永遠只為「賺多D錢」而做各種人生選擇，是否可悲？

話說，有朋友係一個極度沉悶既人

無工餘興趣，

讀書揀科只揀有錢途既科

如果OT有補水佢義不容辭OT（無補水就唔想OT）

如果紅日頂更有錢佢義不容辭頂同事更

買錶只買保值款，唔係買自己鍾意既款

買玩具會首先諗有無二手市場第時玩厭可以賣得出，唔係跟個人喜好

會揀質地好既野，但會先買二手（例如家私、電器）。如無二手就會諗好耐先買。

覺得拍拖無謂、各種活動浪費時間同金錢

有免費既話（例如開心版）就一定唔會畀錢買（例如Subscribe）

睇新聞只睇財經版

會盡擸各種信用卡、銀行優惠

其實佢份人都樂於助人既，出力呢方面無計較。只係份人悶D。





咁既人生，係咪可悲？

錢就係佢嘅興趣

會唔會係等緊機會， 打好個底
儲多啲錢
等個合適嘅人
先去拍拖

由鳩佢啦又無做傷天害理既事，佢開心咪得
好過有啲人吸毒，賭錢，錯撚晒

咁都算搵到佢人生嘅意義

咁係咪一個可悲既興趣？


正常後生仔既人生應該多姿多采


佢成個要供樓養家咁既老屎忽咁

應該無女會鍾意呢種人吧？

吸毒 賭錢都係興趣 個人選擇 又無做傷天害理既事

但我覺得佢On9

人生只活一次，佢錯過好多好野

好On9

關你撚事咩毒撚

嗯，係的

覺得佢好陰公

笑到最後先係大贏家
人地呢d延遲消費 應洗則洗
大把有錢佬都係咁
做貿易批發生意 爭2毫5毫已經差好遠
慳錢係原則 保值先叫品味

我身邊就有一個 生活得好吃力 明明搵最多就係佢 但叫佢出少少錢食餐好仲慘過要佢條命

冇計有d人細個窮開 個comfort zone就係唔比自己洗錢 唯有代佢未來個仔多謝佢

但錯過左青春、錯過左最好既時光


唔通到40歲先黎𠝹女？先黎落D場？先黎扮靚？

你又無24 小時跟住佢，你點知佢體驗過啲咩
可能佢咩都試過晒，你只係睇到佢表面果一浸

咁你地作為朋友點睇佢？會唔會因為咁唔同佢熟 Or做唔到好友？

讀書時已經識佢。

唯有食貴野唔好預佢 佢自己冇bad feeling 可能覺得我哋on9添

如果佢生活得快樂又有咩所謂，
好多人搵錢儲錢只係因為鍾意錢，
見到自己戶口越嚟越多錢覺得有成就感開心，
儲蓄比起消費又更大滿足感咪得

好多野用金錢衡量唔到
不過呢句嘢唔適用香港

咁我朋友都會食貴野，但只限係日本。

係香港永遠都話唔撚抵。

有
會覺得佢好精明
識邊度有平嘢買/食
買衫就淡季買
用野實用為原則

問過佢呢個問題


佢話如果生為富二既話，人生會比而家開心好多。