【邪惡迪士尼系列】《白雪公主與七個毒撚》

係好耐好耐以前，一個繁華嘅國家入面，皇后係一個寒冷嘅冬天中，誕下一個女孩。

佢哋住係一間豪華嘅城堡入面，享受住最高貴、奢華嘅物質生活。

城堡金碧輝煌，城堡旁邊嘅古董擺設全部都價值連城。大至古董，細至餐具酒杯，都係經過千挑萬選。城堡入面仲有百幾個傭人去服侍佢哋，係誇張到，就算每個人去服待國王，係會有一堆人連腳趾都奶唔到。

所以，女孩係含住金鎖匙出世。

唔知係咪因為冬天出生嘅關係，個女仔皮膚如雪般白晢；嘴唇好似天生塗上口紅咁，好紅；頭髮好似天生用咗飄柔咁，十分柔順，而且烏黑亮麗。

簡單啲嚟講，姐係天生麗質，一出世就以傲人嘅姿勢示眾。

女孩一出世，就已經加入咗人生勝利組。

國王與皇后以為喱個女孩係上天俾佢哋嘅恩賜，過後會過住美滿幸福嘅生活。

誰不知女孩出世無幾耐，皇后就重病過咗身。

國王因為皇后嘅過世，終日愁眉苦臉，鬱鬱不得志。

事情過咗一排，國王開始走出陰影，開始明白單身嘅好，單身嘅自由。

其實唔需要怕寂寞，無人陪，身為一國之主，點會愁無人相陪？

於是每日都風花雪月，花天酒地，係喱個酒池肉林嘅世界入面，國王反而好享受，而照顧女兒嘅責任，自然落在傭人身上。

係喱種吃吃樂樂嘅生活入面，國王不曾抱著真心，每個女人都只不過係國王消遣嘅玩具。

希望藉著尋歡作樂去忘記過咗世嘅皇后。

而係咁多個女人入面，唯獨陳紅得到國王嘅青睞，而陳紅亦熟知男人心，討得國王甚是歡喜。

後來陳紅便成為女孩的繼母，而國王的生活仍舊風流快活，喱一切陳紅都無放在心內，佢想要嘅，就係依家喱個生活。

一個貴婦般嘅奢華生活。

一開始，陳紅對於喱個可人兒都疼愛有加，因為覺得佢好可愛好得意。

個心態就好似去玩人哋個細路咁，又唔係自己生，人又得意，得閒無事就去撚下佢，感覺幾爽。

照顧又唔洗自己照顧，有傭人架嘛係咪？

得閒就買啲嘢俾佢，氹下佢開心。

最緊要嘅係，個女仔又唔係陳紅親生嘅，又無經歷過十月懷胎之苦。

陳紅因機緣巧合下，得到一塊魔鏡。

陳紅時常去問魔塊：「魔境魔境，喱個世界上邊個最靚呀？」

魔境望一望身材已經走曬樣嘅陳紅，水桶腰，大象腿，唔明點解國王會娶佢返嚟。

以前身材婀娜多姿，樣子甜美嘅陳紅，年輕嘅時候真係一朵美豔嘅鮮花。

花，總有凋零嘅時候。

「梗係你最靚啦，身材又正，樣又靚，雖然有些少年紀，但歲月都偷唔走你嘅美麗。」

哇講得幾鬼好聽，幾鬼動人呀？

喱一番鬼話連篇，明眼人一聽就知係假，但偏偏陳紅好鐘意聽。

最緊要嘅係，魔境入面嘅陳紅，映出嚟係一個年輕貌美，身材姣好嘅陳紅。

其實一切都係魔境製造出嚟嘅幻覺，佢知道講真話後果會點。

就係俾人拋棄，無人理，係一片荒蕪嘅地方享受著虛無嘅寂寞。

魔境上一手主人，就係因為魔境嘅直話直說，得罪主人，因而落得如斯下場。

魔境依家學乖咗，執生成為咗佢生存嘅秘訣。

但陳紅因為咁樣成日都心花怒放，所以佢好鐘意塊魔境，覺得佢係寶。

國王之所以會再娶陳紅，係因為佢有幾分似佢過身嘅皇后。

皇后嘅身材都一樣走曬樣，青春不再，但國王無介意，一直一直咁深愛住佢。

靚唔靚，從來都唔係深愛一個人嘅理由。

影子會跟人一世，國王內心嘅陰影從未消失過，只係佢自己唔清楚咁解。

個女仔一日一日咁大，慢慢大家因為佢皮膚嘅關係，都叫佢做白雪公主。

白雪公主萬千寵愛在一身，繼母同國王都會將最好嘅嘢留俾白雪公主，城堡裡嘅傭人更是對白雪公主唯命是從。

白雪公主因而由細到大都持寵生嬌，公主嘅脾氣漸漸係城堡入面顯露出嚟。

例如食晚飯嘅時候，只要唔啱白雪公主口味，就發曬脾氣。

有一次，全部人係餐枱上如平常地用餐。

白雪公主忽然停下動作，道：「我想食泡菜！」

國王準備放入口嘅牛排都停咗落嚟，所有人嘅視線都放咗落白雪公主身上，然後面面相覷，唔知點算好。

咁又係嘅，又邊個會估到公主會食食下牛排想食泡菜先得架？

身邊反應快嘅女傭即刻走過嚟同白雪公主解釋，「公主，依家無泡菜呀，聽日立即為你準備，好嗎？」

「唔要！我要依家食泡菜！」佢扭曬計咁，啲脾氣出曬嚟。

「唔好咁啦公主，我哋好難做架……」

正當女傭們唔知點做好嘅時候，國王就下命令：「入去叫廚房整啦，梁伯識做架啦。」

女傭們你眼望我眼，「係！」

最後係白雪公主如願咁食到泡菜，一臉幸福嘅樣子，風波亦就咁平息。

暫時出住咁多先，聽日繼續

係咪甜故

係咪甜故

睇落去咪知囉

無人睇

國王對此並無太大反應，認為女兒家好應該咁樣，因為佢身邊圍繞住嘅女人都係一樣咁難搞。

繼母陳紅更是視而不見，因為佢都唔係成日見到白雪公主，加上見到，白雪公主都會係佢嘅威嚴下低頭。

繼母關心嘅係，佢嘅花容美貌會隨住年紀老去而消失，佢唔想！佢想青春常駐。

白雪公主一出到城堡，去見眾百姓嘅時候，會自動收起啲脾氣。

用笑面去迎接人哋，所以百姓都覺得白雪公主又靚，性格又好，係所有後生男性老婆嘅典範。

靚，性格好，乖巧，又係公主。所有男人，都幻想自己老婆會好似白雪公主咁，善良溫柔。

白雪公主由一個細路女，慢慢長大成人，越嚟越靚。

佢臉上面嘅輪廓越嚟越清晰可見，樣子十分標緻，十足十一個洋娃娃咁，加上佢公主喱個身份，好是匹配。

叫人感到可惜嘅係，白雪公主嘅身材如同細個一樣，無任何變化。

波平如鏡！

白雪公主一諗起自己無身材，無波，就覺得好自卑好無自信。

佢好唔鐘意喱種感覺，佢想要俾人讚，俾人捧上天嘅感覺！

喱一點成為白雪公主嘅痛柄，佢向城堡入面嘅人下令，唔準提起喱件事。

佢好努力咁豐胸，日日都會飲牛奶同做運動，仲有學埋啲按摩法。

佢甚至努力尋求可以隆胸嘅魔法，但係苦無成果。

白雪公主曾一度懷疑，係咪有人對佢個胸度偷偷施下咀咒？

平胸成為城堡中嘅禁忌，任何人不得提起「平胸」這二字。

著實叫平胸嘅女傭們大感快慰，唔洗俾啲下流嘅男人們日日夜夜咁嘲笑。

晏啲再出

唔錯

港女白雪公主，推#

有一日，公主跟隨國王出巡，民眾當然歡迎啦，可以見到又靚又有氣質嘅白雪公主。

一般平民對於國王嘅評價都係一般般，大家都算豐衣足食，至少唔會話買唔到樓。

所以平時國王花天酒地，佢哋都唔會點樣理會，因為喱啲係國王嘅自由，亦係佢嘅私生活。

佢哋主要目的，都係想見白雪公主一眼。

白雪公主坐係馬車上面，身穿白色連身嘅泡泡群，頭上帶著一個銀嘅重冠，同佢白晢嘅皮膚好襯。

笑容滿臉咁向眾人揮手，佢特別喜愛喱種感覺，真係好爽！

虛榮感佔據咗佢生活嘅全部。

沿途都相安無事，不過係人群中，有幾名少年帶著急促嘅腳步，隨後而來。

佢哋係因白雪公主美色之名而嚟，為嘅就係一睹白雪公主嘅美貌。

「哇！真係好靚。」其中一名驚嘆不已，果然名不虛傳。

「又真係！又白，樣又靚。」其中一名附和道。

「下？靚係靚啦，但無波喎！」

喱位少年十分之大膽，仲要扯住附和嘅人過嚟，指住白雪公主個胸，道：「你睇下先啦！佢無事業線架！平到好似男人喎！一睇就知係普通貨色啦！」

佢身邊嘅人聽到之後，紛紛後退幾步，用驚恐嘅表情凝望幾位少年。

白雪公主嘅馬車停咗係度，視線停留係幾位少年身上。

口出橫禍嘅少年心情複雜，唔知白雪公主有無聽到佢頭先嘅戲言？

少年從心底裡升起一服不祥嘅感覺。

眾人都安靜落嚟，無人知道白雪公主下一步想點。

氣氛十分凝重。

少年個心起伏得好大，神情更顯得緊張，知道闖禍啦。

「佢仆街啦……」佢隔離嗰兩個fd都心知不妙。

白雪公主柔聲叫馬夫：「走！」

跟住笑容又再堆積係臉上，又揮曬手咁，無人知道白雪公主內心係幾咁憤怒。

從來無人敢係佢面前咁樣話佢！

少年目送白雪公主離去，佢哋以為事情咁樣就告一段落。

點知幾日過後，幾位少年就憑空消失咗係人間，至今仍然係一個迷。

每個人心底都有一份黑暗，唯有認清喱一份黑暗，先會變得光明。

今晚再出
推po同正評會有助加速
希望大家鐘意啦

追完老師故繼續追新故

係咪甜故

睇落去咪知囉

正皮ed

文呢？

陳紅每日一起身嘅習慣，就係行去魔境面前。

「魔境呀魔境，喱個世界上面，邊個最靚呀？」

陳紅笑得好燦爛，佢最期待就係魔境讚佢靚，然後佢先有開心嘅心情去過每一日。

只不過換咗個方法姐，平時女人會將同一個問題拋去男人度，依家只係變咗塊境姐。

魔境知道一直咁樣稱讚陳紅，遲早一日都會穿煲，試問有咩人會40幾歲好似10幾歲咁？！

魔境知道白雪公主年輕，又靚，所以將計就計。

「本來係你最靚嘅……」

「本來？」陳紅漸漸露出不悅之色。

「經過上次白雪公主出巡之後，人哋見識過白雪公主嘅美貌，依家佢慢慢超越緊主人你啦。」

魔境入面本來係陳紅美麗嘅倒影，變成白雪公主巡邏嘅畫面，佢坐係馬車上面，清麗脫俗。

陳紅雙手開始握實，變成一個掌頭。

佢暗暗下了一個決定：白雪公主唔可以再出現係喱度！

魔境心諗：女人嘅妒忌心真係好重。

就算係姊妹，都會暗地裡互相比較，各何況白雪公主同埋陳紅只係繼母關係，而唔係親生母女？

魔境冷冷的一笑，佢嘅目的已經達到了。

陳紅成日係度左思右想，究竟點樣可以令白雪公主消失係喱個世界上呢？

仲要消失得好自然……唔係，係意外！

「咁樣我又可以扮到好傷心咁，搏國王嘅同情，同時白雪公主又消失咗，哇！真係一舉兩得呀。」陳紅一邊竊笑，一邊自言自語。

陳紅策劃緊喱個大計，一陣興奮嘅血液係陳紅身體裡面流動著。

「白雪。」陳紅食飯嘅時候輕輕叫了白雪公主一聲。

「嗯？」

「聽日媽咪同你去野餐好無呀？」陳紅柔聲道，一副慈母嘅模樣。

白雪思索一陣，覺得幾好呀，優雅，又乎合公主喱個身份。

其他一見到，一定好羨慕我喱種寫意嘅生活哈哈！

「好呀好呀！」白雪公主覺得幾唔錯，甚至有點期待。

白雪公主並唔知道，接落嚟係一連串嘅黑暗日子等緊佢……

陳紅邪邪一笑，佢身邊嘅人都睇唔出佢心入面盤算緊嘅計劃。

國王由一開始就默默地吃飯，好似無感覺咁。

冷漠到叫人感到恐怖，其他人都唔敢上前同你佢嘢，除咗白雪公主。

「爸爸，你聽日同唔同我去呀？」白雪公主向國王撒嬌。

國王難得露出笑容，「你自己去啦，記得玩得開心啲呀，知無？」

國王其實從心底裡都錫喱個女兒，但每次見到佢，嗰件事都會浮上心頭。

經過咁長時間風流快活，國王心入面早就被寂寞填滿。

係風流嘅場合，難見真心。

真心，並唔係咁容易搵。

白雪公主望住離去嘅國王，年紀輕輕嘅公主感覺到國王背影嘅哀愁，但唔知點樣形容。

好睇 正皮ed

推