[貴州大型傳銷] 朋友身陷 1040陽光工程 自願連鎖經營 可以點救?

DAY 2

一朝晨咁早七點就比我好朋友(稱佢為MARY)叫醒左話開始睇下佢做緊乜, 然後我地就一班人食早餐 (順帶一提, 我地一間屋住6個人, 有三間房, 只能男男訓 / 女女訓). 到左9點左右, 我個FD帶我見下認識下佢D同事. 咁我覺得好興奮, 因為終於知道我個好朋友返咩工 (佢之前神神秘秘咁, 總之勁吊引). 跟住佢帶我由住緊個個小區(即係屋苑 eg 太古城 XX閣, YY閣 etc)去另一個小區, 當時我就覺得有小小奇怪, 心諗唔係去OFFICE先岩架咩, 但我朋友話大陸認人去下拜訪人係好正常, 所以我又冇懷疑上左去佢”同事”屋企.

一去到屋企, 開門既係一個40左右既阿嬋(下稱芳姐), 個人都幾NICE同客氣, 又幫我倒杯熱水(後來先知呢個係指定動作) LOL 就開始吹水
“帥哥, 你好, 第一次來貴陽嗎? 對貴陽的感覺怎樣? 是不是覺得這兒即使是夏天, 也爽爽?” 芳姐問
“芳姐你好, 我來自中國香港, 我覺得貴陽很不錯呀, 比想像好很多, 天氣也好舒服…”
吹完客套野, 芳姐就開始入正題
“帥哥, 你一定是MARY的超好朋友, 所以她才會帶你來考察這個生意..” 芳姐好誠懇咁講
聽到”生意”呢兩個字, 我心諗做乜9? 明明我係想來打工, 無啦啦變左做老闆??? 雖然小弟讀書唔勁, 但細個都睇過警訊, 知道咩係求職陷阱 eg要比錢先有得菠工一定係騙局, 開始覺得有D唔對路. 但我又覺得冇理由我個朋友咁蠢會中傳銷毒掛… 所以我照聽 點知我個心都未定, 佢又同我講呢個生意叫”自願連鎖經營”又介紹五級三晉制 (想知係乜可以睇返上面條LINK), 問我你信唔信比69800兩年後變1040萬又問我覺得似唔似傳銷. 我即刻同佢講”呢個唔係似傳銷, 呢個係! 69800係冇可能變1000萬) 然後我已經O撚左咀, 心諗MARY唔係咁熟都害9我呀…過左唔知幾耐(原來先一個鐘)終於完左, 我對呢樣野100%冇興趣, 發展下線咪姐係出賣自己人脈? 加上我對傳銷幾反感, 又覺得自己比人昆左, 所以我完左冇乜心機, 點知MARY佢地話約左下一個同事, 又要聽班ON9廢UP, 我個下真係面都西埋, 不過都要比面MARY. “呢個生意好似幾伏喎, 你地小心D好”我好心勸佢地 然後MARY仲有佢個FD馬上用一種”你識條春咩”既眼神同態度不屑地向我笑左幾下”你比D耐性了解下啦, 你腦既疑問我都曾經有過, 呢個生意需要小小時間了解, 我咁醒都要5日先明, 所以你咪咁心急LA” 我仲笑佢係唔係已經比人洗左腦. “你都ON9既, 我似咁易比人洗腦咩, 你又咁易比人洗到腦咩? ” 我心諗咁又係, 大家話哂叫接受過高等教育, 無理由咁易中招既.. (就係呢個心態我就仆左街, 我估多香港人中招就係有呢種

跟住如事者我呢日一共上左四次堂(見左佢地四左所謂同事).. 內容都差唔多, 係咁問你明唔明咩係五級三晉制, 記唔記得個生意係咩名, 點將69800變1040萬, 又介紹咩叫西部大開發. 但我一D都唔信
“James, 你唔好諗咁多住啦, 我地一齊食餐好既, 我知你而家一定好多問題, 你遲D就明啦會” MARY親切地說
“屌你, 問乜你都唔講好難唔諗WOR, 五級三晉制一聽就知伏啦, 老老實實, 我對呢壇野真係負興趣, 你既好意我心領了”我係發自內心講
“睇下點, 你了解完唔做, 唔想做我地唔會迫你, 不過我希望你唔好似D大陸人咁蠢, 睇唔明啦” MARY自信咁回我
食完飯, 我地係花果園行下, 佢地一班人又介紹下貴州既發展歷史, 返到屋企又吹下水玩下GAME好似大學玩OCAMP, 咁都開心既, 因為成班人都好年輕(~23-30, 全部係香港人)好快我就融入左佢地.. 咁就完左DAY 1

之前都有post講過，佢地通常會講你本身做開果行，係大陸有生意發展緊，問你有冇興趣，叫你返去睇幾日當玩下。

去到你就發現成班人剩係飲飲食食，唔撚洗做，然後日日就叫你見唔同既人，話幫你融入，實質洗你腦。做你上線既人又要包你食、包你住，其實佢地個個都食緊老本，完全冇收入，所以一開始先會叫做「生意」，佢地班人以為自己會終有一日拎到1040萬。但係個個都會扮到身光頸靚咁，目的都係要你落搭，重有會不斷咁話啲傳銷新聞，係政府做出黎，用黎調控啲人唔好咁多人參加，因為真係太好賺

開頭會叫你搵屋企人落手，因為最親既人最無防備。同時又令你覺得，搵錢梗係同屋企人齊齊搵啦，所以真係好撚仆街。

如果你想救你朋友，同佢講咩新聞呀，證明呀⋯都係冇撚用，因為佢已經洗撚哂腦，最好你而家知道佢地既地點，就去報公安，通常都會拉鳩哂啲上線，同時佢又唔會知係邊個做，但又可以直接令到成班人醒，唔好再害人。睇新聞之前都有好多台灣人/香港人畀人拉左，但通常都係好快放返，因為知佢地畀人呃同埋太撚多人。

唔係咁做，你就要同哂佢身邊所有人講佢做傳銷，令佢完全搵唔到人做下線，佢洗哂啲錢就會醒，但呢個方法可能需要長時間。

最大問題係佢地套解釋好完善，基本上咩唔合理嘅地方都可以自圓其說到，你一信左就唔會再聽得入其他人嘅質疑。結果就係無論我用咩角度嘅理據去問佢地都好，佢地都覺得有問題嘅係我

小弟岩岩寫左兩篇關於1040既文，大家可以廣傳一下
上
http://lifestyle.fanpiece.com/instantnoodlepsychology/80%E5%BE%8C%E5%BF%85%E7%9C%8B-%E4%B8%80%E7%94%9F%E4%BA%BA%E4%B8%80%E6%AC%A1%E6%97%A2%E7%99%BC%E9%81%94%E6%A9%9F%E6%9C%83-1040%E9%99%BD%E5%85%89%E5%B7%A5%E7%A8%8B-%E4%B8%8A-c1293773.html
下
http://lifestyle.fanpiece.com/instantnoodlepsychology/%E5%82%B3%E9%8A%B7%E6%94%BB%E5%BF%83%E8%A8%88-%E8%AB%8B%E5%8E%9F%E8%AB%92%E8%BA%AB%E9%82%8A%E5%81%9A%E5%82%B3%E9%8A%B7%E6%97%A2%E6%9C%8B%E5%8F%8B-1040%E9%99%BD%E5%85%89%E5%B7%A5%E7%A8%8B-%E4%B8%8B-c1293837.html

btw有位巴打係FB 開左個page可上參考下佢既資料 (Search 1040陽光工程揭秘)

我有個朋友又係去左雲貴川個邊做嘢 話佢做緊啲Project 做完會有好多錢分 又講一帶一路 會搵好多錢 仲叫埋我返去做 唔知會唔會又係傳銷呢

小弟岩岩寫左兩篇關於1040既文，大家可以廣傳一下
上
http://lifestyle.fanpiece.com/instantnoodlepsychology/80%E5%BE%8C%E5%BF%85%E7%9C%8B-%E4%B8%80%E7%94%9F%E4%BA%BA%E4%B8%80%E6%AC%A1%E6%97%A2%E7%99%BC%E9%81%94%E6%A9%9F%E6%9C%83-1040%E9%99%BD%E5%85%89%E5%B7%A5%E7%A8%8B-%E4%B8%8A-c1293773.html
下
http://lifestyle.fanpiece.com/instantnoodlepsychology/%E5%82%B3%E9%8A%B7%E6%94%BB%E5%BF%83%E8%A8%88-%E8%AB%8B%E5%8E%9F%E8%AB%92%E8%BA%AB%E9%82%8A%E5%81%9A%E5%82%B3%E9%8A%B7%E6%97%A2%E6%9C%8B%E5%8F%8B-1040%E9%99%BD%E5%85%89%E5%B7%A5%E7%A8%8B-%E4%B8%8B-c1293837.html

btw有位巴打係FB 開左個page可上參考下佢既資料 (Search 1040陽光工程揭秘)

多謝巴打 我會綜合好哂，再比料個記者 好憎呢啲害人害己嘅傳銷

其實你果時係咪鍾意左Mary...

好難救

自以為是臥龍,鳳雛的人
(玩埋呢d野 10個有9個都係自覺 自己有人上人天份 比人看中是應該 唔要返西工
大陸領導看上自己)