呢個就係考試內容,相信去過上面又決定比考試費嘅人一定唔陌生。希望未中伏嘅人見到呢個post能有所警惕
佢自稱國家經營
但佢有冇講自己係邊個部門
呢個就係考試內容,相信去過上面又決定比考試費嘅人一定唔陌生。希望未中伏嘅人見到呢個post能有所警惕
痴線傳銷
Day 6
終於到左要考試嘅一日,今日上午只係上兩堂,下午六點要準備考試,難得嘅係唔使去人屋企上堂,係佢地有人來我住緊個度上堂。 而今日嘅內容已經唔再係個1000萬點黎,五級三晉制個啲,反而係分別有兩個香港人同我吹下水(係兩個年輕人),講下佢地嘅心路歷程,總之我覺得佢地要鞏固我嘅信心。
「James,如果你想盡快成功,你就咪步我後塵。我之前就係諗住將成壇野解釋比我老豆老母聽,結果佢地一直都以為我係做緊傳銷,所以要成功就要聽前人嘅說話,避過啲冤枉路,總之小講小錯。By the way,一陣考試加油!」Jerry語重心長同我講。
「James你小心唔好炒牙,唔係你就係第二個香港人炒左呢個試」Mary用一種輕蔑嘅語氣挑釁我。
「屌,你定啦,呢啲濕鳩試我點會炒?炒左我切!」我都不甘示弱。
如是者,時間過得好快,差唔多到左四點,Mary就叫我出去影相。老老豆豆,我聽到佢地話要影紅底相去考試真係有種做國家任務嘅感覺,就好似周星馳個套「國產零零漆」咁,國家真的需要你,因為真係覺得自己要準備加入共產黨,為國家做事,準備要做第二個馬雲。(上面班人講到馬雲都係靠呢個陽光工程先做到首富) 當你信呢壇野嘅時候又睇到馬雲嘅金句,例如「虛擬經濟和實體經濟沒有好壞之分,實體經濟也有壞的,虛擬經濟也有好的。」,你簡直會更相信馬雲都係玩呢個陽光工程。我估好多中過伏而又清醒到嘅巴絲打應該可以明白我講嘅野。
到左影完紅底相,就準備要去考試了。陪我考試個個女仔叫Amy,係Mary嘅上線。
「James,你一陣千祈咪撚笑呀,唔係我會比人罰錢!」Amy千叮萬囑,因為佢怕聽到我半咸淡嘅普通話會笑到仆街。
「定啦,我會搓my breast啦!」我自己都怕我會笑,因為我普通話真係好普通。
到左搭正六點,我同Amy去左一個單位(係另一個屋苑),開門嘅係一個年約四十嘅女人,表情好撚嚴肅,完全唔笑。
面試嘅地點係一個屋企,入面有三個人,連埋我同Amy一共有五個人。首先面試過程大概係要填下表格,填下你個名,身分證,回鄉證號碼。面試題目就唔多講,我上面已經post過因為。面試過程我印象最深刻嘅一句係
「X先生,這個生意你是要,還是非要不可?」其中一個面試官問。
「這個生意,我再問你一次,我非要不可」我毫不猶豫地我啲港式普通話答,而同時我見到Amy都忍唔住就黎要笑。
面試時間大約過左十五分鐘。。。(其實我覺得時間係因人而已)
「恭喜你X先生,你已經成功通過我們的考核!。。。」三個面試官逐一同我握手道賀。
「叻仔喎,咁快搞掂個面試,Mary果然冇介紹錯!」
「講呢啲,我要你關照就真啦Amy姐!」
其實面試個氣氛我覺得係好撚嚴肅,特別係啲考官,只係唔知點解入到去會有一種好好笑嘅感覺。而我懷疑根本你噏乜春你都會pass。反正就係咁樣我就完左呢日嘅行程,亦都正式交左3800呢筆學費,準備要係呢個連鎖經營平台上大展拳腳,幻想點樣快啲拎一千萬,然後發到個撚個都葡萄我。
去到呢到,我已經比人洗左腦確信呢個連鎖經營係真,係國家行為。如果我有七萬人仔,我估我已經即pay。而好彩嘅係我未比full pay哂,仲有時間返香港獨立思考下。上邊班人會話呢個生意係同時間競賽,早做早享受,你話想考慮,佢點都會sell到你唔做就戇鳩,用友情/親情綁架你,要你加入。當然佢地永遠口講「這個生意歡迎每個人來了解考察,看完決定做/不做,沒人會強迫你,你們要走我們絶不抯止。」,但實情佢地當然唔想你走,會用盡千方百計令你加入,只係冇用暴力,禁錮嘅手段對你,而係用精神控制,友情親嘅力量令你留底,然後再洗你腦(強迫灌輸一啲錯嘅知識比你,要你接受,令你唔能夠脱離個組織)。
不如你寫實d
作文咁好假
以為去左講故台
不如你寫實d
作文咁好假
以為去左講故台
真事 我都遇過
果$3800留位費你有無拎番?