[Switch] 薩爾達傳說 王國之淚 [28]之糟質yahaha

佢就係要你解是旦一個神殿先肯走
一解咗一個神殿佢即刻行走

自從有左肥仔就好少用炸彈花
留番黎打boss

要幫手既原因咪就係祖傳落黎既遺言,魔王復活就要全力幫Link手因為有佢先可以打贏

好難明咩

個問題從來都唔係難唔難明
而係憑一句祖先、血統、後代就足以為成為動機嘅話
即係佢命定一出世就要點點點, 有任何安排都唔會影響佢呢個身份

你自己出世之後都唔係兩老講咩你就聽咩喇
一個角色要靠其他人去賦予動機俾佢, 咁個角色自己有咩存在價值呀
咪工具囉咪替身囉

點解個個人都嗌龍之淚劇情好呀? 係因為zelda同link呢2個角色由botw開始就一直有鋪墊, 佢哋本身有充足嘅動機去講點解佢哋要咁做呀嘛

而唔撚係單單有魔王復活所以佢哋要搏哂命去打仗呀

上集已經因為英傑神獸咪已經有交集囉?
而且追尋神獸本身都係一齊戰鬥啦
火雷水三個本身同你係戰友, 風既父親塔巴同你係戰友
今集既關係都係廷續落黎嘛...

你所謂交集唔係要佢講明要相識數十年所成立吓話?

想問 打完 大佬 係咪冇得繼續玩
睇完ending跳出主畫面
Load個d save 又未打大佬前

先唔好講佢地或多或少同林克同薩爾達有朋友關係
魔王復活, 然後滅世呢個理由唔夠幾個賢者出手?
單單自已想保命已夠理由動機做野吓話?

定係你想見到「林克, 我同你唔熟, 魔王滅世唔關我事, 我返屋企先, 你自已去啦」

加戒心小刀一流

其實真係唔洗諗到咁複雜
魔王復活全世界所有族群都會死
單係呢個原因已經足夠

我從來都冇話佢哋冇交集喎, 我只係話佢哋嘅交集好薄弱咋喎?

點解botw link要去救村呀? 係因為zelda叫link去救佢, 而帕雅同link講, 你要四神獸先可以救返zelda出嚟呀

救村從來都唔係個goal, 而係個mean
即係條村只係一個手段而唔係目的, 咁嘅交集點樣稱得上好?
你不如話有路人問你路, 然後你話自己同個路人好大交集喇

今集關係係有延續呀, 但關新四賢者咩事?
有關係唔等於延續, zelda同link講得通點解有咗上一集嘅遭遇之後造成而家呢個境況先係延續

相關係唔等於延續喎, 我一直都話 除咗希多之外
班新賢者每一個都係倒模咁聽自己祖先講自己應承咗zelda, 然後佢哋就乖乖地要幫link手, 所以就算其他3條村根本冇咗botw嘅發展, 一樣唔會影響班人去成為新賢者

呢個咪就你祖先叫你去做就做嘅on9之處, 佢唔需要上一集嘅鋪墊一樣會選擇同一樣嘅行動, 咁咪就係做唔到延續嘅位

希多都唔需要講明相識數十年喇, 點解希多由botw到totk都係大家公認最信得過嘅新英傑/新賢者先?

魔王復活係影響佢地族人同全世界
點會唔關佢地事

我覺得動機夠晒喎
首先， link 係Botw 已經幫過呢4個新人， 救過一次佢地既種族+係佢地自身成長既路上幫過手（除左丘粟啦， 但link 都幫過佢老豆特巴， 佢本人都知+有少少敬仰link)
之後再見證botw 既link 打敗魔王救世

依家天地異變， 各個種族都出問題， 呢個時候， link 再出現同佢地合作再一次解救族群， 加埋得到祖訓， 叫佢地要同link 合作打魔王。

成件事在情在理都夠晒動機

係咪真係有睇故仔 定係SKIP晒主線任沖左去打ENDING就算

風賢係上集已經有交集

咁所以我咪講, 如果係單單祖先叫到/ 魔王復活就已經有足夠強嘅動機

咁使撚botw入面zelda成個家族收皮咩?
直接叫希卡族吹雞去海拉魯王城BBQ得喇
反正佢哋有血統, 祖先已經應承咗zelda要幫手喇

咁使撚下下要link救村咩? 佢哋條村有冇緊急過魔王復活直接滅世呀?

Link要救世 係zelda 成個系列既輪迴嚟
佢係注定要救
依個係咀咒嚟
其他族人都係困係依個輪迴入面
所以全部係注定會繼承同幫link手
依個都係link個名既原因
你係睇故駁故咁解

你見到個save有粒星, 已經係打完左大佬嘅save
呢隻game 冇end game 後繼續
(因為劇情接唔上)
佢係一定會彈你返去打final boss之前

死都唔去，再嘈就裝火箭射晒入森林

Thanks

明你意思, 而家劇本個處理, 只係大概令玩家明佢地係「收祖先order做野」
而感受唔到佢地內在既動機係乜
就算滅亡危機都好
都唔一定係每一個人都會挺身而出

每個角色做一件事應該有外在同內在既原因
即係如果全遊戲所有npc都一齊去打加儂 都係唔合理
林克會肯打, 係咪因為佢前有「拎得起大師之劍, 作為薩爾達護衛」既起源故事, 後有佢同薩爾達既個人感情先會去做

呢方面其他三個賢者既描寫真係太過薄弱
唔係話冇 可能玩家玩完都可以勉強講到大概原因(e.g. 阿沅係大佬嘛, 大佬就狽飛架啦 之類, 但再進一步都係講唔到點解佢會願意去做大佬狽呢條飛)
而係劇情冇做到出黎

而同作品入面 係連微達既故事線都可以做到呢d敘事
其實就代表遊戲設計師既考慮 唔係單純因為淨係sell gameplay而唔想做敘事
而係真係四賢者嗰part既故事做得差
或者根本係舖緊DLC再講返佢地既故仔