其實呢條線都有啲白癡
個背景形容到海仁結婚後因為家族鬥爭冇得明撐老公,搞到賢祐被忽略
但其實佢全家都冇人爭過任何野
個阿爺又唔係唔錫佢,二奶嗰時冇任何實權,個大伯一早俾人趕走咗,老竇同姑姑都係與世無爭,細佬就蠢到加埋阿媽都冇能力同佢爭,弟婦亦都好似冇做過啲咩
海仁本身已經係全家能力最高嗰個,成家人根本冇人有資格同佢爭
呢套野連韓劇最基本嘅陷害 爭家產 爭權都冇發生過,而且賢祐只不過係公司嘅法務部高層,呢個身份同全部家人都好似冇乜衝突
所以如果係話海仁婚後顧住工作而忽略咗賢祐都還好,但係依家話佢因為屋企權力鬥爭而冇得企賢祐嗰邊就唔太合理