[貴州大型傳銷] 朋友身陷 1040陽光工程 自願連鎖經營 可以點救?

幫手推

Day 4

一如以往，到七點鐘左右，Mary叫我起身刷牙洗面，然後準時要去拜訪其他人，了解呢個國家級嘅生意。

「Hello，靚仔點稱呼？黎左幾日慣唔慣？我叫Jessica！」今次講野嘅係一個香港後生靚女。
「你好，我叫James，黎左都第四日啦，好習慣。呢度天氣爽爽，好正！」今次我決定要先發制人，唔想再答佢個啲濕鳩問題。
「哈哈，Jame你都幾風趣架喎！我介紹下自己先啦，我係XX大學碩士(八大)畢業，本來係幫一個大學教授做研究助理，但後來覺得好冇前途，覺得原來要做到教授係幾咁難，幾咁黑暗。。」Jessica分享下佢點解會入行Blah Blah Blah。
而我都同Jessica吹左幾句，Mary就幫手倒水(每次見面一定係飲白開水ie滾水！)
「有冇聽過一個term叫宏觀調控？」
「冇喎，咩黎」我完全對呢個詞冇概念，只係知道好似好勁咁，亦唔抗拒聽下靚女bull shit。
「你有冇聽過湖北雪災，搞到當地豬肉價格唔合理咁升？ 你知唔知大陸係點控制個價格？大陸首先周圍散播假消息，話啲豬有五毛病毒，咁啲人咪唔敢食豬肉囉，根據需求定律，供應不變而需求跌，咁豬肉嘅價格咪會下跌，當價錢跌到中共滿意，佢地又會播下新聞話而家五毛病毒已經受到控制，叫市民安心食用。而共產黨就係用宏觀調控去愚弄人民，控制人心，價格。。。下删幾千字」此刻嘅Jessica已經教授上身咁，講野好有權威，有說服力。

「再簡單啲講，你細細個咪成日比牙爸牙媽話講大話會甩大牙嘅，但講大話係咪真係會甩大牙？ 呢啲咪宏調囉。 所以話香港人醒係有原因，一般大陸人咪on99聽到以為係傳銷，嚇到走唔切，但我地香港人唔同，能夠接受新事物，又比較高學歷，大部分人會明呢個生意根本係一個排隊拎錢嘅遊戲。」

呢個時候Mary用一種"係咪呢，我冇呃9你，呢壇野堅得"嘅眼神望住我。而呢刻嘅我，已經開始動搖左啲啲。

「唔係喎，可能有機會係真架喎呢擅野，600幢樓，又銀行卡，又電話卡，又房地產變更又真係有好撚多香港人係上面(目測見到嘅香港人有超過100人，佢地聲稱而家有600個人淨係佢地條team)，如果為左呃我個7皮野人仔，設咁大個局來呃鳩我，咁都抵比人呃啦」我內心嘅魔鬼不停引誘我，雖然我有好多野似明非明，但個下我又覺得似真又似假，真假分不了。

其實第四日嘅堂比之前個三堂有趣好多，終於唔係重覆性嘅野，又有兩堂係香港人港，共鳴感強好多。今日嘅課程主要係圍繞國家點樣去做宏觀調控，意思大致係國家點樣用負面消息（佢地叫做負面宏調）去嚇走啲冇膽嘅人。因為呢擅野係培育有膽色嘅國家商人（但同時佢地又會話係扶貧項目）另一方面，佢地話宏觀調控係保護呢個項目嘅參加者。因為如果個個都做呢個生意，國家就冇人做實體經濟。（呢個世紀級傳銷勁到連貨都冇，佢地聲稱個3800入會費包埋個精品包但我到呢刻都未見過）Mary仲有佢啲朋友都話香港呢邊發展左幾年，話見證到好多人上左老總，又話佢地做得幾掂，又幾成功，又不停比側面證據我睇，例如百度有新聞講貴陽世紀城龍祺3苑拉左好多傳銷犯，但事實上根本冇3苑傳在(所以我都覺得好鬼秘)，又或者比啲傳銷新聞你睇，但成個報導係錯誤百出，下删幾十個例子。 總之睇完，你再望返啲負面新聞，然後只會成班一齊得啖笑「宏調姐」，所以根本佢地已經打哂預防針。

到左夜晚，有一班人上左黎屋企玩，吹下水，總之好開心啦。然後你又會憧憬一下將來如果能同呢班同事做野就好啦，因為返工真係冇乜壓力好似，成班人又有共同目標，又玩得開心。 加上佢地成日強調呢壇野唔怕係假，最怕係真。萬一係真，miss左呢一千萬咪仆街冚家產？ 加上要蝕嘅又好似唔多，最多係50000人仔(因為組織第二個月會比返19000你)，同埋時間，年輕人有乜可以輸！

而且當再了解落去，我發覺的確好多有高學歷嘅大學生，有前公務員，有啲係成家過黎做嘅生意佬都玩呢擅野，結果因為我貪同想搏我動搖左自己之前嘅信念，將今天的我打倒昨日的我。加上成個氣氛好和諧融洽，真係人人為我，我為人人，個個都滿腔熱血，比大學啲ocamp勁1000倍。亦係因為我嘅自負同埋貪，我差啲就full pay加入呢個自願連鎖經營。。。

巴打加油講下，前排都差啲中伏 不過唔係呢間

巴打加油講下，前排都差啲中伏 不過唔係呢間

你想知啲咩？

到2017都仲有人做傳銷

到2017都仲有人做傳銷

呢個1040多到你想像唔到

到2017都仲有人做傳銷

呢個1040多到你想像唔到

細細個已經聽過呢個名
其實近排身邊都有朋友中左傳銷 當冇左朋友算 根本冇可能叫得醒佢
搵哂d新聞俾佢睇 佢只會話唔好網上面既野

之前都有post講過，佢地通常會講你本身做開果行，係大陸有生意發展緊，問你有冇興趣，叫你返去睇幾日當玩下。

去到你就發現成班人剩係飲飲食食，唔撚洗做，然後日日就叫你見唔同既人，話幫你融入，實質洗你腦。做你上線既人又要包你食、包你住，其實佢地個個都食緊老本，完全冇收入，所以一開始先會叫做「生意」，佢地班人以為自己會終有一日拎到1040萬。但係個個都會扮到身光頸靚咁，目的都係要你落搭，重有會不斷咁話啲傳銷新聞，係政府做出黎，用黎調控啲人唔好咁多人參加，因為真係太好賺

開頭會叫你搵屋企人落手，因為最親既人最無防備。同時又令你覺得，搵錢梗係同屋企人齊齊搵啦，所以真係好撚仆街。

如果你想救你朋友，同佢講咩新聞呀，證明呀⋯都係冇撚用，因為佢已經洗撚哂腦，最好你而家知道佢地既地點，就去報公安，通常都會拉鳩哂啲上線，同時佢又唔會知係邊個做，但又可以直接令到成班人醒，唔好再害人。睇新聞之前都有好多台灣人/香港人畀人拉左，但通常都係好快放返，因為知佢地畀人呃同埋太撚多人。

唔係咁做，你就要同哂佢身邊所有人講佢做傳銷，令佢完全搵唔到人做下線，佢洗哂啲錢就會醒，但呢個方法可能需要長時間。

多謝巴/絲打嘅建議 如果係報公安程度應該要點？ 例如我係咪一定要上返貴州公安局舉報？ 破壞佢朋友圈我諗過，但我怕令佢臭朵 我唔知點好已經。。。

巴打加油講下，前排都差啲中伏 不過唔係呢間

你想知啲咩？

又冇話想知啲咩 只係想巴打分享多啲唔好等咁多人中伏

巴打加油講下，前排都差啲中伏 不過唔係呢間

你想知啲咩？

又冇話想知啲咩 只係想巴打分享多啲唔好等咁多人中伏

我會努力分享多啲野，等未中伏嘅人小心啲！我怕永遠冇左呢個好朋友 巴打你呢？ 你係差啲中左邊個地方嘅伏？

樓主飛上大陸張機票係自己出錢定mary出架？

樓主飛上大陸張機票係自己出錢定mary出架？

Mary幫我出住先，但最後自己比反

樓主飛上大陸張機票係自己出錢定mary出架？

Mary幫我出住先，但最後自己比反

樓主肯肯定係mary隻兵

大家有冇遇過格爵？

巴打有無tg，我諗你講嗰個芳姐係我屋企人啲朋友 可唔可以同你confirm下？

推

推

推

巴打有無tg，我諗你講嗰個芳姐係我屋企人啲朋友 可唔可以同你confirm下？

芳姐係一個大陸來自農村嘅女人。 你屋企人個朋友黎自邊度？

南寧啲friend

之前apa有套劇係講呢類野

lm 好似有朋友中左
不過佢話上去更重要係搵人脈

宏調

我朋友都話過幾日上走武漢， 又係做咩項目， 十成十都係呢d

高等教育，我呸