【重甜】【明就明 唔明就黎明】《XG快落》(7)

上回講到綽廷同晴晴返翻去～開大樹菠蘿一齊食～
食生果係唔夠嘅～仲要生埋火～整蘑菇湯～
大家都叫做食得飽咁啦～然後綽廷就去捉魚喇～
都唔係話咁易先捉到幾條魚返嚟～燒燒魚一齊食～
呢個樹林環境加上呢種野外生活真係唔錯～如果可以一直咁樣生活就好喇～
晴晴就話都要救埋新哥出嚟先！
救？點救吖？話唔定死埋添喇！阿南條仆街同國安串謀㗎嘛！
就係咁國安班人一定唔會殺新哥！因為佢哋都知新哥係知道Pure&True喺邊度造！甚至袁博士嘅身處位置！
袁...袁博士？
咁搵救兵啦！
都搵唔到！因為只有隊長與隊長有聯絡方法！
『咁仲點救吖？得我哋幾個？』唔好話人已經夠少...仲要傷嘅傷，仲有小朋友，『唔好玩啦...同自殺有咩分別呀？！』
「就算自殺都要！」晴晴緊握拳頭！「你都唔想咁美麗嘅景色...被魔爪搞到寸草不生㗎！」
咁美麗嘅景色...寸草不生...
綽廷回望一片千島湖夜景...
「俾佢哋知道袁博士嘅身處位置...」晴晴搭住綽廷膊頭，「我哋嘅最後希望就幻滅㗎喇...」
最後希望...袁博士...
『咁我哋都要知去邊度救㗎...』唔知新哥被捉去邊...講乜都冇用...
晴晴拍拍綽廷膊頭：「赤鱲角...」
『赤鱲角？』機場？
「嗯！」晴晴點點頭，「你都見過幻覺之中嘅赤鱲角機場...實際唔係機場...係監獄...」
係...監獄？！
細孖接住講：「赤鱲角嘅監獄係勞役嘅地方...專捉啲有異心嘅市民入去...當中仲包括...我哋嘅成員...」
赤鱲角...赤鱲角...原來係...
晴晴一轉身：「咁我哋計劃聽日嘅拯救行動！」
真係要計劃嘛？
真係要去赤鱲角監獄救新哥嘛？
就憑佢哋...幾個？！
TO BE CONTINUED
跟住既劇情發展又會係點呢？



準備出文