Affordable Watches 手錶討論區(29)

最靚呢隻，三文襯藍底淺黃月，第二冰藍襯粉紅月

反而大路藍色嗰隻幾悶下，想要粉紅月但又鍾意羅馬字

呃我唔到既

即刻呢隻變最靚

呢隻似愛爾蘭魔蟹

個feel即刻唔同哂

條帶會唔會鬆泡泡咁?
即係有空隙?

上次我買比第二隻sbtr果條
平同冇endlink嘅鋼帶就鬆
呢隻冇
甚至其他3隻條帶仲鬆過佢

正想講咁似老虎

其實d 錢自己鍾意點使咪點使，又唔係上黎問意見
戴比人睇就出番去隔離買番pp ap vc rolex 啦，affordable 唔係好岩佢

用強生bb 油，自制anti reflective dial

我都想玩
有冇教學？怕唔怕戴戴下漏油？

咸仔新jazzmaster performer好似幾好J仲要有出34mm
https://www.youtube.com/watch?v=cc37_iMckTA

較時間點算?

巴打 咩型號
想入手

塵都搞掂?
不過我試過換錶帶支叉都吉左一點穿DLC

你既諗法好奇怪

我覺得咁，如果上黎問呢d 錶買唔買得過，咁我都會叫唔好買既

但人地自己諗清諗楚真係鍾意買左上黎分享，係咁踩人隻錶呢樣果樣有咩意思，唔通叫佢掉左隻錶佢？

錶咪都一種fashion accessories啫，平時衫同鞋咪又係抄黎抄去差唔多款。平有平買貴有貴買，最緊要係負擔得起，自己開心，同埋唔好俾人覺得明顯地充大頭鬼就得啦，有乜好嘈

平時行街周街都見到好多人著Jimmy Choo / 飛甩雞毛鞋差唔多樣嘅"致敬款"啦，我又唔覺D女人好care, 反而整體襯得靚更加重要過本身對鞋係乜

D女人上網睇衫都係睇下有咩新款出，邊到買平D, 布料如何，點襯法先靚，有冇人買完中左伏之類。。有幾何見人花咁多精神去argue

其實無論分享咩錶都好，平嘅貴嘅靚嘅醜嘅 都無所謂，正如巴打你講嘅錢係人哋嘅有自由選擇。我絕對同意。

除咗流四同支那錶

流四本身就有問題，就算錢係你嘅，自己開心，佢都係流四，都係有問題，一吹奏就應該批評。係流四嘅範圍入面我唔同意 ‘自己開心就得’ 呢類講法。

支那錶係外國好多人玩，好多人support ，好多正皮….. 係嘅…..無問題嘅 就係因為係外國人！ 外國人同支那無特別關係 玩支那錶當然無問題啦。 可惜呢度係香港 。 我係香港人 原諒我真係無辦法接受一個香港人吹奏支那嘅仲好開心。 唔好咩都講政治係咪？ 玩錶jer …..sorry 係香港呼吸都係政治，大家都係幾日前先有得除罩就知。

塵包括好多唔同物質，石灰塵已經夠硬整花隻錶

所以我淨係問過佢隻錶係咪淘寶有得賣嗰隻，因為都唔啱channel無乜好討論

想偷買掃地師隻左仔gmt，好耐無買downloadable content錶

關於流四同支那，我絕對同意，我自己亦唔會咁做，只係我會諗講完番說話有咩效果，屌柒人同笑柒人唔見得會幫到件事純粹得自己口爽

正如我所講，未買我一定會嗌唔好買，但如果唔買都買左，與其屌柒人不如健康d 分享更多好錶，下次買d 更好既

我只係覺得，幾個錶po 黎講呢邊真係最健康，唔似隔離兩邊，想盡量keep 番個討論氣氛啫

同意你講呢兩點，但爭論解決唔到問題。

關於流四，以前睇過句野幾岩：“The easiest way to stop piracy is not by putting antipiracy technology to work. It’s by giving those people a service that’s better than what they’re receiving from the pirates.” 自從有左Netflix / Spotify, 已經少左人BT dowload老翻野。呢幾年micro-brand盛行，流四市場空間只會變小。錶呢家野冇乜專利可言，從supply side解決呢個問題會有效好多。得閒介紹多D性格比高嘅micro brand,自自然然會少左人買流四。

我自己就唔買大陸牌。但鐘錶業同紅色資本無論需求端同供應鏈都係千絲萬縷，是但一隻瑞士錶大陸從供應鏈賺嘅錢要比賣隻雜牌錶高好多，只係呢D野係消費者角度唔visible。 如其花時間係呢d野都爭論，不如介紹下D完全供應鏈自主嘅錶廠, 等大家支持下。