【海洋生物】淺談魚類 (序:由頭開始)

一口氣追曬樓主既post...雖然我無咩bio 知識，不過樓主present 得好好，深入淺出，一晚間對魚既認識大增! 非常感謝你！支持你出多d 高質post

多謝支持

留名學野👍🏼

終於去到最後一集 今集會講既魚就係鰨沙(Pleuronectiformes)同埋色魨形目Tetraodontiformes)。佢地係魚演化中變化最大，而且十分常見，最主要係因為佢地好適應今時今日既環境。佢地外型奇突，令人一見難忘

鰨沙魚(Pleuronectiformes)
呢個目包括左比目魚，龍脷等扁魚。佢地身材扁平，而且皮膚可以變色，原理好似章魚咁，令自己融入環境。值得留意既係佢地既分類: 你將條魚打直，尾向自己。個嘴係左邊既係鮃科(Bothidae,圖1)，個嘴係右邊既係鰈科(Pleuronectidae,圖2)，而龍脷(Soleidae,圖3)個身會圓啲。

圖1

圖2

圖3

生態圖





魨形目(Tetradontiformes)
呢個目包括既魚外表獨突，而我相信大家感興趣既魚大部份都係屬於呢一個目。Tetra-解4，Odonti-解牙，Tetradontiforme呢個名源自佢地嘴係啄型結構，由4塊牙狀骨組成，因而有呢個名。


雞泡魚(Tetraodontidae)
相信大家對佢地並唔陌生，因為周圍都可以見到佢地。佢地有毒不過唔係用黎攻擊，係用於自衛。呢種毒Tetrodotoxin，由佢地既共生細菌整出黎(具爭議性題目)，係海洋世界好常見，講緊係連blue ring octopus都係用緊呢隻牌子。佢地刺同皮膚上都有毒，不過好少量。最毒係佢地既肝同生殖腺。


由於佢地游得唔快，所謂輸人唔輸陣，佢地受到威脅時會吹大自己，拋姪對手。


佢地有一個獨突既溝仔/女方法，就係整一個好似下面咁既圖型，吸引到異性之餘，仲可以作為一個生仔既地方。




雞泡魚2(Diadontidae)
生理大致同上，不過有更強勁既刺。




箱魚(Ostracidae)
同雞泡魚好熟，不過唔會吹大自己。佢地有一個箱型(四四方方咁)身材，多數係黃色。有毒，什至會放出黎，毒死周圍既魚。

Mola Mola (Molidae)
係全世界最重同一次生得最多仔既魚。由於佢地呢個外型，顏色同有晒太陽既習慣，佢地有好多花名:太陽魚，月亮魚，mola mola，翻車魚.......


Mola Mola有軟骨，而且有牙狀鱗，某程度上同鯊魚相似。佢地身上皮膚可以變深淺色，用黎作為偽裝之用。佢地魚鰭有好大變化:尾鰭無左，背鰭變大同移位，胸鰭向背移等。佢地唔太會郁，會利用水流幫自己移動。

佢地會晒太陽，原理好似差電咁:差足熱量先可以潛去深水區(水會好凍)




沙鯭/鱗魨 (Monacanthidae/Balistidae)
呢兩種魚好親近同似樣所以我一齊講。佢地常見於淺水水域，例如珊瑚礁同海草床。佢地身上有好多花紋同顏色，而且有一定程度上既智力。




佢地多數有角，身材垂直扁平，皮膚粗糙(有細鱗)，有啲會咬人(如果你激嬲佢)。最值得留意係佢地已經識"組織家庭"，包括霸地頭，保護家園領土同照顧細路(好少海洋物種得到)

食法
Mola Mola既食法有好多
有人會醃佢既軟骨，好似啫喱咁

又有人會做成海鮮湯

我既個人見解就係mola mola得個大字，其實無咩特別
不如食香煎龍脷柳加檸檬香草忌廉汁




多謝大家一直以黎既支持 特別係某幾位巴絲打，每次我出新集都會見到你地個名，我真心咁多謝你地既收睇同回覆 ，講到呢度都有啲眼濕濕。不過海洋魚類既介紹大致上去到呢度，有咩想知多啲/對個海既邊方面有興趣都可以話我知

原來molamola都食得

原來molamola都食得

當然啦

財經台專屬寵物

財經台專屬寵物

頂

關於molamola
你話係最重嘅魚
但有好多魚仲大條過佢(e.g. 鯨鯊大白鯊)
佢仲重過啲大魚?

關於molamola
你話係最重嘅魚
但有好多魚仲大條過佢(e.g. 鯨鯊大白鯊)
佢仲重過啲大魚?

嚴格地講，最重既bony fish。
鯊魚係軟骨魚，唔算係bony fish。
雖然mola mola係有軟骨，但係分類上都係歸納做bony fish。
鯨魚係哺乳類，唔係"魚"

上面嗰啲全部咸水魚(海魚)？
理論係唔係應該先有咸水魚？
咁淡水魚係由咸水魚演化出嘅，定係各自洐生？

Lungfish係淡水，Coelacanth係咸水。
你睇番第一集其實魚/4腳獸既祖先lancelet係咸水魚黎

請問點解有淡水魚？當時個地球係成個都係海定已經有陸地？咁淡水魚係邊黎？係係個湖道由條蟲進化定係海由河流向上流？

財經台專屬寵物

體育台呢？

關於molamola
你話係最重嘅魚
但有好多魚仲大條過佢(e.g. 鯨鯊大白鯊)
佢仲重過啲大魚?

嚴格地講，最重既bony fish。
鯊魚係軟骨魚，唔算係bony fish。
雖然mola mola係有軟骨，但係分類上都係歸納做bony fish。
鯨魚係哺乳類，唔係"魚"

姐係最重既硬骨魚？

關於molamola
你話係最重嘅魚
但有好多魚仲大條過佢(e.g. 鯨鯊大白鯊)
佢仲重過啲大魚?

嚴格地講，最重既bony fish。
鯊魚係軟骨魚，唔算係bony fish。
雖然mola mola係有軟骨，但係分類上都係歸納做bony fish。
鯨魚係哺乳類，唔係"魚"

姐係最重既硬骨魚？

可以咁講

上面嗰啲全部咸水魚(海魚)？
理論係唔係應該先有咸水魚？
咁淡水魚係由咸水魚演化出嘅，定係各自洐生？

Lungfish係淡水，Coelacanth係咸水。
你睇番第一集其實魚/4腳獸既祖先lancelet係咸水魚黎

請問點解有淡水魚？當時個地球係成個都係海定已經有陸地？咁淡水魚係邊黎？係係個湖道由條蟲進化定係海由河流向上流？

依家主流黎講，淡水魚由咸水魚而黎。
而佢地點去淡水環境其實好難講，我自己會話可能係有啲壓力令到有啲魚向淡水環境發展，繼而派生左淡水魚種

吞拿魚好似游得好快，係頭幾名，游得快果D魚天敵係咪得人？
同埋游得快果D魚點解可以游咁快？

吞拿魚好似游得好快，係頭幾名，游得快果D魚天敵係咪得人？
同埋游得快果D魚點解可以游咁快？

流線身型，強勁肌肉
呑拿魚有恆温生理，可以做到更有效既帶氧呼吸

見到你話獅子魚因為有毒所以無人食佢，越生越多
咁其實啲海洋生物之間有無溝通？佢地點知個隻物種有毒，自己唔好食，or叫自己下一代唔好食？
同埋魚類既父母會照顧佢地既小朋友到幾多歲？好似龜都會照顧下，哺乳類就照顧到戒奶
魚類一生就生幾打，佢地又認唔認得自己啲仔女？

好似話獅子魚原本比寒流分隔左，不過比遠洋船帶左去其他海洋，咁土生既魚幾億年進化都未見過佢，佢就可以無天敵之下大量繁殖。

點解好似唔見有彈塗魚或者魔鬼魚
定係眼殘 彈塗魚個樣好得意

點解有啲魚下身兩隻手仔可以當腳爬行

魔鬼魚可以睇下鯊魚個post，
彈塗魚係屬於之前我話最大個group perciforme
好多住係海底，或者我地叫benthic fish既魚都會可以咁，其實都係佢地為左適應環境而演化岀黎。

見到你話獅子魚因為有毒所以無人食佢，越生越多
咁其實啲海洋生物之間有無溝通？佢地點知個隻物種有毒，自己唔好食，or叫自己下一代唔好食？
同埋魚類既父母會照顧佢地既小朋友到幾多歲？好似龜都會照顧下，哺乳類就照顧到戒奶
魚類一生就生幾打，佢地又認唔認得自己啲仔女？

好似話獅子魚原本比寒流分隔左，不過比遠洋船帶左去其他海洋，咁土生既魚幾億年進化都未見過佢，佢就可以無天敵之下大量繁殖。

係呀，罪𣁽禍首都係人類