講起俠,我以前讀中學個時
學校成日叫我地睇金庸,唔好睇古龍
甚至學校圖書館都無古龍,要出面圖書館自己借
其實由細到大,我都唔鍾意睇金庸
因為金庸成日都係講啲大俠去打外族、為國為民
絕世高手隱居左都要走返出黎打仗
啲大俠寫到武功蓋世、飛天遁地
但又有歷史之壁,結果就好似抗元奇俠、抗金奇俠咁
而古龍個啲俠,其實只係江湖上一粒微塵
每個人都有自己嘅故事,唔講憂國憂民嘅老土野
有人消遙自在,有人形同傀儡
成個故事都係表達身不由己嘅無奈
所以活俠傳係武林大會有句說話
配埋趙活嬲到樣扭曲哂,我覺得好正
「我地唐門都係有交稅,平時就整頓武林,有事就叫我地上戰場打仗?無門!」
句野大概係咁