係日本返工, 玩左改裝玩漂移2年, 你問我答

實線轉線比警察截左扣2分算唔算

好問題, 我係日本一直只見uber eat冇見過香港個隻要載人既uber, 你唔講我都真係唔留意日本有冇uber接人, 一陣有時間查下先

uber eat有好多人當part time, 正職應該比較少

都幾懢油

加油, 日本其實唔少東南亞人做車行, 不過好多都係做埋19野例如插傳單係你車門度問你賣唔賣車

多謝師兄俾我知道多個方法。
30歲前又無諗過,無用個working holiday去體驗下當地生活。

唔喺日本
我都新玩只係啱啱夏天到秋天玩咗幾個月
揸MRS
第一次擁有尾碌好難揸
揸咗十幾年頭碌車
頭碌車嘅感覺個頭過到個身就過到
有乜想推頭唔對路全部喺個呔盤反映到
架MRS揸落好似車頭一節嘢 車身另外一節嘢咁好唔協調
唔知係因為架車車頭太輕定尾碌車係咁未習慣
不過依加天氣凍到仆街長期單位數字/零下冇出車了
喺外國啲人11 12點就訓條街淨過太空
搵其搵個公園停parking lot就可以玩
但就要濕地先出得出車
乾地玩乾磨GG聲肯定俾附近啲民居報警屌撚死
試過夜媽媽有差佬特登走嚟公園行轉
應該有人報串

cusco 舊件幾得意喎
謝分享

Mrs難甩應該係因為佢係MR唔係FR
我MR只渣過660，行街我覺得慢慢來應該就唔太有分別

歐美玩車爽啊，地大又無咁嚴，改裝件又多元化

補充一點如果條tire左右消耗唔平衡你可以燒曬一邊side之後左右tire調轉再玩，唔好浪費

不過記得玩同出街行既tire要分開，行街用玩過既tire好易出意外

以我識既香港人入面有個係WH之後考左個試最後留到係日本做野, 不過佢唔係整車, 係做餐廳樓面

聽落又有啲興趣
今次真係要問下日本野先
份PDF要考自動車整備分野特定技能評価試験
website有份sample paper睇過都勁簡單
同埋淨係要N4
真係咁易去到日本？
係嘅話好似大把人去咗
不過要考試要passport同「在留卡」
在留卡好似係簽發working visa時做的
即係要當地有人請肯請先得
冇人請就算個試識都好都冇資格考
冇資格考人地interview時又點知你識啲乜呢?
有雞先定有蛋先嘅問題
係咪呢度kick住咗?

真係? 光頭呔(未見鋼線前題)乾地正常行街仲咬先係

印象中考試唔洗working VISA都可以去考, 旅遊VISA掛可能
同埋其實好多日本生活既外國人唔識日文

如果你一邊SIDE磨到冇曬溝既出去行街已經有機會出事
但係如果係去玩, 你得一邊side消遣既話即係另一side仲係新胎咁靚左右胎交換就可以用盡埋呢一side

手頭上冇好左右好明顯差別既相
呢張相頂住先
紅色係消耗比較多既邊，另一邊藍色仲有溝
紅色用到光頭，如果無露到Y牙出來，就可以左右tire調轉，因為正常左右碌既alignment應該係相對，另一個碌一樣係差唔多消耗方式，左右交換就可以玩埋有溝既位唔好浪費

玩就可以，不過行街咁既胎我真係唔敢試

關於呢個問題有啲興趣想分享下
不過只限頭錄車 只有多年揸頭錄車經驗
假設係乾地正常駕駛嘅情況下駕駛(唔係玩緊漂移)
到極限之前8 9 成嘅呔都會響
淨低1成嘅就係雞呔就係唔知點解到極限都唔識響 極危險

假設你係識響嘅例子
響呔並不代表到極限
響咗後都仲有一段可觀嘅buffer位可以再快啲
所以如果你問點先到極限就係條呔起碼要響
如果入條灣未響嘅話代表可以再快啲
但識響後仲有幾多先到極限就自己執生
(乾地就真係乜呔唔識響 不能討論)

但係有一樣嘢就係切記切記切記切記要將好啲嘅呔放喺尾碌
因為頭碌車轉向同推到都係用頭碌嘅關係
架車嘅動態同走向
仲有幾多就推頭等全部會喺個軚盤度feel得一清二楚
如果你放套好嘅呔喺前面就有機會出現拓海嘅「我可以轉!」情況
你feel到條灣以呢個速度頭碌真係會入到呀
但個尾碌入唔到呢
然後個尾就甩出變填海
個尾碌唔似得頭碌咁有得直接從軚盤去做轉向
所以出事起上黎救車係難嘅
我已經試過兩獲係咁
有次打咗個 180 有次反手軚救返
都係基於個人理由我一直將雞呔放後面
因為有時落雨一時興起我會拎架頭碌車玩下 hand brake drift J turn 等 trick

尾碌呢個時候就需要LSD防止佢後碌內輪空轉太多推頭

另外想問下黃色車牌係咩意思，因為見黃色車牌果啲通常揸得兇狠啲

輕自動車, 香港好似叫K-car
660cc或以下個D

因為而家D輕自動車馬力唔高但係夠輕加速好快, D人咪渣得兇猛D

係比賽時同人dog fight控制情緒最難

要靚一定有, 差在咩價錢, 如果舊車但天價你會唔會買

https://www.goo-net.com/usedcar/brand-NISSAN/car-SKYLINE/
雖然貼LINK好似冇咩誠意, 但我日本搵車個陣都係呢個網搵, 然後去間店度直接問

如果你有熟既車房, 佢地有個車店專用拍賣場, 即係香港有時有D二手水貨車中介咪會有張車相+分紙, 個D其實係日本一個大型拍賣場, 要車店先睇得, 個D就有機會執到平車, 但係唔好處就係拍賣冇得睇到真車, 連車店都只能夠睇相同分紙去估架車靚唔靚, 不過日本人搞呢D好少做假, 因為全日本都係同一個拍賣場, 個分紙算係可信度幾高唔太怕

以前SKYLINE仲叫做平所以唔少人買來drift, 近年貴左好多所以應該愈來愈少人買來玩, 買完收藏多, 而家D人開始轉買skyline 35,36去漂, 因為35,36個車頭好樣衰日本人氣好低價錢仲算平
老實講部野好Q重, 只係RB engine有力先拎來玩, 比較少人拎來比賽, 娛樂較多

追走個陣發現後車完全跟得上自己既動作應該會好緊張