用咗兩個幾月，整咗幅《香港地名地圖》

細個睇住填海到「南昌邨」出現，習慣一係直接叫地方名「南昌邨」，一係叫深水埗，「南昌站」、「南昌公園」都係叫地方名，唔知點解叫「南昌」硬係有啲怪怪地。
類似情況「太古」一定直接指「太古站」、「太古城」，個人唔會叫「太古」，「太古坊」位置喺鰂魚涌，亦無其他位置可以叫做「太古」

原來真係有人會分唔到 AI 圖同真相

本來呢個page啲料唔錯
但後來變咗講少少然後叫人課金睇
要保衛香港名字唔係應該畀多啲人知咩？
可以話同佢個理想相違背
變晒質十足啲cap水偽黃店噉
原來重咁小氣

咁似happy konger既

傻鳩

有心機整幅圖之餘對住啲19批評同依啲痴線連登仔都不卑不亢回應，G持

而家叫太古
都係太古 康怡 康山一帶

你係正名撚？

長遠要用program手法處理，因為AI單檔會頂唔順，機勁都係咁話

而且更新方便

底圖
[地名] {（id, text, font, size, angel, x, y, x.scale, y.scale）}

依家有ChatGPT，你可以講個concept比佢知，叫佢寫，如果唔想setup environment，可以叫佢用HTML5來交功課比你

佢應該有能力幫你做埋例如「加減改地名」的GUI化功能

幾開心見到自己住嗰區個名

利：住村屋

南昌 海達 海盈 海麗

就係唔知咩嘢係正名，先至直接叫xx站 xx屋苑
例如富榮花園後面海富苑唔知叫入旺角定係奧運，直接叫富榮嗰頭就算，最多人識
天水圍入面咪直接叫條邨名天耀 天瑞，嘉湖甚至直接叫樂湖，景湖，銀座等等，一係對外人叫天水圍，甚至濕地公園都易明過咩天水圍南 天水圍北
要拗就沒完沒了

有咩所謂，咁咪tinder 食女lor

有冇諗過印衫

我荃灣西個到有D痕

Lm

無錯 識欣賞既人自然會有興趣睇
支持你樓主

連登仔好撚雙標架
一個唔該認真係D位係佢地唔中意例如lol/研究小眾youtuber
你咪又係俾人屌on9仔

無聊

元朗田寮村呢？

【ver 1.1更新+其他連結+解答詢問】

〔1.1 更新內容〕
・新增地名：東角、天后、菴由、樂意山（鱷魚山）、大灣〈九龍灣〉、作壆坑、紅泥塘（黃泥塘）、恆安（馬鞍西）、雞寮、海怡、利東、河背〈城門〉、白石窩
・新增海灣名：龜背灣、東頭灣、白沙灣〈赤柱〉、中灣、南灣
・新增廣域名：大潭、銅鑼灣〈港島〉、馬鞍山、城門（城門谷）
・新增別名：貝澳（+杯澳）、中環（+中區*）、茘景山（+茘枝嶺）
・新增設施名：[九龍灣商貿區]、[馬鞍山市中心]、[四小龍]
・變更地名：大潭➔大潭篤；深水埗西➔南昌
・刪除地名：銅鑼灣〈港島〉（➔改成廣域名）、馬鞍山〈新市鎮〉（➔改成廣域名）、城門谷（➔改成廣域名）、鴨脷洲
・修正位置：長沙灣〈九龍〉、深水埗、坪石、九龍灣、羌麻窩、石頭見、徑山、黃竹洋、四方山、燕岩頂

・新增參考：香港地方大典、hkmaps.hk
・修改準則：「本圖原則上不記因鐵路車站名所衍生之俗稱（如太子、天后），惟該處如普遍視爲獨立地方，卽不視爲毗鄰有官名之 地一部分，則收錄，如佐敦、葵芳、兆康等。前二者各有古官名官涌及醉酒灣，故俗名記於括弧內。」➔改成「如某鐵路站名已成其處一帶之約定俗成地名（如金鐘、天后），雖受傳統地名忠士之嫌，本圖亦特以記之，以反映時下實情，與時並進。當中如有古官名，如佐敦、葵芳各有官涌及醉酒灣古官名，則新俗名記於括弧內。」

*呢個「中區」係指喺道路路牌上面作為地名而寫嘅「中區」，係中環嘅同義詞，不是中西區個「中區」。

其他提議地名如 三家村、老鼠洲 等本更新暫時擱置。

所有連結均己更新至新版本（v1.1）——
Dropbox: https://www.dropbox.com/s/36sa2ze7r63iqkp/HK_Place_Name_Map.png?dl=0
Google Drive: https://drive.google.com/file/d/19xoxswX0_3ub7S6wg6D6U6bYsBHO7jw1/view
OneDrive: https://1drv.ms/i/s!AmPXWojpPC7ih_E21iKZhw5HMy027w

-------------------------
因為逐一答大家會導致洗版，故此我喺呢度統一答大家嘅提問／意見。

首先多謝大家咁支持呢張圖，5000+個正皮 兼 上埋精選 我係完全冇諗過。

Ｑ：幅圖最大問題就係字體大小一樣，無分輕重，個個地名都睇落一樣重要。
Ａ：呢個係本圖嘅核心目的之一：我故意用同樣大細，去令大家唔好側重去睇市區地名，而係所有地名一視同仁，擺脫「市區名就要知，郊外名知嚟都嘥氣」嘅觀念，從中去認識到香港其實係有好多有趣地名。又如同一位巴打所講：「睇呢張圖，好似玩緊 Where is Wally 噉。」呢個就係exactly其中一個我想帶出嘅效果。

Ｑ：呢幅圖show唔晒所有地名，有咩用？
Ａ：基於上面所述嘅核心目的，呢一個係硬傷嚟，係本圖嘅缺點。因此，如果你渴望要一張「有晒所有地名」嘅地圖，非常sorry，呢張圖唔會滿足到你…… 呢張圖只係為咗玩味／藝術性質，純粹一個帶大家去重新認識香港地名嘅入門台階嚟。

Ｑ：咪撚曬時間啦，整完放上黎呃like 傻仔，過幾日無人記得無人用啦，好心將啲時間用係第二度仲好。
Ａ：一件事嘥唔嘥時間，其實好睇每一件事所帶出嘅效果。
如果打兩個鐘頭機，可以令我放鬆心情，咁就算係打機都唔嘥時間。
無論做咩事——享受過程，欣賞成果，先至可以活得開心。
如果每做一件事都要「人人記得、人人有用」先至唔嘥時間，噉樣人類冇一個係唔嘥時間。
當然啦，如果你享受批評我嘅過程，然後睇到我答你嘅時候覺得好開心，我都覺得達成咗你嘅願望。希望你有開心

Ｑ：有冇諗過印衫／印puzzle？
Ａ：有諗過，不過遲下先。

其他意見大部分都應該喺 ver1.1 反映咗。如果我有咩問題／建議冇覆到，請再同我講返