用咗兩個幾月，整咗幅《香港地名地圖》

愛民嗰度係啊
不過舊嘅地名應該唔係樓主top priority

今日標準話愛民係何文田都問題唔大嘅
只係勝利道一帶同樣應該當何文田

你睇吓小炭同火炭咩位先啦

Wiki：「清初，沙田圍約、瀝源約村民已在小炭（小灘，現今威爾斯親王醫院一帶的淺灘）外築壩防汛圍田，將圓洲連接陸地。」

小炭係啱㗎

Too Long Still Read

好L堅

何文田街都係窩打老道嗰邊但經過時代嘅變遷之後已經好難真係定義地名

了解～

心血黎嘅
話唔定繼續專心做鳩事會闖出名堂

勁

香港啲地名真係好得意
多謝樓主送呢份禮物俾大家，夠晒地道

未撚聽過深水埗西
至少巴士站牌未撚見過
真係無地名 用返附近大型屋邨/建築物/街道啦

支持樓主，好有心機
有少少建議
樂華山好似好少聽人咁叫，同埋樂華邨（前復華村）都唔係好算一座山，係喺沈雲山（水塘山）同鱷魚山（樂意山）之間嘅谷地，所以唔知樓主個樂華山係咪樂意山嚟？
另外希望加返三家村喺鯉魚門隔籬，其實三家村同鯉魚門係兩個唔同嘅位置，鯉魚門係酒灣（三家村避風塘）東岸嘅地名，一直伸延到去燈塔嗰度，即係海上面嘅「鯉魚門」
而三家村就係酒灣西岸至觀塘仔灣（油塘灣）東岸，即係今日嘅油塘工業區一帶。有唔少設施都係用三家村命名，譬如碼頭、遊樂場同埋頭先提過嘅避風塘

珍… 做開Surveying 個班見到真係笑而不語
Spacial 唔係咁鳩砌

樓主好叻啊好欣賞你嘅努力
不過其實我覺得你手寫嗰張有手寫字體同唔同大細嘅地方名仲靚 會唔會考慮整埋佢

黑白 字密麻麻 似九龍皇帝

Load唔到

好有心機

樓主有一套準則去整幅圖。前提係大致上先用現時官名後用俗名(大致上意思係大家要睇番個檔案描述嘅準則為準，會詳細啲)。

當然如果係已經過時嘅官方名，即現時官方同世俗都唔會再用嘅舊名，就好似鹹田(藍田舊名)同調景嶺(舊時俗名及調景嶺地名來由)，樓主都會選擇優先用現時官名為主，再括號俗名，例如官涌(太子)；詳情要睇番樓主個檔案描述嘅準則。

我覺得個準則已經好完善，其實地名依一類真係好難。如果冇一個準則、優次，就會好雙重標準或者唔得工整。因為樓主係採取官名等多種標準為主，所以個地圖目標唔係完全係用嚟做的士地圖之類以俗名或大眾所知使用率最多嘅名為先。因為唔係完全採取嗮最常使用嘅名，所以有部分會覺得未必係共同語言或者係夾硬跟準則。不過留意番個準則，就會明個地圖其實唔係以最常用嘅名為主，所以先有誤會。

重申樓主唔係整類似Google Map或者《地圖王》，係有另一套準則，製作地圖係唔易，而且每個地圖冇話一定要跟死以最常用嘅名為優先而去製作。

不過我覺得南昌好過深水埗西，如果有空位又冇一個比較適合嘅名稱，冇官名、已荒廢嘅官名、或者係唔肯定嘅名，可以用南昌，因為好多人都會話南昌嗰邊。其實樓主都有諗過用咩名，同埋都有叫大家俾意見，有需要會改同整個更新版。

總之我支持要跟番個準則好啲，如果唔係點得工整，同埋樓主個準則唔係最普遍嘅地圖噉以最最最常用名為優先。地圖冇話一定要跟死一個世俗準則。

樓主擺咗好多心機，試問有幾多個好似樓主噉，一個人整一件類似依種水準嘅作品，而且又唔係失禮。

幾得意 搵自己識嘅地方有啲Where's Wally? feel

我打錯，係官涌(佐敦)，唔係官涌(太子)

留名支持

其實你個頭都幾型,平時應該食唔少女啦？會唔會可以出食女地圖

我又打錯，係吊頸嶺(舊時俗名及調景嶺地名由來)。