係日本返工, 玩左改裝玩漂移2年, 你問我答

之前有巴打問我改左乜，太多講唔曬我就隨便貼上星期改完既電動風扇

我上年為左漂移唔好overheat，換左個銅2層散熱器，過熱問題解決，但冬天水温升唔到一陣凍搞到好燒油又唔穩定，於是車房佬建議我換電動風扇，唔到指定温度唔轉咁至少水温唔會長期過低

原裝風扇

拆左準備廢棄

換電動風扇

引擎前面乾淨曬




而家開車雖然水温都係overcool，但set ECU風扇而家唔到88度都唔轉，至少同上年冬天比唔會長久期唔升温，而家渣一陣水温就會上到70幾，一般路間中停下車就有機升到80以上，少左條皮帶轉住風扇，油門反應快左少少，power loss都少左，感覺良好

詳細
謝
漂移嘅話通常會點揀呔
之前拎跟車番黎行街套呔漂
呔中間嘅紋都仲好深
但sidewall 好似烈烈地（但又未真係烈開嘅）嘅樣
應該係重心側得太多埋一邊sidewall 頂唔順
係我揸得唔好/條街呔本身質素唔好/正常損耗？

我以為係 supra 個啲添，GTR 唔係好貴既車黎咩？？

相反德國佬覺得上十年收番黎既 supra / 200sx / S14 / S15 去改 track setting 跑 nurburgring 抵玩，但呢十年比 fast and fusion 炒到啲 JDM 起晒價真心唔值

我收部寶馬 330i 都係唔洗五皮港紙有部低過 10 萬 miles 狀況 ok 拎去執再改都幾好飛，最衰個代寶馬三系隻 335i 出 coupe 版仲要棍波既出得少，但搵部 10 萬 miles 狀況 ok 既都係大約八萬左右有交易

335i 用黎執完再改一改落場完全唔失威，本身原廠 setting 已經可以令副偈係 1300 轉直接爆到最大扭力 400nm 咁恐怖，其他避震 braking 落番啲賽場「基本」裝夠殺好多車了，之後就係部偈既可靠穩定性問題 (歐洲啲環保膠真心 on9 )

講起改車，最近遇到個問題但出係我部家庭車上

我係英國用日產 note E12 DIGS 即係日本街上行個部 E12 有 supercharger 個隻，但我係行棍波

最近條 supercharger 既樹脂喉終於爛左 (近 17 萬 km 車)，頂扣爆左我暫時用索帶索實等佢做增壓個時唔會 pop 出黎，睇動力同油耗又回復番正常

想問有無試過幫機械增壓既車加 blow off valve？？我見有外國人改我呢副偈加多個 blow off valve 去令增壓左但未用既空氣排走加強效率，但真係有用？？副偈得 1.2 炸喎，仲都未知個細細地既 supercharger 佢加壓到幾多

請教一下巴打你係咩地方漂

我仲係玩左2年唔係高手, 我用既都係大眾drift player用既胎唔會太pro

前胎我用R1R
https://www.toyotires.jp/product/pxr1r/
雖然型號比較舊, 但真心好GRIP, 就算平時行街都好安全, 落雨都冇乜under

後胎我用KR20, 唔係20A, 20A比較咬地
https://www.kendajp.com/car/lineup/item/kr20/
平野, 最緊要係好好滑, 而且好耐用, 可能我係NA冇乜馬力所以用得耐, 我一SET玩左成日都冇事, 最長個次玩左3日先換

仲有前輩推介既KR968
https://gigaplus.makeshop.jp/ares1017/img/page/6/tr968.html
我而家練習用15吋所以冇我既SIZE所以乾地唔太清楚, 但落雨個陣我用KR968既16吋玩過, 好好滑, 不過落雨感覺上只要唔係高咬地胎都唔難滑所以不能作準, 巴打你有興趣可以試下, 我見其他人都有用

只要仲有溝, 同埋冇Y牙露出來基本上就仲用得唔好浪費
sidewall既問題係同你後碌個CAMBER有關, 即係胎既角度, 呢個你要睇下你後避震臂有冇得比你SET角度, 冇既可能要去買件
咁你每玩完一次就可以tune一次角度, tune到佢條胎左右消耗平均為止
類似呢個PAGE既調整式リヤアッパーアームhttps://www.cusco.co.jp/catalog/suspension/rod_arm_link.html
有左呢D parts你後碌都可以set角度

唔係你渣得唔好, 係正常, 應該話真係要講到4條胎重心都發揮到盡既你應該一早做左職業車手, 可能你要送返5年豆腐晚晚飛先練到

btw巴打你咩車種

supra都有但遲過GTR, GTR R32比supra早幾年出, 而且GTR真係當年怪物來, 日本車廠既技術個陣真心痴線, 以前GTR中古都有平到20萬yen左右一部既時代, 當然而家冇可能

歐洲車除左重之外其實都還可以, 唔係話歐洲車唔好唔靚, 只係日本車紙皮咁既特性既車先有咁既重量
你睇下GR86都輕到咁, BMW全部都重到1600KG或以上咁滯

車比賽都好多種, 去到SUPER GT個種級數, 個D車除左個外殼之外裡面都係魔改, 根本日本歐洲非洲車都冇所謂
如果小比賽又限CC既話歐洲車其實真係又唔算真係好大優勢
DRIFT既話車架輕改裝成本就會比較少, 至少唔洗花心機去偷輕佢
結果都係睇你要玩邊範而決定用咩車, 歐洲車都係參加返佢地應該參加既比賽

supercharge冇玩過唔太知點搞, 而且好唔流行

但巴打你講既情況爛左野既建議你都係overhaul一下, 如果真係已經殘到巴打講咁既, 我覺得overhaul一次整完應該體感上都爽快唔少

原廠既sc你唔好太大期望佢有幾大力, 你當只係一個賣點唔係比你追求好快, 當你真係成功增壓完可能出力會高左但易壞幾多, 又換句話講如果真係可以增壓好多你部車立即快到可以飛, 之後你就會發現你其他配件跟唔上, 傳送左既馬力唔會消失, 你引擎受到唔代表你波箱, 極力子, 車軸都受到, 到時可能要成堆野一齊換/壞, 不過呢D都係要勇者去試先會有人發現到部車既可能性, 你有興趣又承受到個風險同價錢我覺得試都係好事, 改車界就係需要呢種人

如果真係想大既你可以買其他廠既sc kit自己裝, 不過如果冇你部車轉用既kit可能D管可能要全部自己定做燒焊超花錢, 香港車檢又未必比你過

師兄係日本返咩工

請外國人又算叫專門既應該好易估

估唔到🥲🥲
小弟有計劃想去日本發展，
所以想了解多啲八卦問下你。

做IT最易，其次係設計，之後係樓面不過拎唔到永住
有錢可以留學讀完大學再揾工

最易係識個日本人結婚

明白！
小弟都30頭，
係香港做過整車都8年，依家轉左做sales
唔選擇留學同搞生意，無專門都好難去日本發展

https://www.mlit.go.jp/common/001282295.pdf

整車好似可以申請到VISA, 你可以睇睇

係最快跌落山

Thanks 師兄我睇下先。
雖然我未係短期內過去，
不過我都未睇過呢份資料。
我之前睇過係要係日本讀專門學校先有得做整車。
萬分感謝🙏🏻

冇好詳細咁睇, 求先碌左份野好似大約流程要
日文能力, 仲要考試(應該係同整車有關), 過到考試後就可以去搵日本同整車有關既工

🙏🏻🙏🏻等我研究一下。多謝你

睇片日本仔啲車房同工具乾淨到痴線
真係就算識教唔敢去做

幻覺來，大部分都好污糟，大廠先有機會執得靚仔少少

如果只計睇片美國佬改車場仲痴線，又靚又多工具，完全表現出有錢就是任勝

日本整車而家有少少青黃不接，上年聽到有間鈑金店老闆話請左個實習生舊電放錯左正負極屌佢幾句第二日就辭左職

睇左陣份PDF
技能實習1 淨睇野應該正常人都識
2 有上頭帶住應該問題不大
係 3 要開始真係要自己一個人做 kam 啲
搞唔掂 3 就踢你歸國
好狗

部車都係三皮幾既車仔行左過 17 萬 km ，算啦 而加部 note 仔仲可以係倫敦塞車加些少 80km 路都行到 5.8 升 100km 咁已經幾好

好奇一問uber喺日本流唔流行？
如果當正職做得唔得

有冇試過畀警車截/見到警車截人？上網睇佢啲警車都好正

點樣先知轉灣極限成日轉緊又驚太快

冇人一開始就知個彎極限, 個個都係慢慢轉, 轉一次覺得可以再快D下次就加快少少速度
會炒既人多數係唔熟但又以為自己拓海「我可以轉!」然後炒埋牆
我就係一個失敗例子, 以前炒過一次箱根長尾山

重點係唔好一次過加太快節奏去跑, 我有一位formula D Japan既車手朋友, 佢都話唔要控制情緒, 因為專業既都唔想自己架車炒要好貴去整, 控制自己唔好太興奮太衝動衝太快先係最難