298 Like
13 Dislike
戴綠帽的人
2017-08-10 20:04:05
攰啦放過我
2017-08-10 20:20:41
啱啱係迪士尼出返黎 睇你個故
攰啦放過我
2017-08-11 23:05:00
樓主呢
塵芷long
2017-08-12 12:12:31
趕故書生
2017-08-12 13:44:07
今晚再更新
Friend過你打band
2017-08-12 15:14:51
加速
攰啦放過我
2017-08-12 15:24:10
好 等你
趕故書生
2017-08-13 01:15:22
個戰場由廚房拉出去客廳。
喱間小屋入面真係好細,三房兩廳住七個小矮人,去到邊都有人,打個飛機都無空間。
加上啲雜物呀,野食,水果之類,其實真係唔多空間剩。
老實講呀,叫一個千金小姐,唔係,係公主。平時住開大屋,又豪華,又有生活品味;忽然間同七個麻甩佬住,仲要俾人兇。
俾著香港人,一早開咗拖啦!
「嚟啦,白雪,坐!坐!」啟明見到白雪嚟嘢出嚟,更覺得佢好好,係個賢妻,值得鐘意。
啟明花心怒放,嗰種一飛衝天嘅開心,係佢之前同班毒撚未體驗過。
啟明拍一拍隔離嘅位,示意想白雪公主坐過嚟。
白雪公主拎住啲嘢食放係枱面度,以前係人準備好曬俾佢,依家佢要幫人準備。
喱種衝擊唔係講笑,往往改變到一個人,就係靠喱種衝擊。
先會有動力令人改過自新。
「好。」白雪公主無奈地應到。
就算佢百般不想,係喱個環境下,佢覺得啟明係對佢最好,係一個理想嘅「埋單」對像。
係餐飯度,個個都係度有傾有笑,問下大家啲嘢,甚麼取笑人,但每個毒撚嘅表情都係開心嘅。
係城堡入面,大家食飯都係鴉雀無聲,講求禮儀同埋華麗。
喱度?放肆地笑,大聲講大聲笑。
係白雪公主先顯得格格不入。
懶洋洋的蛋黃
2017-08-13 10:53:48
幾好睇
日日上高登
2017-08-13 12:38:03
Friend過你打band
2017-08-13 14:15:51
重有啲橙皮添
2017-08-13 15:50:37
劉明
塵芷long
2017-08-13 21:08:11
白日夢才子
2017-08-14 18:55:38
文呢
趕故書生
2017-08-14 20:48:20
今晚更新2-3篇
如果有時間嘅話會出3篇嘅
攰啦放過我
2017-08-14 21:13:40
今晚更新2-3篇 如果有時間嘅話會出3篇嘅
好!
眾人的老母
2017-08-14 21:30:30
有無加甜
連真名都剋扣
2017-08-15 01:28:24
好睇 高質
𢆡頭
2017-08-15 03:06:03
有無加甜
無慘就有
趕故書生
2017-08-15 05:05:55
白雪公主一句嘢都搭唔到爹,只能夠好似傻仔咁坐係度陪食。
儘管如此,人係一種會受氣氛,環境感染嘅動物。
係氣派而浪漫嘅氣氛下,加上優雅嘅環境,就算係講緊大話,都會覺得動人。
白雪公主都唔例外,佢俾喱班毒撚嘅開心氣氛感染咗。
喱一刻,應該係白雪公主入到嚟最開心嘅一刻。
「屌!你知唔知呀,琴晚瞓教嗰陣呀,嘉輝唔知發咩神經,係咁頂我屎忽!我成晚係咁俾佢頂,頂到我瞓唔到。」永樂一邊食一邊抱怨。
「我今晚一定唔會同佢瞓,好基好變態呀!!!」
『哇~乜你咁架』個個唔理三七二十一,屈咗嘉輝先,『今晚你瞓廳啦,我唔想做下一個呀。』
儘管佢哋係度埋怨嚟埋怨去,但係佢哋嘅表情睇得出,其實佢哋係融洽嘅。
至少白雪公主咁認為。
「點解之前我係城堡度,無咁嘅感覺?」白雪公主心諗。
其實佢心入面,係有一啲啲羨慕佢哋嘅關係。
「咩姐!我無喎!我邊有呀!」嘉輝死口唔認都無用,一把口邊夠六把口鬥?
係打鬧聲中,各人都食完早餐,都要去開工搵食,如果唔係佢哋都會餓死架啦。
七條毒撚一個二個出發,佢哋離開屋企嘅方法都唔同,白雪公主都唔知佢哋係點走,好似係消失咗咁,好神奇。
文杰最尾一個走,佢臨走前叮嚀白雪公主:「無嘢做就執下間屋啦!」
「呀,同埋廚房有今日中午嘅飯,你自己煮返熱佢食啦。」
文杰出奇地溫柔,令到白雪公主忽然間唔知點應對。
只能夠「哦」一聲,然後呆咗係原地。
趕故書生
2017-08-15 05:18:12
文杰都走埋,屋企頓時變得安靜。
由白雪公主一入到嚟,喱間屋就好似無靜過,點都係吵吵鬧鬧。
忽然間變得咁安靜,令白雪公主有點無所適從。
就算佢係坐開大城堡,本來就好安靜,佢本應該習以為常,但唔知點解就係有咁嘅反差。
呀!白雪公主醒起一樣緊要嘢,就係趁佢哋唔係度,快啲搵地方走!離開喱度。
可惜嘅係,佢用咗成個上就嘅時間去搵,都搵唔到出口。
房門係鎖死咗,無門口,窗都係鎖死埋,無路口走。
白雪公主嘗試用其他嘢拆屋,但都係徒勞無功。
最後佢肚餓,放棄。
係喱個安靜嘅空間入面,無咩娛樂,成為佢思考嘅好方法。
佢開始會諗,係咪佢自己做人有問題呢?點解好似身邊嘅人都唔鐘意佢嘅?
女傭、許漢、陳紅最後一個眼神、幾個毒撚……
都好似通通都唔鐘意佢咁,點解嘅?
佢百思不得其解,明明佢生得咁靚咁可愛,都會有人唔鐘意?
點解我會搞成咁?
好多個點解,好多個問題,但無一個解得開。
諗極,都係無結果。
白雪公主會好似童話故事,又或者電視劇咁?跟住就改變咗,性格好似變咗第二個人咁?!
No!要令一個人改變唔係咁容易,更何況人哋有「公主病」?
小雲呑麥精
2017-08-15 05:34:16