活俠傳6月14發售（4）

現階段百幾蚊第一週目個劇本同音樂對得住個價錢
係多週目無咩提示/天命點太少難玩其他野個體驗開始差
接受到玩3次先開齊額外行動點
但之後就要比多d多週目既福利

近年有食過河洛d屎既
玩呢隻應該都會收貨
美術同音樂真係好好，暫時有既劇情都唔差

女角好感要去到幾多

睇落佢女角劇情唔係獨立
而係係同主線拉埋一齊
小梅身份同幕後勢力有關
可能要幾後先出到

河洛D屎食足哂
只能說食開屎既話，真係可以越食越臭
一邊負評一邊繼續食
係得河群我正評

河群開頭d bug都好多下，個個都屌

我有升師妹好感 但媾唔到

其實好多野未連埋
如果連得埋好正
但遊戲入面得4年時間，又好似遇唔到咁多事

佢個感覺都算係最近似《武林群俠傳》，當然簡化好多
《武林群俠傳》中間有幾個大event落地探索，同埋結局大地圖任行
令好多支線埋到尾。
《活俠》就無呢part，令人物好多，但完整故事唔多

同埋文本真係超多 就算係同一件事
你道德性情學問 個啲唔同 都會有一兩句台詞唔同

大地圖 其實佢整咗啦 不過幾時任行就有排等

https://forum.gamer.com.tw/C.php?bsn=73317&snA=795&tnum=11
已經有人四周目玩到自組四個後宮出黎
時間管理大師

個個都話完成度得30%
不過淨係3成份量內容都唔少
所以好期待佢整埋淨返果7成
鍊丹一定唔止咁少 個大地圖整得唔會淨係隨機事件同自動行
交換生又唔似淨係得一個選擇
唐門經營還錢設定 建築物外堡果d有寫住LV1 又係應該有元素係度
加上佢開頭bug話可以玩超過4年 懷疑佢除左主線模式 仲有得玩經常模式模擬門派咁玩

人氣女主pk 第三輪結果
第一組:夏侯蘭(18) vs 上官螢(1)------ 蘭師父 勝

第二組:上官螢(0) vs 大師兄(20)------ 大師兄 勝

最終戰

:夏侯蘭

:唐布衣

到底係要 師父定要師兄 大家選擇好啦
今晚12點 公布結果

我玩落都有舊武林feel
事件都係隨機性，唔睇攻略勁易miss劇情
不過呢隻隨機得黎仲要有懲罰係我唔鍾意，時間已經趕，用完行動點仲要得懲罰無獎勵
希望佢可以補完到，唔好好似舊武林成為一個遺憾

畫餅畫太大就唔好啦
佢寫埋啲劇情 同劇情嘅連繫先
其他系統新嘢 唔抱希望

有呢個能力 我覺得佢哋會出新game好過

希望佢可以玩齊三條線後比個無限時模式
重要事件比玩家決左幾時開始

呢個故佢肯定唔止寫左兩年
唔可能會出到新
要出新game 搵錢
應該係寫好呢隻
再出手遊 大把人同你抽大師兄

主要係 上面大地圖 經營玩法個啲
我真係覺得佢哋一開始 諗太大
好難補哂啲位
我當佢哋為新game 拎經驗

其實睇佢ui位 4點行動點就未齊
佢本身應該係 每解一個end 比一個點
然後愈難達成嘅 就愈多周目先有能力解

玩到極限 可能係上中下 各8點
依家個問題 係未寫完劇情 所以行動點比唔多

所以我一直覺得唔洗出繼承系統 咁出戲
原設計 多周目 多行動點係已經好夠玩

千錯萬錯 劇情未完全連累哂成個系統
依家 加得3點 大家先覺得多周目唔夠獎勵

我反而覺得係一開始個系統拖累佢個劇情
佢一開始真係唔少位置係搞人心態

試諗下 佢隻game係完整
每玩一個周目 比一點行動點
大家 每月上中下 四周目各4點
7周目各5點
10周目各6點
咁樣打上去
仲邊有咁多人 話難升 話難度高

所謂搞人心態 佢只要做一樣嘢 已經完美解決
就係死亡roll 出個補正

石灰粉 出個 毒抗，學問補正
和尚 乞兒互打 可能直接打死個到 出個 輕功，體力補正

平時打鐵個啲 直接出個roll介面 然後心相補正

就連一開始 可能比大師兄嚇死
都可以出個 心相，性情，好感度 補正

咁玩家就知道 係隨機roll嘅同時 都關自身數值事
想降低隨機性 就去育成角色
唔係就聽天由命

然後愈多周目 愈易升高屬性
某種程度上 其實就等於 多周目skip走咗死亡end

roll過 唐小樓 要圍毆趙活 然後睇到個向心補正就好易明我咩意思



所以我一直覺得系統小問題 太容易去改善
但依家劇情混亂度
先係大家 就算接受到隻game 都玩唔得長嘅核心原因

佢劇情完整交代哂所有嘢 系統問題就小問題
大家邊玩邊等
依家 玩哂3條女主線 其他線都玩玩下 就知道佢未寫完 仲不爽

應該咁講
系統上嘅問題其實呢家都大致上解決
導致佢呢家劇情個問題先浮上嚟
最撚驚佢太監呢家睇落個劇情完成度4成都俾多佢

都唔知開心好定唔開心好

因為我最先 係咁重玩
用ctrl 就好易發現 同一件事 都會有一兩句唔同
所以文本量係顛 最先發現係覺得好正
真係做到 接近人人玩都唔同體驗

但愈玩得耐 就愈覺得佢「浪費」時間係細節位
不如起好成間屋先

依家就好似 你坐係間屋嘅角落 有床 有火爐 有燈 好舒服
但仆你個街起身 行幾步 就發現隔離連天花板都未有