諗起家父早幾年俾佢個唔知咩朋友水佢落疊,搞嗰間乜鬼嘢 黑龍江綠色食物,當時呢間嘢喺香港的確有幾間鋪又真係有人入去買嘢,話喺賣啲健康有機無農藥無化學嘢嘅綠色食品(平時食嘅米、豆、冬菇、黑木耳...好多平時屋企煮熟都用到最基本既身物都有),
咁佢見有哂鋪面,似正正當當賣啲健康食品,有哂好多證書又呢樣嗰樣,想成家食得健康又信佢朋友,於是就投資落去,其實咪又喺傳銷嚟,每個月俾一大箱食物你,話有乜乜乜優惠,之後叫你推薦人做你下線去買嘢,揾得越多人買,你買嘢越平又有錢收返。
幾年時間,已掉咗百幾萬落去,最後除咗換嚟屋企有二十幾三十箱可以夠20年嘅油、米、豆、菇、黑木耳同好多好多食物外,咩都無。
最後媽媽望住屋企幾十箱嘢忍唔住同家父大吵,加上我又勸又喊哂口苦苦哀求下,家父先收手無再掉錢落海
其實要勸個著魔嘅人真喺好難,家父都曾經固執到唔聽人講,俾人洗哂腦,希望你早日可以求你朋友出火圈
佢地有時仲覺得自己既決定好理智