肛門瘻管

我試過
一開始feel到肛門口痛以為只係痔瘡冇點理
但之後越嚟越痛但都死頂
直到有日返工開開吓會 真係痛到坐唔到
同我上司講唔舒服走先
跟住自己睇急症 應該晏晝時分
跟住直接安排上房等做手術
點知未可以安排到手術室
要第二朝凌晨做
嗰晚完全瞓唔到 點轉身個屎忽都痛
最記得入手術室後
打全身麻醉針前後簡直兩個世界

因為個傷口係肛門口
手術之後留院時唔敢點食嘢
食都食流質野
盡量避免急屎
一向至少一日屙一次屎嘅我
喺手術之後三日冇去屙屎
盡量避免整到傷口
好似上面咁講
蚊棉花出嚟果下真係痛到仆街
好似連埋啲血肉扯出嚟咁

出院之後仲要keep住去診所洗傷口
成日比啲姑娘打開個pat pat抹傷口
少尷尬

半個月就多左一條?
你果陣發炎好嚴重?

咁你有冇被人屌屎眼

食Daflon有無用？

咁點痾屎

成件事係會加速 建議盡快做手術
我有半年每日要係屎窟夾紗布先出到街
穿咗之後我仲要帶兩三塊喺街度換
第一條穿咗但係自己埋咗口 之會即刻谷第二條出嚟
手術前兩日第二條穿咗
我第一次手術係做掛線手術
囉柚有兩條橡筋掛咗兩個幾月
第二次手術係做切開
個傷口好撚大條！！！頭三日我一日要換四五次紗布
朝早起身成塊紗布都係血水
手術後要每日自己坐浴缸洗兩三次
其實都feel到recover幾快
大概兩個禮拜到冇再流癑 一個月多啲到完全埋口

靚女攪就無所謂啦，男人就唔得

加油，諗住總會過去的，忍下忍下就過去

去台灣醫

點都會有小小，屎眼附近有疤又有咩所謂，你個屎眼成日要俾人睇？

三年前左右開始肛門附近有一粒野
有時會痕 大便完更痕 去到後尾 全日都好痕 甚至痛 去睇私家外科 話係skin nodule 就局部麻醉 就咁切左去 小手術嚟 大概兩星期好返 以為一了百了 冇事

但過咗四五個月左右又翻發 肛門外左面一粒凸出嚟 好痕好唔舒服 感覺同之前嗰粒一樣
右面就純粹摸到好似俾蚊咬咁 腫腫地
忍咗年幾忍唔住再去睇醫生
去睇公立GOPC 俾咗啲抗生素我食 食咗一啲用都冇排專科外科排到2024
去睇私家醫生 照咗MRI 發現有三條瘻管…
就直接私家做 全身麻醉 切左去 total洗咗大概七萬蚊

手術過程好快 半個鍾到
total有三個傷口 一個大兩個細
拎咗五個組織去化驗 (冇事)
傷口都幾深 但因為要由底層開始慢慢愈合 所以唔會縫埋去 用紗布塞住
做完手術 仲以為唔係好痛喎 第二日仲落到床 第二日下晝出院
返到去就知死

行要就住 瞓要就住 平瞓唔到 坐要就住
好唔自在
屙屎先係惡夢 要先張紗布掹番出嚟
每次屙個下都需要勇氣 因為會撐到個傷口
痛到喊
出院送咗個膠盆加藥水俾我每日坐浴
用暖水開藥水坐浴 傷口會好乸好痛
最痛最痛係洗傷口 每日都要洗 頭個一兩星期係痛到喊lol 最後都要兩個幾月先叫做傷口愈合左 病假都俾咗成個月

當時覺得俾錢買難受 但係真係做手術先解決到 Touchwood依家都冇事

掛線好似係複雜性瘻管
咁你果2個月真係濕住出街

都要痾架，痾完慢慢清理，好在我一向唔驚屎


不過頭幾日我發燒，我每次痾完屎女朋友幫我清潔屎眼，之後買咗粒鑽石戒指定婚，而家係老婆

有諗過
但係心諗要痛住響外地好淆

護士插支棉花棒入去我傷口入面吸血水，我叫到全層都聽到

有個細細個棉花棒頭大細既洞
因為成日係街屙屎抹唔乾淨
大力啲又流血
又會好似有小小流汁咁
而且俾條女毒龍會驚臭

未做之前已經濕
濕咗四五個月
所以既然發現咗就即刻做啦
食藥好返嘅機會係50%
手術可以有70-90%

其實果個位植唔植到皮？

sor 我笑咗

俾個你老婆

屎眼植皮咁創新
但佢唔係冇左表皮應該唔得啦

咁一定細力過用力抆屎

其實我一路都係想做手術
只係第一次睇果個醫生唔撚做

咁你痛多一陣 爆咗即刻再去睇醫生
我就係美國做嘅 全身麻醉
好彩有保險不過都洗咗差唔多兩千蚊美金
醫生手勢好好 複診咗兩次都冇復發
下個月複診應該係最後一次

樓主襯早搞我幾年前都試過，開頭爆一條，跟住冇理一年，點知爆三條，即刻搵私家睇，隔日就刻喺浸會做手術。19年60k落樓。

瘻管手術前好就好在淨係灌一次腸，無咁辛苦。隔離床搞痔瘡飲咗成晚1.5L瀉藥，屙咗13次

建議你瞓醫院嗰幾日帶定啲m巾去換，舒服過醫院比嗰啲綿條，做完手術係咁標血，條綿條夾到濕晒瞓教好唔舒服
出院後，醫生開咗成個月假，期間傷口要浸藥，食嗰啲軟化大便藥，個人覺得呢個最難頂，成日搞到好易肚痛急屎
好翻之後依家完全唔敢用出面啲廁所

飲瀉水好撚慘
以前做過腸胃鏡
真係屙到仆街