趕故書生
2017-08-26 12:19:48
「咁你姐係覺得白雪唔正啦?」嘉輝毫不懼怕,串返轉頭。
「唔係,只係覺得有必要咁咩?」子軒睇唔過眼,「人哋女仔嚟架!」
「子軒,佢哋都係講下姐係度,佢哋邊有膽真係做呀?」俊希心平氣和地道,彷彿看透世事,看透毒撚。
「佢哋就係生人唔生膽,夠膽講但唔夠膽做嘅真男人。」
永樂無理到佢哋,行過去嘉輝身邊,「點呀,出唔出去睇多次?真係好正!」
其實嘉輝好撚想出去架,望咗一眼邊夠呀,但礙於面子,唔甘心俾俊希咁樣講。
「你自己去!白雪又無波,有咩好睇?」喱種程度就諗住瞞到人?
「收皮啦你!係度扮聖人。」永樂一睇就睇穿佢。
「佢除曬衫呀,你咪一樣照屌!扮曬嘢。」
嘉輝無嘢好講,佢已經唔想理,於是佢潛曬水。
屋入面多咗個女仔,毒男們唔多唔少都會有心動,同埋衝動。
但有時,就算個女仔再靚,性格唔好,都會令人敬而遠之。
到咗第二日,永樂同白雪公主講,「琴日應承過同你去買衫架嘛!依家就帶你去啦。」
大家梳洗完,準備出發工作,永樂趁有時間就實現佢琴晚應承白雪公主嘅嘢。
「好呀!」白雪公主滿心期待,可以出下去,算係嚟到喱度嘅開心事。
佢逐漸習慣喱度嘅生活。
永樂行埋到門口,輕輕叫咗一聲,「芝麻開門!」
本來無門嘅地方開咗度門,而個地方係廁所……奇撚怪怪。
然後佢哋出發去買衫,去一埋好古老嘅店。
趕故書生
2017-08-26 12:38:11
行咗無耐,係森林入面周圍穿穿插插,過程中有閒談下。
無非都問下大家拍過幾多次拖呀,係咪處呀之類嘅,都唔明點解永樂會咁問。
而最勁係白雪公主咩都唔知,問返佢,「咩係處呀?」
總之就係好奇怪嘅對答,唔知係咪童話世界入面嘅人係咁啦。
「處呢,姐係處女膜。你第一次俾人屌嘅時候應該會有嘅人。」永樂一本正經地解釋。
「下?俾人屌?姐係點?」白雪公主性知識貧乏,完全唔知咩嚟。
「姐係男人碌鳩插落女人個閪,不停來來回回地抽插,喱個過程叫做『屌』。」
毒撚毫不避忌,咩都講出口,分唔到咩係應該講,咩係唔應該講。
「痴線!我點會呀?」白雪公主產對喱個話題產生咗厭惡感。
「哦,無就得啦嘻嘻嘻。」永樂聽到就心滿意足。
佢哋嚟到一間好古老嘅店面前,外型都係由深色嘅木造成,裡面亮著昏黃色嘅燈,好多地方都昏昏暗暗,帶點神秘色彩。
永樂好似好熟手咁推開咗度門,因為佢一嚟到諗都無諗就入咗去,睇嚟嚟過好多次。
「張婆婆!」永樂大叫老闆個名。
入到去,喱間店陳列咗好多嘢,有衫有日用品有書,簡單嚟講姐係雜貨店,咩都有。
而喱間店好多嘢都幾有質感,有啲生活用品雖然用木造,但係幾特別,感覺有啲似「無印」。
入面嘅陳設成功吸引到白雪公主嘅眼球,佢見到係覺得幾鐘意。
佢無理到永樂,係間鋪度周圍行下。
白雪公主去到書嗰邊停咗落嚟。
係佢眼前,擺著一本書,書名叫《港女語錄》。