醫療保險討論 (Mainly Bowtie, Cigna, FWD)

唔洗smm
有淨果d 用份高端醫保 （fwd倍衛您） cover得唔得？

未試過入院
不過你預咗50000同標準plan之間會有個gap要自己比錢去填（嗰年第一次住院嘅話）

PM 我.我又比網上折頭高既BOWTIE CUSTOMER DISCOUNT

買左fwd第三年 係上年9月入院 到依家都未收到錢 check呢樣果樣 問完個經紀一直叫我等 如果等錢洗真係on9

首年6折？

投訴

投訴邊度？直接打上fwd?

Fwd 先，之後保監

一定係Cigna

買咗唔賠錢？

坦白講，冇理由自己走去買孤兒單比自己
其實可以考慮FWD嘅易衛您
然後再加一份250,000墊底費尊衛您
我覺得咁樣就係必殺
即係代表你每一單嘢嘅零至500,000全部啦
然後250,000以上就可以每一年有1,100,000,000 quota
然後終身無上限。
即係零至1100萬嘅醫療住院你都唔使擔心🤓🤓
佢仲有埋意外門診都係全數保障同埋意外嘅牙科
而且佢亦都係自願醫保，你又可以扣稅。

倍衛你係咪冇得網上投保？我見尊衛你又有

係咪已經比chubb買左

高端醫保每年供7-8000保費 agent佣金有幾多到？

想問下點解唔用易衛您+18萬墊底費倍衛您既玩法？我個人覺得好似性價比高少少。
易衛您本身只係包普通房，配尊衛您半私家房Plan好似有D浪費，因為易衛您如果Upgrade半私家得50%Claim，用返都係普通房既高墊底費倍衛您好似合理D。

再者，專衛您每年保費貴過倍衛您少少，雖然保額係會多400萬一年，但係普通房又有幾可係會claim爆800萬。

考慮埋通脹（4%），而家既800萬/1200萬係30年後大約等於而家200萬/300萬價值，普通房黎講感覺上已經夠用？

純理性討論，因為目前考慮緊想買呢個組合，而家仲追緊其他Post。

我agree 高端醫療要買半私家房

不過買25萬自付想攞嚟過世係傻嘅

易衞個保費只會不斷加，仲要個加幅會隨住人嘅貪念而上升

高端就間間都差唔多，揀間信得過就ok

呢幾日研究緊自願醫保，覺得有幾點對投保人真係無乜保障

首先係自願醫保既保額，目前比較主流玩法都係一份Basic + 一份高墊底費既高端醫保，因為自願醫保可以保障續保到100歲，所以好多人都打算一個Plan玩到老。但問題係香港人口老化問題，預計未來醫療開支一定會越黎越高，而目前市面上主流既高端醫保保額，係30,40年後，扣除醫療通脹/貨幣膨脹之後，又未必能夠Cover當時既醫療支出。雖則30,40年後可能會有新產品推出，但假如投保人曾經索償過，又可能會有一堆既不保事項，轉保可能會有困難，變相而家投保個保額真係盡量有幾高得幾高（但係目前市面上高額度既醫保都有D貴）。

其次係保費加幅，好似Ching所講，其實目前自願醫保監管計劃好似無限制到醫保保費既加價幅度。雖然自願醫保個保費係透明，但加價幅度係由保險公司決定，萬一保險公司係若干年之後將突然大幅加價，根本消費者係要硬食個加幅。特別係已經索償過，已有疾病既投保人士，想轉去其他平Plan困難重重。


再者係公司倒閉風險，雖然自願醫保規定左保險公司要對已有既自願醫保計劃續保，但世事無常，萬一保險公司倒閉，自願醫保計劃既人士係醫保合約期完結之後就會失去醫療保障，咁果班因為索償過而有已知疾病既投保人士想轉去其他保險公司就會變得好困難。不過因為目前香港未有保險公司倒閉既案例，所以都無例子可以助證我既想法。

但係通常高端都係半私家 靈活唔係大部分都係普通房如果upgrade上去本市價淨係可以claim到50%

靈活計劃 只係 smm部分先至會有半私家調整因子
本身基本個額係唔會因為住半私家而得返50%
高端醫保 只要你係5-8萬墊底，墊底唔太高
相信住半私家都唔會影響太大

我見bowtie都係話調整因子但係就冇講淨係smm 本身用緊佢個標準+cigna 靈活16000墊底 係咪跟師兄上面講咁樣買抵啲

標準+ 低墊底高端醫保都冇問題既

不過我覺得靈活計劃 + 8萬墊高端醫保好啲

因為如果8-10萬內既小手術/入院,
剩係claim 靈活計劃就夠
唔需要郁哂兩份咁麻煩

標準+ 低墊底高端醫保
就每一次一定要郁哂兩份


同埋放心,bowtie 靈活計劃 調整因子部分 ,一定只係smm果part先計
如果唔放心/想了解清楚啲,可以send個wtsapp去問,佢地覆你都好快

Lm

但係就咁睇10life 佢照腸鏡同非嚴重住院嗰啲間間靈活都要自己再畀千幾至兩千幾蚊 好似搞一次都夠cover低墊底嘅保費差

首先，多謝你嘅理性討論！
講返加幅嘅問題，其實自願醫保醫療通脹呢啲
Under政府嘅自願醫保要加價，首先間間都咁上下
所以我覺得平嘅唔一定加得多，
調返轉貴嘅都係會加，咁點解唔揀個平嘅呢？

而且呢亦都有好多唔同嘅組合嘅
主要係睇個人嘅需要
如果你話想半私家房嘅話，
其實你可以買以易衛您嘅特等
不過一般比較嘅話，如果唔介意係普通病房
其實易衛您係好抵，佢0至500,000係講緊每年度每傷病

我揀呢個組合係因為其實易衛您加尊衛你組合
加埋個價錢係會比起零薦底費嘅尊衛您平
你要多啲資料可以問我又或者你自己試吓上網搵。

而且點解話揀個250,000墊底費呢？
咁樣其實你0至1,100萬都包晒，
如果可以嘅話呢最好做埋供斷醫療，
咁第時至少所有醫療嘅開支都唔使擔心，

當然啦，有啲人會選擇可能揀萬幾蚊薦底費嘅
咁當有啲咩指定危疾嘅時候其實個墊底費係會降至零

尊為您係講緊1,100萬上限一年。
你講緊普通房唔會claim爆
呢一個呢其實個問題唔係住咩房
個問題係萬一真係cancer治療
而家嗰啲藥物其實真係唔可以睇少
同埋呢尊為您係你去第二度醫病，其實佢都可以claim到
再者就係尊衛您你記住依家係有update寰宇版
你唔好睇舊版
尊衛您佢住院或者日間手術前一個月嘅所有診症
出院後90日內嘅所有複診都係包晒。
仲有仲有就係調返轉，如果你downgrade住普通病房係會有錢俾返你嘅尊衛您
所以你想到時住半私家又得，你想downgrade都得😁

不過至於個價錢真係可能要知歲數先可以答到你
計出嚟先知，始終就咁講唔想好似講乜都得咁

同埋講返加價嘅問題其實以易衛您為例
對上一次係2020年，直到今年都未調整價格。
不過嚟緊今年2024年係應該會調整價格😊

希望盡量表達到得多啲嘢，始終文字

其實醫療保險agent佣金真係唔多
你預10幾%
我當你俾多有20%第一年。
因為有啲到第四第五年就應該可能得返5%。
其實主要都係睇嗰個計劃