陳穎欣不點名再轟《正義迴廊》指弒親內容是「唱衰香港故事」
工聯會立法會議員陳穎欣日前表示，「電影發展基金」資助項目涉嫌有「軟對抗」、負能量的情節，文化體育及旅遊局回覆指，不同人對電影的感受不同。陳穎欣周四在立法會會議上，斥局方的回應「係一啲阿媽係女人，阿爸係男人嘅答覆」，又不點名再炮轟電影《正義迴廊》，指劇情涉及殺害父母，是唱衰香港故事：「同埋我都想問吓局長，一啲弒親嘅電影，難道會有人覺得呢啲係帶嚟正面嘅感受咩？會說好香港故事咩？」局長楊潤雄回覆時重申：「電影業發展得好，本身已經係說好香港故事，說好中國嘅故事。」當局亦會要求電影必須符合香港法例，包括《香港國安法》。
會上質問楊潤雄 陳穎欣：難道會有人覺得呢啲係帶嚟正面嘅感受咩？
陳穎欣日前引述稱有意見指「電影發展基金」資助項目不但涉嫌有「軟對抗」、負能量的情節，更缺少「說好香港故事」、「說好中國故事」的元素。香港電影工作者總會發言人田啟文回覆《獨媒》查詢時表示，電影是商品，而非宣傳品，「宣傳」效果不是優先考慮的元素。他重申香港是多元化城市，應有「包容、兼容」的姿態，並呼籲給予業界空間。
然而，事件尚未完場，陳穎欣周四在立法會財委會特別會議上向文體旅局追問，質問楊潤雄，「電影發展基金」的資助項目為何未有就「增加正向思維」、有助說好中國、香港故事加分。
陳穎欣表明不滿當局的答覆，更冷笑稱「係一啲阿媽係女人，阿爸係男人嘅答覆」，並不點名提及電影《正義迴廊》，指劇情涉及殺害父母：「同埋我都想問吓局長，一啲弒親嘅電影，難道會有人覺得呢啲係帶嚟正面嘅感受咩？會說好香港故事咩？」
不滿政府未有主動把關 引用國家文化和旅遊部政策法規司、國家安全
在會議上，陳穎欣續不點名斥責《正義迴廊》：「要拍一啲唱衰香港故事嘅電影，如果佢哋自己有錢出錢嘅，都算啦，但係就請政府唔好畀人攞公帑咁樣做。文體旅局都唔可以本住財散就安樂嘅心態，政府要主動做好把關嘅。」
陳穎欣更搬出國家文化和旅遊部政策法規司，稱部門早年曾作出研究，比對英國、法國及美國的模式，指文化事業經費與治理模式相關，認為只要接受政府財政資助，便要受到政府一定形式的參與及引導。她引用美國電影《Top Gun: Maverick》，便是說好美軍故事的電影，獲美國國防部大力支持：「用啲咩器材都係由美國國防部主導，就唔係話洗咗錢呢，就任由佢放飛，點解文體旅局可以例外呢？」
除了國家文化和旅遊部政策法規司，陳穎欣亦提及今年為總體國家安全觀10周年，全民國家安全教育日涵蓋的範圍包括文化安全，認為當其他部門都要講求國安教育、培養國民身份認同：「咁點解文體旅局又可以例外呢？」
楊潤雄：當中有啲誤解喺度 親身解釋「不同人可能有不同看法」
在回應的時候，楊潤雄先稱「當中有啲誤解喺度」，指 「電影發展基金」是推動香港電影業發展：「電影業發展得好，本身已經係說好香港故事，說好中國嘅故事。」
對於局方回應「電影內容都有多方面的訊息，不同人可能有不同的看法和感受」，楊潤雄引用例子解釋：「譬如一套戲，有個賊殺咗好多人咁，跟住俾⋯⋯最後落網，警方盡力快去查到個案，咁你睇前嗰段，定睇後嗰段呢？前嗰段佢真係殺人喎，呢啲就係好反面、好負面，後嗰段反映咗我哋政府，警察有力去捉到個賊，喂！個賊好叻嘅都捉到佢，咁係正面㗎喎。」
楊潤雄認為，整件事情正面或反面有很多不同看法，但重申當局會要求電影必須符合香港法例，包括《香港國安法》：「佢唔可以拍一套戲呢，危害到國家安全嘅，呢個係絕對一定唔會發生嘅一樣嘢。」
楊潤雄：有陣時都要容許我哋嘅業界有空間去推動
除了引用例子，楊潤雄亦隔空「討論電影」，提到電影中的情節或角色講述的說話：「佢講完嗰句嘢，大家可能覺得負面。跟住可能喺個戲裡面，可能有人反駁返佢。所以呢啲嘢⋯⋯有陣時都要容許我哋嘅業界有空間去推動。」
不過，楊潤雄最後再補充說：「當然如果一套戲，成套都能夠更加好講到好我哋香港故事、我哋中國故事，更加係應該值得我哋支持。我哋都更加樂意係用政府嘅資源去資助佢哋。」
https://www.inmediahk.net/node/%E6%94%BF%E7%B6%93/%E9%99%B3%E7%A9%8E%E6%AC%A3%E4%B8%8D%E9%BB%9E%E5%90%8D%E5%86%8D%E8%BD%9F%E3%80%8A%E6%AD%A3%E7%BE%A9%E8%BF%B4%E5%BB%8A%E3%80%8B%E6%8C%87%E5%BC%92%E8%A6%AA%E5%85%A7%E5%AE%B9%E6%98%AF%E3%80%8C%E5%94%B1%E8%A1%B0%E9%A6%99%E6%B8%AF%E6%95%85%E4%BA%8B%E3%80%8D?fbclid=IwZXh0bgNhZW0BMQABHeTpQkEyKNdHdWA1nJZ0emCURlhaJLj-kSpGx3Y2FjhWGgneIBqv5zuX3w_aem_AdNFpQ_zyntPObRCBLCMEasYG__FLSBCr--aP86QKPoXA6DEviNPINWXiic7FNcJAq0
