298 Like
13 Dislike
似水清洗我
2017-09-30 01:49:56
推
得不到多麼好
2017-09-30 03:47:26
趕故書生
2017-09-30 04:25:21
一眾毒撚呆咗咁望住喱個莫名其妙嘅男人,佢咁樣係咩意思?
白雪公主同樣地唔知點樣俾反應,甚至覺得喱一切都好似太奇幻。
白雪公主望一望其他毒撚們。
嗰個眼神充滿住猶疑,因為白雪公主知道毒撚們對佢真係好好……佢唔想無咗一班對佢咁好嘅人。
然而……
然而…………
佢再望返喱個如神一般嘅男人,又有魅力,又型,靚仔;最重要嘅係,係佢俾到一種名叫「心動」嘅感覺白雪公主。
依家白雪公主心如鹿撞,跳個不停,佢知道喱啲係來電,佢唔敢對白馬直視。
因為佢怕醜!
佢到依家先明白,原來毒撚們就算幾努力都好,都俾唔到喱一種感覺佢。
就算佢哋幾努力。
「Er…….我邊有可能跟你走呀!」白雪公主想扮嗰種好惡嘅語氣,但佢只扮到一半,剩底嘅真係好牽強。
白雪公主嘅口不對心,已經表明咗答案。
白雪公主係想跟白馬走,脫離喱個佢討厭嘅地方。
所以話,你唔到最後,你係唔會知你之前嘅努力,有無回報。
我哋通常都係離開嘅時候,先知道之前嘅努力、付出,都係曬鳩氣嘅。
「好!你唔走,我都唔走!」白馬王子再次肯定咁講。
白雪公主再一次俾佢嘅霸氣暈倒。
趕故書生
2017-09-30 04:25:41
無得比,淨係道氣都已經輸咗。
而毒撚們都依舊選擇唔出聲,任由白馬係佢哋嘅主場度耀武揚威。
試問聲一個懦弱嘅男人,點樣去保護自己心愛嘅人?
佢哋已經係喱場愛情爭奪戰中大敗,呀!不不不,佢哋根本唔係輸咗。
毒撚們連去試下爭取都唔想試下,一早打定輸數。
通常只有懦弱嘅人,先至會怕柒。
先是怕樣衰,繼而怕柒,最後怕失敗。
毒撚們看似睇得好開,「唉……係你就係你架啦,唔係你嘅,點留都無用。」
其實內心都係存有一絲絲嘅不甘,佢哋唔係真係睇得好開,喱句只係佢哋用嚟安慰自己嘅說話。
「你想走可以走,你想留就留,你自己決定。」啟明努力地擠出一點點微笑,喱個對佢係最大嘅極限。
如果喱個真係一個童話世界嘅,真心嘅男女,係會排除萬難地係埋一齊,無視所有設定,劇情需要,最終都係童話式(TVB)結局。
可惜,喱個係一個現實世界。
最後,白馬王子係留係度一晚,因為白雪公主要考慮,想留係度,於是乎白馬王子就係度陪佢。
係喱一個晚上,改變嘅,唔再係白雪公主一個人,而係加埋七個毒撚們。
而係天光嘅時候,白雪公主已經消失不見。
當然,連隻白馬都唔見咗……
天久(L259)
2017-09-30 07:50:45
咁就完左啦
求黃美斯
2017-09-30 09:27:02
完
G部隊
2017-09-30 09:40:51
以為文杰會做d野,點知天下毒撚都一樣
好平淡,但好現實既結尾
三文魚手卷
2017-09-30 10:04:54
作為毒撚都幾慘
趕故書生
2017-09-30 11:05:27
並未完
我今日會再出
天久(L259)
2017-09-30 12:03:51
三文魚手卷
2017-09-30 12:49:42
快點出我就原諒你
小鳥Ian
2017-09-30 13:37:15
拖文拖得好嚴重
三文魚手卷
2017-10-01 00:50:33
趕故書生
2017-10-01 02:15:15
白雪公主連同出面匹白馬唔見咗,可想而知發生咗啲咩事啦。
係毒撚們瞓著曬嘅時候走咗佬。
喱個情況,就好似港女們無聲無息咁識咗個男朋友,po上ig。
當你以為有機會得米嗰陣,無啦啦就判咗你死刑。
好多時候,大家都明咩事,然後就老死不相往來。
只見啟明嗰幾個真係用情至深嘅毒撚們收埋自己係間房度,完全無曬動力。
永樂睇唔過眼,走過去搵文杰。
「喂!你幫下佢哋啦,你忍心見到佢哋咁樣架啦?」
文杰佢好休閒咁坐係電腦前面食雪糕。
文杰無理到佢。
「喂!」永樂大聲一喝。
「咩呀!?理得啲咩呀?佢哋鐘意咁撚樣做男人嘅咪由得佢囉!」
文杰好大家聲咁講,好明顯佢喱番說話唔係講俾永樂聽,而係啟明佢哋。
「你覺得佢哋需要保姆咁樣,係佢哋身邊安慰佢?」
「佢哋依家係要自己清醒,等佢哋過到喱一關,佢哋就係真正咁長大!」
「我以前好好呀?我以前咪自己一個咁樣行過嚟!有邊個幫我呀?」
「佢哋唔諗住屌柒白雪已經好有問題啦,咁樣就走咗去,你覺得咁樣係好女仔咩?」
「最尾剩底嘅,留係度嘅,咪又係我哋!戇鳩!由始至終,都係得我哋七個毒撚不離不棄咋!」
文杰講完,望一望毫無反應嘅啟明,佢知道,男人就如蝴蝶一樣,需要脫殻而成長。
文杰離開咗喱間屋,離開咗其他毒撚。
佢只係覺得係時候,需要出去闖一闖,搵屬於自己嘅生活。
趕故書生
2017-10-01 02:15:36
當然其他人一開始都會周圍搵文杰,但去到後尾,都覺得再咁樣落去唔得。
唔通要同毒撚們過成世咩?佢哋係未遇到白雪之前,真係可以大家一齊生活一世。
但自從遇上白雪公主,佢哋知道愛情先係佢哋想要嘅嘢,佢哋都想要愛情嘅滋潤。
於是乎一個接一個咁離開。
而最後離開嘅係啟明。
佢用咗好耐嘅時間,先走得出個陰霾。
佢無一日唔諗起白雪,佢嗰種好想得到,卻得唔到嘅唔甘心,一直纏繞住佢。
忽然有一日,真係有一日,嚟得好突然。
應該係佢自己覺得夠啦,都咁耐啦,咩都夠。然後就睇得好開。
無任何先兆,就忽然間諗通咗,然後往後諗好多嘢,睇得好開。
佢最後先離開,去搵屬於佢嘅愛情。
喱個故事唔係一個童話故事,係現實當中,佢哋都經歷過幾番波折,先搵到屬於自己嘅幸福。
啟明佢因為喱件事,知道好多嘢都係得來不易,而且養成咗佢睇女仔嘅本事。
一啲玩家,性格差嘅女仔,佢唔會點樣繼續行落去。
但有陣時,佢都會諗,如果當初真係追到白雪,可能好快就會散。
喱啲嘢,都係啟明後未先明。
最後俾佢一間店度邂逅一個普普通通嘅女仔,但係開始咗一段唔平凡嘅愛情。
一段愛情可以走到最後,就一定不平凡。當中一定經歷好多好多嘢,而經歷過咁多嘢,仲平凡咩?
其他毒撚們有啲都經歷過離離合合,身邊流走咗唔同嘅人,先至搵到屬於自己嘅愛情。
趕故書生
2017-10-01 02:15:58
唔係個個都咁好彩,可以第一個就遇到可以走到最後嘅人。
而當初白雪公主以為搵到嘅白馬王子,到後來先發覺佢只係假扮王子嘅寒國人。
玩厭咗之後就唔理白雪公主,走去搵其他女仔。
當然白雪公主都離開咗佢啦,去返城堡嘅時候,佢已經變成一個又老又殘嘅女人。
女傭們見到佢都認唔到佢,打發佢走,就算認到,都唔想佢返嚟啦。
無家可歸嘅白雪公主只好返嚟毒撚屋到,諗住可以搵返曾經對佢好好嘅毒撚們。
誰不知嚟到門口,先知道入面嘅人已經走曬。
佢用特別嘅方法入去間屋度,入面空空如也。
白雪公主憶起以前係度好開心嘅畫面,一齊食pizza,一齊開party,一齊笑。
依家人已經唔係度,可憐嘅白雪公主只剩下回憶。
喱間係毒撚們唔再返嚟嘅屋企,變成咗白雪公主嘅家,孤伶伶一個終老。
而毒撚們,係遠方有一個美好嘅家,過住真正屬於佢哋應有嘅生活。
挽歌之聲
2017-10-01 03:15:38
好睇,多謝巴打
發人心省呀
虎地泰利
2017-10-01 04:54:07
好故呀
教訓啲死港女
天久(L259)
2017-10-01 07:59:04
白馬王子係「寒國人」
三文魚手卷
2017-10-01 09:57:57
竹蜻蜓
2017-10-01 14:02:00
完得幾好
巴打有冇諗過出埋其他迪士尼公主
準畢業廢青
2017-10-01 16:23:55
好有意思
當洗衫板遇上Ipad
2017-10-01 19:31:54
公主個ending真係幾諷刺 比個like你
小小小你老寶
2017-10-01 22:01:47
真係好現實呢個故 好諷刺時下d港女