就嚟退休
2023-06-12 21:29:04
我覺得過嚟加拿大係我人生一個正確嘅選擇
第一
呢度無咁重攀比心 人生方向好多選擇
我覺得香港價值觀對年輕人成長無益處
香港社會思考模式單向 讀書工作結婚買樓生仔
如果你唔跟住做 你就係異類
我覺得加拿大環境不斷地畀我一個msg
「人生係你自己嘅 你自己搞返掂佢 我哋係提供安全乾淨嘅環境支持你思考 但人生規劃係你嘅責任」
同香港調轉 香港幫你諗咗你人生要點 你唔好變
呢度識人做律師 但會返超級市場pt上貨員
畀著喺香港 呢個人被視為自甘墮落
第二
從認識不同種族/國籍朋友 觀察唔同民族嘅特性
白人好識保護環境同好識吹水 不過理財麻麻
華人好識效率同理財 比白人怕醜 但唔團結
印度人好chur 覺得佢哋呢個民族真係有潛力
咁我諗 香港人又係咩呢?我哋價值又係咩呢?
第三
多咗時間同空間 可以靜心諗清楚自己人生版圖
工作好忙 但休息真係無人打搞 盡量都準時收工
工餘時間會思考自己未來想點
喺香港都會咁做 但感覺邊條路都唔啱
呢度好似好多可能性 無人鼓勵同反對 自負盈虧
我Stream B 到埗無工無朋友無親戚無屋
回想成個過程好興奮 因為全部嘢係我創造
無工揾工 無屋揾屋 無朋友識朋友 而家就係無錢揾錢
雖然而家經濟仲未穩定 但睇到自己一個月比一個月向上
我對自己未來感到又擔憂又興奮又期待
究竟未來有咩嘢等住我?呢啲經歷係我人生嘅一頁
短期內唔會返香港 我唔想再被綁住 唔想再屈就自己人生