【重甜】【明就明 唔明就黎明】《XG快落》(7)

『好喇～跟住個計劃咁出到嚟喇～時間都跟得上喇～跟住呢？搵車？車呢？點搵吖？成條馬路十年都冇車經過咁～』樹葉就成地都係！

「唔......」晴晴望望部電話，再指指前面，「嗰邊！」

嗰邊？

大家都跟住晴晴指住嘅方向繼續向前行。

喺鋪滿枯葉...又日久失修嘅馬路上行...行...行...

再行多一段時間...行到惠惠都有啲腳仔軟...就見到前面...好似有...車？

唔止一架...仲堆起咗...幾架幾架...係廢車場？！

『點會...喺呢啲地方...』會有廢車場？

「果然冇錯～」晴晴得得戚戚咁走埋去廢車場～

『你就係喺地圖見到呢度有廢車場？』我都行近啲...

「地圖就冇寫明嘅～」晴晴行到埋去睇清楚，「不過咁大個地方空置咗...我估就係廢車場～」

『你估...』估唔啱咪仆街？

唔係唔係...估唔啱先好...而家先係仆街...

不過話仆街又仆唔晒嘅...

『廢棄得嘅...都郁唔到㗎啦...』郁唔到就唔使跟住個計劃行...

「咁又未必～」晴晴左望右望～八八卦卦～

我就抱起惠惠再扶住大孖咁行過去...

「全自動化嘅廢車場...」晴晴望住一大個夾移到去架廢車之上！

“依！轟！吱！”一夾就唔知夾架車去邊！

『喂...全自動都好危喎！』一陣夾埋我哋咁點算？

「咁我哋就要小心啲搵...」晴晴睇清楚啲廢車...

『呢度咁多廢車...點搵吖？』全部都仲要甩皮甩骨咁！

「一定有！一定有！比較外圍嘅！」晴晴沿住外圍行！「因為外圍都比較新送到嚟嘅...而且...而且...有喇！」

有？有咩？

晴晴指住前面走過去！我就見到...係一架...警車？！

就同尋日俾我哋炒咗落山嗰架係同款添！

雖然就唔可以話新淨！但就冇話甩皮甩骨咁！

『喂喂喂...唔知郁唔郁到㗎姐！送得過嚟一定有問題㗎啦！』諗都諗到啦！

「試咗先啦！」晴晴走到埋去打開埋隻門！「唔試過又點知呢？」

唔試過又點知？好似好有道理咁...

我都走上架廢棄警車！喂...電子鎖匙點開吖？

嗱都話㗎啦！邊有咁易呀？！

只見晴晴坐到嚟我旁邊！撳撳部電話！

突然！架警車著咗！

咦喂！搞過啲乜嚟吖？

「快啲試吓！」晴晴推推我！再推推我！「快啲試吓著唔著到啦！」

『哦哦哦...』我就只好試試撳個“Engine Start”...

“吱...吱...吱！”又真係撻得著喎！

晴晴向住大細孖同惠惠招招手：「上車上車～」

大家都趕快上車！坐穩之後...

「喂喂快啲開車啦！」晴晴指住上面！「嚟緊喇！」

我抬頭一望！就望到個夾好似移緊埋嚟！

雖然唔知會唔會咁唔好彩，真係想夾我哋架車啦！都係快啲開車走人先啦！

“吱！吱～”我一俾油再扭個靚軚！成架警車就飛住咁走出廢車場！

「真係好彩！」晴晴點點頭，「架車好掂吖～」

『係囉...架車咁掂都要拎嚟劏...』嘥唔嘥啲吖？

「係咁㗎啦～」晴晴再點點頭，「佢哋就係咁浪費～好少問題都會唔要～那怕只係張凳花咗～都會買過架新車～所以我先可以咁肯定喺廢車場搵到郁得嘅車姐～」

哦...原來一切都喺晴晴嘅股掌之中...（暫時...）

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

『你哋OK吖？』我望望倒後鏡中嘅大細孖同惠惠。

大孖勉勉強強咁點點頭。

「你哋都好好抖吓先～」晴晴撳撳部電話，「開唔到導航...可能就係壞咗呢樣先俾人掉去廢車場...睇住我部電話揸啦～」

完美表現咩叫朱門酒肉臭
路有凍死骨

“會展書卷香 路有陳飛揚”好耐之前有Post過Facebook

陳飛揚掂過書展啦

喺失敗嗰方面係比較掂嘅

都係掂啫

早

早

食神好嘢