起...

「行啦仲企喺度！」後面兩個制服職員又推推我！

『係係...』我又要扮晒驚驚咁...乖乖咁穿過安檢門。

飛揚 2024-10-25 19:08:07

一路俾兩個制服職員押住嚟行...已經見到前面都有“旅客”同我一樣...

仲要越嚟越多...個個都驚驚青青咁俾啲制服職員押住行上前！

我都要表現得驚啲先得！有對比吖嘛！一陣俾佢哋發現我同其他人唔同...就麻煩...

唔使幾耐，我就同一大班人被押到入一大間房！

身後嘅制服職員用力一推我背脊：「快啲換衫！」

『哦哦...』我腳步浮浮咁行入去...

成間房都有唔少人喺度換緊衫！

有男有女！仲有唔少制服職員看守住我哋！

係更衣室...我都係快啲搵返個位換衫先！

飛揚 2024-10-25 19:09:03

雖然話有男有女...一齊換...但其實都冇乜好睇！

鬼咩啲女瘦到皮包骨咁！冇波都唔多講...仲要污糟邋遢！

好似我身邊嗰個女人咁咋嘛...個身仲要臭嘅！

睇佢個樣咁鬼驚...想喊想喊咁...

我都係唔好理人咁多！

其實最主要都係睇吓晴晴喺唔喺度...

但好明顯就唔見晴晴嘅身影！

晴晴都應該喺另一個倉換緊衫...咁咪俾人睇蝕晒？！

蝕唔蝕都好啦...最重要嘅都係...我哋果然分配去唔同嘅倉！

飛揚 2024-10-25 19:09:26

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～